युहन्‍ना 14:6 - पुर्वीय मगर

⁶ येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

युहन्‍ना 14:6 ပူးပေါင်းရင်းမြစ်များ

मत्ती 11:27

“पट्‍ट न ठोक ङौ बोये ङाकी जीम्‍मा याम्‍हने, बोये बाहेक मीजाकी अरु सुयेर माचीन्‍डीले, र मीजै बाहेक बोइकी सुयेर माचीन्‍डीले। अनी सु लेठाङ मीजै बोइकी टान्‍हाक्‍च इच्‍छा जाट्‍ले होचे चहीँ चीन्‍डीले।

युहन्‍ना 1:14

अनी बचन भर्मी छानार काल्‍हौ मीघ्‍याङ बास जाटा। होसको अनुग्रह र सत्‍यै न्‍हेप्‍च लेया। कानै होसकुङ बाड्‍को महीमा डाङा, होसे महीमा बोइलकीङ राछ काट मट्‍टै लेन्‍जा मीजौ लेया।

युहन्‍ना 1:17

हीजैडेनाङ व्‍यवस्‍था मोशालकीङ डुपा, टर येशू ख्रीष्‍टलकीङ चहीँ कानै अनुग्रह र सत्‍यता डुपा।

युहन्‍ना 1:4

होसकोखाटा जीवन लेया, र होसे जीवन न भर्मीकुङ लागी ज्‍योति लेया।

युहन्‍ना 10:28

ङा होखुरीककी सेन्‍र मासीच जीवन याल्‍हे, अनी होखुरीक सेन्‍र नास माछान्‍ने। सुयेर होखुरीककी ङा लकीङ स्‍याटार आल्‍खी माय्‍होक्‍ले।

युहन्‍ना 10:7

येशूये फेरी होखुरीककी डेया, “साँच्‍ची न ङा नाखुरीककी डेले, भेडाकुङ गालाम ङा न हो।

युहन्‍ना 10:9

गालाम ङा न हो। इडीक सुर भर्मी ङा लकीङ भीत्री पर्‌या डेनाङ होसे जीवाले, अनी होसे भीत्री बाहीर राछ नुङ्‍च जाट्‍ले र खर्‌काङ स्‍यास्‍की डीन्‍ल्‍हे।

युहन्‍ना 14:19

अब कालाप न्‍हुइङ संसारै ङाकी सेन्‍र माडाङ्‍ले, टर नाखुरीकै चहीँ ङाकी डाङ्‍ले। ङा फेरी जीवाच बाटै नाखुरीक र जीवाम ङुले।

युहन्‍ना 15:1

“साँचो अङ्‍गुरौ म्‍यार्‌टुङ ङा न हो, र ङौ बोइ चहीँ कीसान हो।

युहन्‍ना 18:37

पिलातसै येशूकी डेया, “होट हो डेनाङ नाको राजा न हो ट?” येशूये डेया, “ङा राजा हो डेयार नाको लाहा न डेम न ले। ङा सत्‍यौ गबाही याखी जन्‍मडीस्‍च हो, र इच्यो लागी न संसाराङ राछ हो। सुये सत्‍य जाक्‍ले होखुरीकै ङौ कुरा सेले।”

युहन्‍ना 5:21

परमेश्‍वर बोये सीच कोलाक जीवाटाकार सेन्‍र मासीच जीवन याछ लेखा न मीजै र लहे सुकी मीमन जाट्‍ले, होखुरीककी सेन्‍र मासीच जीवन याल्‍हे।

युहन्‍ना 6:33

परमेश्‍वरौ रोटो होसे न हो, सु स्‍वर्ग लकीङ म्‍हाका झाल्‍न राहार संसारुङ भर्मीकोलाक सेन्‍र मासीच जीवन याल्‍हे।”

युहन्‍ना 6:51

स्‍वर्ग लकीङ झाल्‍न राछ जीबीट रोटो ङा न हो। इसे रोटो सुये ज्‍याले होसे सढैँभरी जीवाम ङुले। ङै याछ होसे रोटो चहीँ ङौ डेह हो। संसारुङ भर्मीकै सेन्‍र मासीच जीवन डुप्‍ख्‍यौ डेयार ङा ङौ डेह याल्‍हे।”

युहन्‍ना 6:57

जीबीट बोये ङाकी बीर्‌न्‍हका, र ङा बोयौ कारनै जीवाले। होटजाट्‍न न सुये ङाकी ज्‍याले होखुरीक ङौ कारनै जीवाले।

युहन्‍ना 6:68

टब सीमोन पत्रुसै जबाफ याहा, “ए प्रभु, कान सु लेठाङ नुङ्‍की? सेन्‍र मासीच जीवनौ बचन च नाको खाटा न ले।

युहन्‍ना 8:32

टब नाखुरीकै सत्‍यकी चीन्‍डीले र सत्‍यै नाखुरीककी छुटकारा याल्‍हे।”

युहन्‍ना 8:51

ङा नाखुरीककी साँच्‍ची न डेले, ङौ शिक्षा मन्‍डीचको चहीँ सेन्‍र मासीले।”

प्रेरित 3:15

र जीवन याछकी चहीँ नाखुरीकै साटा। टर होसकोकी परमेश्‍वरै सीच लकीङ जीवाक्‍ङ ने र इसे कुरौ कान साक्षी ले।

प्रेरित 4:12

“अरु सु लेठाङ र मुक्‍ति माले हीजैडेनाङ संसाराङ कुसेर म्‍यार्‌मीन माय्‍हामने होसे म्‍यार्‌मीनै चहीँ काल्‍हाकी जीवाक्‍की य्‍होक्‍ले।”

प्रेरित 9:2

र होचे प्रधान पुजाहारीकी र दमस्‍कसुङ सभा ङुच इमकुङ अगुवाकोलाक होसे प्रभुओ लामाङ व्‍हाच पट्‍ट न लेन्‍जा मास्‍टोको सुकी डुप्‍ले होखुरीककी घोवार दण्‍ड याखी यरूशलेमाङ राक्‍की डीन्‍हीङ डेम पुर्‌जी रीक्‍की लैडीया।

१ पट्‍रुस 1:21

होसको लकीङ न नाखुरीकै परमेश्‍वर मीटाक विश्‍वास जाटा, सुये ख्रीष्‍टकी सीच लकीङ जीवाटाकार होसकोकी महीमीत पार्‌या। होटबाटै नाखुरीकुङ आशा र भरोसा परमेश्‍वर मीटाक ले।

१ पट्‍रुस 2:4

नाखुरीक प्रभु येशू लेठाङ रान्‍ही, होसको च जीउँडो पत्‍थर हो। भर्मीकै काम मालक्‍डीस्‍च डेयार इन्‍कार जाट्‍च, टर परमेश्‍वरै चुन्‍डीच बहुमुल्‍य ले।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।

१ युहन्‍ना 1:8

इडीक कान खाटा हीर पाप माले डेले डेनाङ कानै लाहाकी न ढोका याल्‍हे, र कान खाटा सत्‍य माछान्‍ने।

१ युहन्‍ना 2:23

मीजाकी इन्‍कार जाट्‍च कुसेर भर्मी खाटा परमेश्‍वर बोइ माङुले। सुये मीजाकी सुइकार जाट्‍ले, होसे खाटा परमेश्‍वर बोइ र ङुले।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।

१ युहन्‍ना 5:6

येशू ख्रीष्‍ट डीयाङ बप्‍तिस्‍मा लार अनी क्रुसाङ य्‍हु जोकाकार राहा, डी लकीङ मट्‍टै होइन, य्‍हु र डी लकीङ न राछ हो। इसे कुरा सत्‍य हो डेयार पवित्र आत्‍मै न साक्षी याल्‍हे हीजैडेनाङ पवित्र आत्‍मा सत्‍य ले।

२ युहन्‍ना 1:9

ख्रीष्‍टौ शिक्षाकी डासार बाहीरुङ अरु कुरा पट्‍टी लक्‍डीस्‍च भर्मीखाटा परमेश्‍वर माङुले। टर होसकुङ शिक्षा माडास्‍न ङुच खाटा चहीँ बोइ र मीजा नीस न ङुले।