युहन्‍ना 15:10 - पुर्वीय मगर

¹⁰ ङा ङौ बोयो आज्ञाको मन्‍डीयार बोयो मायाङ ङुले। होटजाट्‍न न इडीक नाखुरीकै ङौ आज्ञाको मन्‍डीया डेनाङ नाखुरीक र ङौ मायाङ ङुले।

युहन्‍ना 15:10 ပူးပေါင်းရင်းမြစ်များ

युहन्‍ना 10:18

सुयेर ङौ प्राण ङा लकीङ लाकी माय्‍होक्‍ले, टर ङाल्‍हौ न खुसीये इसे याल्‍हे। ङाकी लहो प्राण याछ अधिकार ले, अनी फेरी होसे प्राण ल्‍हेट्‍च अधिकार र ङा खाटा ले। इसे आज्ञा ङै ङौ बोइ लकीङ डुप्‍मने।”

युहन्‍ना 12:49

हीजैडेनाङ ङै ङाल्‍हौ बीचारै ङाक्‍च होइन, टर ङै ही डेकी पर्च हो र कुटजाट्‍न डेकी पर्च हो, होसे पट्‍ट न कुराको ङाकी बीर्‌न्‍हकाच बोये न ङाकी आज्ञा याछ हो।

युहन्‍ना 14:15

“इडीक नाखुरीकै ङाकी माया जाट्‍ले डेनाङ ङै याछ आज्ञाको मन्‍डीले।

युहन्‍ना 14:21

ङौ आज्ञाको मन्‍डीच न ङाकी माया जाट्‍च भर्मी हो। अनी ङाकी माया जाट्‍चकी ङौ बोये र माया जाट्‍ले। ङा होसकी माया जाट्‍ले, र होसे लेठाङ डाङ्‍ले।”

युहन्‍ना 14:23

येशूये होसकी डेया, “ङाकी माया जाट्‍चकै ङौ शिक्षाकी मन्‍डीले। ङौ बोये होखुरीककी माया जाट्‍ले, अनी बोइ र ङा होखुरीक लेठाङ राहार होखुरीक खाटा ङुले।

युहन्‍ना 14:31

टर संसारुङ पट्‍ट न भर्मीकै ङा बोइकी माया जाट्‍ले डेच कुरा वार्‌खी य्‍होक्‍ख्‍यौ डेयार ङा बोये याछ आज्ञाको मन्‍डीमन ले। सोनी, अब कान इटै नुइङ।”

युहन्‍ना 17:4

कुसे काम नाकै ङाकी जीम्‍मा याहा, होसे काम पुरा जाटार नाकोकी पृथ्‍वीयाङ ङै महीमीत खास्‍नने।

युहन्‍ना 4:34

येशूये होखुरीककी डेया, “ङौ ज्‍याच कुरा चहीँ ङाकी बीर्‌न्‍हकाचौ इच्‍छा अनुसार होसकुङ काम पुरा जाट्‍की हो।

युहन्‍ना 8:29

ङाकी बीर्‌न्‍हकाच ङा खाटा न ले, होसकै ङाकी ङाल्‍हा काट न माडास्‍नने, हीजैडेनाङ ङा सढैँ होसकोकी खुसी पार्‌च काम जाट्‍ले।”

युहन्‍ना 8:55

नाखुरीकै होसकोकी माचीन्‍डीमने, टर ङा चहीँ होसकोकी चीन्‍डीले। इडीक ङै होसकोकी माचीन्‍डीले डेले डेनाङ ङा र नाखुरीक लेखा न झुटो ठहरीस्‍ले। टर ङा होसकोकी चीन्‍डीले, र होसकै डेच कुरा मन्‍डीले।

१ ठेसलोनीकी 4:1

अन्‍टीमाङ ङौ डाजेभाइको र डै बहीनीको, नाखुरीकै परमेश्‍वरकी जाक्‍ङ सेच जीवन कुटजाट्‍न जीवाकी पर्‌ले डेच कुरा कान लकीङ पाम्‍ह य्‍होक्‍ने। होटबाटै होट न जाट्‍न न र ले। अब कान नाखुरीककी प्रभु येशूओ म्‍यार्‌मीनाङ बिन्‍ती जाट्‍ले की नाखुरीकुङ बानी ब्‍यहोराको झन सेछ छान्‍चै नुङ्‍ख्‍यो।

२ पट्‍रुस 2:21

हीजैडेनाङ धार्मिकतौ लाम ठाहा छानार र होसे पवित्र आज्ञाकी होखुरीकै पालन माजाट्‍ले डेनाङ च होसे मावार्‌छ लेनाङ न होखुरीकुङ लागी सेम्‍ह छान्‍च लेया।

१ युहन्‍ना 2:3

इडीक कानै परमेश्‍वरौ आज्ञाको मन्‍डीमने डेनाङ इटै न थाहा छान्‍ले की साँच्‍ची न कानै होसकोकी चीन्‍डीमनेसा।

१ युहन्‍ना 2:5

टर सुये परमेश्‍वरौ बचन मन्‍डीले, होचे परमेश्‍वरकी पुरा माया जाट्‍च छान्‍ले। इटै न कान होसको खाटा ले डेच कुरा थाहा छान्‍ले।

१ युहन्‍ना 2:6

परमेश्‍वर खाटा ले डेच भर्मीये येशूओ ल्‍याक्‍च न चालचलनाङ व्‍हाकी पर्‌ले।

१ युहन्‍ना 5:3

हीजैडेनाङ परमेश्‍वरौ आज्ञाको मन्‍डीकी न परमेश्‍वरकी प्रेम जाट्‍की हो। अनी होसकुङ आज्ञाको गार्‍हो माले।