युहन्‍ना 15:14 - पुर्वीय मगर

¹⁴ इडीक नाखुरीकै ङै याछ आज्ञा मन्‍डीया डेनाङ नाखुरीक ङौ लाफाको हो।

युहन्‍ना 15:14 ပူးပေါင်းရင်းမြစ်များ

मत्ती 12:50

हीजैडेनाङ सुये स्‍वर्गाङ लेच ङौ बोयो इच्‍छा पुरा जाट्‍ले, होखुरीक न ङौ भाइ, बहीनी र मोइ हो।”

लुका 12:4

येशूये डेया, “ए ङौ लाफाको, ङा नाखुरीककी डेले, नाखुरीककी साट्‍की पाच खाटा माबीर्‍हीनी। होखुरीकै च जीउकी मट्‍टै साट्‍ले टर अरु हीर जाट्‍की माय्‍होक्‍ले।

युहन्‍ना 13:17

इडीक नाखुरीकै इसे कुरा बुझडीसा र होसे अनुसार न काम जाटा डेनाङ, नाखुरीकै आसीस डुप्‍ले।

युहन्‍ना 14:15

“इडीक नाखुरीकै ङाकी माया जाट्‍ले डेनाङ ङै याछ आज्ञाको मन्‍डीले।

युहन्‍ना 14:21

ङौ आज्ञाको मन्‍डीच न ङाकी माया जाट्‍च भर्मी हो। अनी ङाकी माया जाट्‍चकी ङौ बोये र माया जाट्‍ले। ङा होसकी माया जाट्‍ले, र होसे लेठाङ डाङ्‍ले।”

युहन्‍ना 14:28

ङै ‘ङा नुङ्‍ङन ले, अनी फेरी ङा नाखुरीक लेठाङ ल्‍हेसार राल्‍हे’ डेच कुरा नाखुरीकै सेया। इडीक नाखुरीकै ङाकी साँच्‍ची न माया जाट्‍च लेनाङ ङा बोइ लेठाङ नुङ्‍ङन ले डेच कुरा सेयार नाखुरीक मार्‍हाङ्‍छ लेया, हीजैडेनाङ बोइ ङा डेनाङ महान ले।

युहन्‍ना 2:5

येशूओ मोये नोकरकोलाक डेया, “होसकै डेच लेखा जाट्‍नी।”

याकुब 2:23

“अब्राहामै परमेश्‍वर मीटाक विश्‍वास जाटा, र होसे न विश्‍वासै जाट्‍नाङ होसे परमेश्‍वरौ म्‍याहासाङ धर्मी ठहरीसा” डेयार धर्मशास्‍त्राङ रीक्‍च बचन पुरा छाना। इटजाट्‍न अब्राहाम परमेश्‍वरौ लाफा हो डेम चीन्‍डीया।

१ युहन्‍ना 5:3

हीजैडेनाङ परमेश्‍वरौ आज्ञाको मन्‍डीकी न परमेश्‍वरकी प्रेम जाट्‍की हो। अनी होसकुङ आज्ञाको गार्‍हो माले।