युहन्‍ना 15:2 - पुर्वीय मगर

² ङाखाटा लेच मीस्‍या मास्‍याटाक्‍च हाँगाकोलाक होसकै चेयार लोम्‍ह काले, टर मीस्‍या स्‍याटाक्‍च हाँगाकोलाक चहीँ झन वास्‍टै मीस्‍या स्‍याटाक्‍ख्‍यो डेयार होसकै छाट्‍डीम याल्‍हे।

युहन्‍ना 15:2 ပူးပေါင်းရင်းမြစ်များ

मत्ती 13:12

हीजैडेनाङ सुखाटा ले, होसकी अझै याल्‍हे र होसखाटा वास्‍टै डेनाङ वास्‍टै छान्‍ले। टर सुखाटा माले, होसखाटा लेच चेक्‍जा र स्‍याट्‍न याल्‍हे।

मत्ती 13:33

येशूये अर्‌को उदाहरण याहार डेया, “स्‍वर्गौ राज्‍य खमीर ल्‍याक्‍च हो, होचे चहीँ रोटो सोकाक्‍ले। काट मास्‍टोये चेक्‍जा खमीर सोम पाठी बेभोकाङ मोल्‍होक्‍ले अनी होसे पट्‍ट न सोकार ठीक माछान्‍ठर काट ठावाङ डा।”

मत्ती 15:13

होसकै डेया, “स्‍वर्गाङ लेच ङौ बोये मारोप्‍डीच काट-काट म्‍यार्‌टुङ जरा खाटा न हुट्‍ले।

मत्ती 21:19

लामौ छेवाङ काट अन्‍जीरौ म्‍यार्‌टुङ डाङार होसको मीस्‍या लेकी डेम नुङा। टर होला मील्‍हा बाहेक हीर मालेया। टब होसकै होसे म्‍यार्‌टुङकी डेया, “अब लकीङ आलाक नुओ मीस्‍या सेन्‍र मास्‍याख्‍यौ!” टब होसे म्‍यार्‌टुङ होडीक न बेला ओइलडीस्‍कीक्‍योटा।

मत्ती 25:29

हीजैडेनाङ सुखाटा ले होसकी अरु र फाट्‍न याल्‍हे, र होसेखाटा वास्‍टै डेनाङ वास्‍टै छान्‍ले। टर सुखाटा चेक्‍जा ले होच्‍यो चेक्‍जा लेच र होसेलकीङ स्‍याट्‍ले।

मत्ती 3:10

सीङौ म्‍यार्‌टुङकी फुस्‍कीयो लागी चाँहा न होच्‍यो जराङ आउरा पर्न भ्‍यामने। होटबाटै सेछ मीस्‍या मास्‍याटाक्‍च पट्‍ट न म्‍यार्‌टुङकी फुसार म्‍हेयाङ लोम्‍होकाले।

मत्ती 3:12

होसकुङ टाप्‍च न्‍हाङ्‍ल्‍या होसकुङ न मीहुटाङ ले र लहो खलाकी सफा जाट्‍ले, अनी गहुँ ढुकुटीयाङ जम्‍मा जाट्‍ले टर भुस चहीँ सेन्‍र मासीच म्‍हेयाङ सीकाक्‍ङ याल्‍हे।”

मत्ती 7:19

सेछ मीस्‍या मास्‍याटाक्‍च पट्‍ट न म्‍यार्‌टुङको चेयार फुस्‍ले, होटै म्‍हेयाङ लोम्‍ह काले।

मर्कूस 4:20

टर कुडीक भर्मीको चहीँ मज्‍जुङ झाङ पर्च छोयो लेखा न हो। होखुरीकै परमेश्‍वरौ बचन सेले र मीमनाङ लाले अनी टीस गुना, साठी गुना र सय गुना मीस्‍या स्‍याटाक्‍ले।”

लुका 8:13

ल्‍हुङ घारीयाङ पर्च चहीँ होखुरीक हो, बचन सेयार खुसी खाटा ग्रहण जाट्‍ले। टर होच्‍यो जरा माछान्‍ले, होखुरीकुङ विश्‍वास चहीँ कालापौ लागी मट्‍टै छान्‍ले। टर परीक्षौ बेलाङ होखुरकुङ पटन छान्‍ले।

युहन्‍ना 15:1

“साँचो अङ्‍गुरौ म्‍यार्‌टुङ ङा न हो, र ङौ बोइ चहीँ कीसान हो।

युहन्‍ना 15:16

नाखुरीकै ङाकी मारोजडीया, टर ङै नाखुरीककी रोजडीया। नाखुरीक नुङार सढैँ भरी ङुच मीस्‍या स्‍याटाक्‍नी डेयार ङै नाखुरीककी खटडीमने, नुङ्‍नी र मीस्‍या स्‍याटाक्‍नी। बोइखाटा ङौ म्‍यार्‌मीनाङ ही ङेल्‍हे, होसकै नाखुरीककी होसे याल्‍हे।

युहन्‍ना 15:3

कीसानै म्‍यार्‌टुङुङ हागाकोलाक छाट्‍डीयार सफा जाट्‍नाङ लेखा न ङै नाखुरीककी डेच बचनै नाखुरीक अघी न सफा छान्‍न भ्‍यामने।

युहन्‍ना 15:6

अनी होखुरीक ङाखाटा माङुवा डेनाङ होसे चेयार ल्‍होछ हाँगाको लेखा न छान्‍ने। होसे हाँगाको छोक्‍ले र बटुलीयार म्‍हेयाङ काम याल्‍हे।

युहन्‍ना 15:8

नाखुरीकै वास्‍टै मीस्‍या स्‍याटाकार ङौ चेला हो डेम टान्‍हाक्‍की य्‍होका डेनाङ होला न ङौ बोयो महीमा छान्‍ले।

युहन्‍ना 17:12

कुसे म्‍यार्‌मीन नाकै ङाकी याम्‍हन्‍या, ङा होखुरीक खाटा लेनाङ ङै होखुरीककी होसे न म्‍यार्‌मीनौ शक्‍तिये जोगडीयार डा। अनी नास छान्‍की पर्च भर्मी बाहेक ङै सुकीर नास छान्‍की माय्‍हा टर सुरक्‍छीट डा, होटबाटै धर्मशास्‍त्राङ रीक्‍च बचन पुरा छान्‍की न पर्च लेया।

टीटस 2:14

येशू ख्रीष्‍टै लहो जीवन वलिदान याहार कानकी पट्‍ट न खाल्‍या पापलकीङ छुट्कारा याहा। अनी होसकै कानकी पवित्र खास्‍कीयो लागी लहो जाटी खासा र सेछ काम जाट्‌की जोसीलो पार्‌या।

१ युहन्‍ना 2:19

होखुरीक कानुङ मालेया, होटबाटै कानकी डासार नुङा। इडीक कानुङ लेनाङ च कानखाटा न ङुच लेया। होखुरीकै कानकी डासार नुङा अनी होसेलकीङ न होखुरीक कानुङ होइन डेच कुरा टान्‍हाक्‍ले।