युहन्‍ना 15:18 - पुर्वीय मगर

¹⁸ “इडीक संसारुङ भर्मीकै नाखुरीककी घृणा जाटा डेनाङ, नाखुरीककी डेनाङ पहीला ङाकी घृणा जाट्‍च हो डेयार वार्‌न्‍ही।

युहन्‍ना 15:18 ပူးပေါင်းရင်းမြစ်များ

मत्ती 10:22

ङाकी विश्‍वास जाट्‍च बाटै नाखुरीककी पट्‍टकै झीर्‌ले। टर सु न्‍हुइङ सम्‍म न स्‍थिर ङुले, होसकी न जीवाक्‍ले।

मत्ती 24:9

“टब होडीक बेला भर्मीकै नाखुरीककी कष्‍टौ लागी घोवार आल्‍हे र साट्‍ले। अनी ङाकी विश्‍वास जाट्‍च बाटै पट्‍ट न जाटीयुङ भर्मीकै नाखुरीककी झीर्‌ले।

मत्ती 5:11

“नाखुरीक आसीस डुप्‍चको हो, जब ङाकी विश्‍वास जाट्‍च कारनै नाखुरीककी भर्मीकै निन्‍दा जाट्‍ले र सटडीले, र झुटो ङाकार नाखुरीकुङ विरुद्धाङ पट्‍ट खालुङ मासेछ कुराको डेले।

मर्कूस 13:13

र ङाकी विश्‍वास जाट्‍च बाटै नाखुरीककी पट्‍टकै माजाक्‍ले। टर सु अन्‍टीम डीन सम्‍म स्‍थिर ङुले होच्‍यौ न उद्धार छान्‍ले।

लुका 6:22

“भर्मीयो मीजाकी विश्‍वास जाट्‍च बाटै भर्मीकै नाखुरीककी माजाका, लाङ्‍घा लकीङ छ्‍युका, झीरार नाखुरीककी काराटा र दुष्‍ट आर्‌मीटन नाखुरीकुङ म्‍यार्‌मीनकी गील्‍ला जाटा डेनाङ नाखुरीकै आसीस डुप्‍ले।

युहन्‍ना 16:1

“होटबाटै नाखुरीकै लहो विश्‍वासकी माडास्‍ख्‍यौ डेयार ङै इसे पट्‍ट न कुराको नाखुरीककी डेच हो।

युहन्‍ना 16:33

“नाखुरीक ङाखाटा लेचबाटै शान्‍ति डुप्‍की य्‍होक्‍नी डेम न ङै नाखुरीककी इसे पट्‍ट न कुरा डेच हो। संसाराङ नाखुरीककी सङ्कष्‍ट छान्‍ले, टर साहस जाट्‍नी हीजैडेनाङ ङै संसारकी जुमने।”

युहन्‍ना 3:20

दुष्‍ट काम जाट्‍च पट्‍टये ज्‍योतिकी माजाक्‍ले, र ज्‍योतियाङ होखुरीकै जाट्‍च दुष्‍ट कामको डाङ्‍ले डेम बीर्‍हीयार होखुरीक ज्‍योतियाङ मार्‍हाले।

युहन्‍ना 7:7

संसारुङ भर्मीकै नाखुरीककी घृणा जाट्‍की माय्‍होक्‍ले, टर ङाकी च घृणा जाट्‍ले, हीजैडेनाङ ङा होखुरीकै जाट्‍च कामको खराब ले डेयार टान्‍हाक्‍ङ याल्‍हे।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

याकुब 4:4

ए व्‍यभिचारी भर्मीको! संसारकी लाफा खास्‍चको परमेश्‍वरौ शत्रु छान्‍ले डेच कुरा नाखुरीककी ठाहा माले? संसारकी लाफा खास्‍की पाचये लाहाकी न परमेश्‍वरौ शत्रु खास्‍ले।

१ युहन्‍ना 3:1

ङोस्‍नी, परमेश्‍वर बोये काल्‍हाकी कुडीक धेरै प्रेम जाट्‍नने! होसकुङ प्रेमौ कारनै न काल्‍हाको परमेश्‍वरौ मीजाको डेयार चीन्‍डीमने, अनी चीन्‍डीच मट्‍टै होइन साँच्‍ची न मीजाको हो। टर संसारुङ भर्मीकै काल्‍हाकी माचीन्‍डीले, हीजैडेनाङ होखुरीकै परमेश्‍वरकी माचीन्‍डीया।

१ युहन्‍ना 3:13

डाजेभाइको र डै बहीनीको, इडीक संसारुङ भर्मीकै नाखुरीककी हेला जाट्‍ले डेनाङ अचम्‍म मामन्‍डीकी।

१ युहन्‍ना 3:3

अनी ख्रीष्‍ट मीटाक इसे आशा डाच काट-काट जना भर्मीये कुटजाट्‍न होसको पवित्र ले, होटजाट्‍न न लाहाकी पवित्र खास्‍ले।