युहन्‍ना 14:9 - पुर्वीय मगर

⁹ येशूये डेया, “फीलीप! इडीक लोट्‍च समयसम्‍म ङा नाखुरीक खाटा न ले, र पनी नाकै ङाकी माचीन्‍डीले? ङाकी डाङ्‍चये बोइकी डाङ्‍ङ भ्‍यामने। ङाकी डाङ्‍ङ र नाको हीजै ङाकी, ‘बोइ टान्‍हाक्‍ङ यान्‍ही’ डेले?

युहन्‍ना 14:9 ပူးပေါင်းရင်းမြစ်များ

मर्कूस 9:19

होटै येशूये होखुरीककी डेया, “ए अविश्‍वासी पुस्‍टा, ङा सेन सम्‍म नाखुरीक खाटा ङुले र? नाखुरीककी कुडीक सहडीकी? होसकी ङा लेठाङ राक्‍नी।”

लुका 12:56

ए, कपटीको! पृथ्‍वी र सर्‌घाकी ङोसार नामास राल्‍हे की माराल्‍हे डेम वार्‌खी च य्‍होक्‍ले, टर इसे समयाङ छान्‍न राछ घटनौ चीन्‍ह चहीँ हीजै मावार्‌ल्‍हे?

युहन्‍ना 1:14

अनी बचन भर्मी छानार काल्‍हौ मीघ्‍याङ बास जाटा। होसको अनुग्रह र सत्‍यै न्‍हेप्‍च लेया। कानै होसकुङ बाड्‍को महीमा डाङा, होसे महीमा बोइलकीङ राछ काट मट्‍टै लेन्‍जा मीजौ लेया।

युहन्‍ना 10:30

बोइ र ङा काट न हो।”

युहन्‍ना 12:45

अनी सुये ङाकी डाङ्‍ले, होचे ङाकी बीर्‌न्‍हकाचकी र डाङ्‍ले।

युहन्‍ना 14:20

अनी होसनीक नाखुरीकै बुझडीस्‍ले, ङा ङौ बोइखाटा ले, र नाखुरीक ङा खाटा ले, र ङा नाखुरीकखाटा ले।

युहन्‍ना 14:7

इडीक नाखुरीकै ङाकी चीन्‍डीच लेनाङ, ङौ बोइकी र चीन्‍डीच लेया। अब लकीङ आलाक नाखुरीकै ङौ बोइकी चीन्‍डीले, हीजैडेनाङ नाखुरीकै होसकोकी डाङ्‍ङने।”

युहन्‍ना 8:19

टब येशूकी होखुरीकै गीना, “नाकुङ बोइ चहीँ कुला ले ट?” येशूये होखुरीककी जवाफ याहा, “नाखुरीक न ट ङाकी चीन्‍डीले न ट ङौ बोइकी न चीन्‍डीले। इडीक नाखुरीकै ङाकी चीन्‍डी च लेनाङ ङौ बोइकी र चीन्‍डी च लेया।”

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।