युहन्‍ना 15:12 - पुर्वीय मगर

¹² “ङै याछ आज्ञा इसे न हो, कुटजाट्‍न ङै नाखुरीककी माया जाटा, होटजाट्‍न न नाखुरीकै र काटै काट्की माया जाट्‍नी।

युहन्‍ना 15:12 ပူးပေါင်းရင်းမြစ်များ

युहन्‍ना 13:34

होटबाटै अब ङा नाखुरीककी काट नयाँ आज्ञा याल्‍हे, नाखुरीक काटै अर्‌कोकी माया जाट्‍की। कुटजाट्‍न ङै नाखुरीककी माया जाट्‍नने, होटजाट्‍न न नाखुरीकै र काटै अर्‌कोकी माया जाट्‍की।

युहन्‍ना 15:17

ङा नाखुरीककी इसे आज्ञा याल्‍हे, नाखुरीकै काटै काट्‌की माया जाट्‍नी।

१ ठेसलोनीकी 3:12

कानै नाखुरीककी माया जाट्‍नाङ लेखा न प्रभुये नाखुरीकुङ मीघ्‍याङ र काटै काट्‍की र पट्‍ट न भर्मीको खाटा झन-झन माया जाट्‍चै नुङ्‍ख्‍यौ।

१ ठेसलोनीकी 4:9

टर विश्‍वासी डाजेभाइ कोलाक माया जाट्‍की पर्‌ले डेच कुरा च नाखुरीककी रीक्‍ङ ङुकी मापर्‌ले। परमेश्‍वर लहे न नाखुरीककी लाहा-लाहाङ माया जाट्‍की पर्‌ले डेयार पाहाक्‍ङन्‍या।

२ ठेसलोनीकी 1:3

डाजेभाइको र डै बहीनीको, नाखुरीकुङ विश्‍वास वास्‍टै ल्‍होङ्‍ङ न ले। नाखुरीकै जाट्‍की पर्च माया र नाखुरीकुङ मीघ्‍याङ झन-झन ल्‍होङ्‍ने। कानै परमेश्‍वरकी नाखुरीकुङ बारेयाङ सधैँ धन्‍यवाद याखी न पर्‌ले।

१ पट्‍रुस 1:22

अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।

१ पट्‍रुस 3:8

ङा अन्‍टीमाङ डेले, नाखुरीक पट्‍टको काट न मीमनुङ र काटै काटौ मर्‌म बुझडीस्‍च छान्‍की पर्‌ले। डाजेभाइको र डै बहीनीकोलाक लेखा न काटै काटकी माया जाट्‍नी र काटै काटकी दया टान्‍हाक्‍नी र नम्‍र छान्‍नी।

१ पट्‍रुस 4:8

पट्‍ट डेनाङ वास्‍टै काटै काटकी साँचो प्रेम जाट्‍नी, हीजैडेनाङ प्रेमै न हील्‍की माय्‍होक्‍च पापको हुप्‍ले।

१ युहन्‍ना 3:23

होसकुङ आज्ञा चहीँ परमेश्‍वरौ मीजा येशू ख्रीष्‍टौ म्‍यार्‌मीनाङ विश्‍वास जाट्‍की र ख्रीष्‍टै याछ आज्ञा अनुसार काटै काट्‍की प्रेम जाट्‍की न हो।

१ युहन्‍ना 4:21

अनी सुये परमेश्‍वरकी प्रेम जाट्‍ले, होचे लहो डाजेभाइको र डै बहीनीकोलाक र प्रेम जाट्‍की पर्‌ले। ख्रीष्‍टै कानकी याछ आज्ञा इसे न हो।

२ युहन्‍ना 1:5

ए मास्‍टो भर्मी, ङै नाकोकी कुसेर नयाँ आज्ञा रीक्‍च होइन। टर सुरुलकीङ न कान खाटा लेच आज्ञा अनुसार ङा नाकोकी बिन्‍ती जाट्‍ले, कान पट्‍टको काटै काट्‍की प्रेम जाटीङ।