युहन्‍ना 15:15 - पुर्वीय मगर

¹⁵ अब लकीङ ङा नाखुरीककी नोकर माडेले, हीजैडेनाङ नोकरकै मालीकै ही जाट्‍न न ले, होसे माव्‍हार्‌ले। ङै नाखुरीककी लाफा डेमने, हीजैडेनाङ ङौ बोइलकीङ सेच पट्‍ट न कुराको ङै नाखुरीककी डेम याम्‍हने।

युहन्‍ना 15:15 ပူးပေါင်းရင်းမြစ်များ

मत्ती 13:11

होसकै होखुरीककी जवाफ याहा, “नाखुरीककी च स्‍वर्गौ राज्‍यौ रहस्‍यको वार्‌छ ग्‍यान याम्‍हने, टर होखुरीककी च माय्‍हामने।

लुका 10:23

होटै चेलाको पट्‍टी ल्‍हेसार येशूये सुटुक्‍कै डेया, “इसे पट्‍ट न कुरा डाङ्‍की डुप्‍च होखुरीक कुडीक आसीसीट ले। जुन कुरा नाखुरीकै डाङने!

युहन्‍ना 12:26

सुये ङौ सेवा जाट्‍च मीमन जाट्‍ले होचे ङाकी डुट्‍की पर्‌ले, अनी ङा कुला छान्‍ले, ङौ सेवा जाट्‍च र होला न छान्‍ले। ङौ सेवा जाट्‍चकी ङौ बोये आदर जाट्‍ले।

युहन्‍ना 13:16

साँच्‍ची न ङा नाखुरीककी डेले, मालीक डेनाङ नोकर बाड्‍को माछान्‍ले, अनी खबर याम्‍ह काच डेनाङ खबर आल्‍छ र बाड्‍को माछान्‍ले।

युहन्‍ना 15:20

‘नोकर मालीक डेनाङ बाड्‍को माछान्‍ले’ डेयार ङै नाखुरीककी डेच कुरा आर्मीट्‍नी। होखुरीकै ङाकी खेडो जाटा डेनाङ नाखुरीककी र खेडो जाट्‍ले। होटजाट्‍न न होखुरीकै ङौ शिक्षा मन्‍डीया डेनाङ नाखुरीकै डेच कुरा र मन्‍डीले।

युहन्‍ना 16:12

“ङाखाटा नाखुरीककी डेकी पर्च कुराको च अझै वास्‍टै ले, टर चाहाँ नाखुरीकै होसे बुझडीस्‍की माय्‍होक्‍ले।

युहन्‍ना 17:26

नाकै ङाकी जाट्‍च माया होखुरीक खाटा र ङुख्‍यौ, अनी ङा होखुरीक खाटा ङुकी य्‍होकीङ डेयार होखुरीकुङ मीघ्‍याङ ङै नाकोकी चीन्‍डीयाका र चीन्‍डीयाक्‍ङ न ङुले।”

युहन्‍ना 20:17

येशूये होसकी डेया, “ङाकी घोम माडानी, हीजैडेनाङ ङा चाहाँसम्‍म बोइ लेठाङ मानुङ्‍ङने। टर ङौ चेलाको लेठाङ नुङार होखुरीककी डेम यान्‍ही, ‘ङौ बोइ र नाखुरीकुङ बोइ, ङौ परमेश्‍वर र नाखुरीकुङ परमेश्‍वर लेठाङ ङा नुङ्‍ङन ले।’”

युहन्‍ना 4:19

होसे मास्‍टो भर्मीये डेया, “गुरु ज्‍यु, अब ङाकी थाहा छाना नाको च अगमवक्‍ता टी लेसा।

युहन्‍ना 8:26

नाखुरीकुङ बारेयाङ ङै वास्‍टै कुराको डेकी ले र नाखुरीककी न्‍याय जाट्‍की ले। टर ङाकी बीर्‌न्‍हकाच सत्‍य ले, र होसको लकीङ ही सेया होसे कुरा मट्‍टै ङा संसारकी डेले।”

प्रेरित 20:27

हीजैडेनाङ परमेश्‍वरौ पट्‌ट न इच्‍छा नाखुरीककी डेकी ङा न्‍हुङ्‍लाक माहटडीसा।

याकुब 1:1

परमेश्‍वर र प्रभु येशू ख्रीष्‍टौ सेवक ङा याकुब लकीङ संसारुङ ठाउँ-ठावाँङ छरपस्‍ट छानार ङुच परमेश्‍वरकी विश्‍वास जाट्‍च पट्‍ट न विश्‍वासीकोलाक ङा इसे चीठी रीक्‍ङन ले। नाखुरीक पट्‍टकी ङा झोर्‌ले!

याकुब 2:23

“अब्राहामै परमेश्‍वर मीटाक विश्‍वास जाटा, र होसे न विश्‍वासै जाट्‍नाङ होसे परमेश्‍वरौ म्‍याहासाङ धर्मी ठहरीसा” डेयार धर्मशास्‍त्राङ रीक्‍च बचन पुरा छाना। इटजाट्‍न अब्राहाम परमेश्‍वरौ लाफा हो डेम चीन्‍डीया।

१ पट्‍रुस 1:11

अगमवक्‍ताकुङ मीमन भीत्री लेच ख्रीष्‍टौ आत्‍मै ख्रीष्‍टै कुटजाट्‍न कष्‍टको भोग्‍डीकी पर्‌ले र होटै न्‍हुइङ कुटजाट्‍न बाड्‍को आदर डुप्‍ले डेयार अघीलकीङ न टान्‍हाक्‍ङ याम्‍हन्‍या।

२ पट्‍रुस 1:1

येशू ख्रीष्‍टौ सेबक र प्रेरित ङा सीमोन पत्रुस लकीङ काल्‍हौ परमेश्‍वर र येशू ख्रीष्‍टौ धार्मिकतालकीङ काल्‍हा खाटा लेच ल्‍याक्‍च न बहुमुल्‍य विश्‍वास डुप्‍चकोलाक:

यहुडा 1:1

ङा येशू ख्रीष्‍टौ डास र याकुबौ भाइ यहूदा लकीङ। परमेश्‍वर बोये चुन्‍डीयार प्रेम जाट्‍च, र येशू ख्रीष्‍टौ लागी सुरक्षा याछ नाखुरीक पट्‍टकी ङा इसे चीठी रीक्‍ङन ले।