युहन्‍ना 14:31 - पुर्वीय मगर

³¹ टर संसारुङ पट्‍ट न भर्मीकै ङा बोइकी माया जाट्‍ले डेच कुरा वार्‌खी य्‍होक्‍ख्‍यौ डेयार ङा बोये याछ आज्ञाको मन्‍डीमन ले। सोनी, अब कान इटै नुइङ।”

युहन्‍ना 14:31 ပူးပေါင်းရင်းမြစ်များ

मत्ती 26:39

होटै येशू चेक पारी नुङार झाङ खुखुप छानार प्रार्थना जाटा, “ए ङौ बोइ, छान्‍की य्‍होक्‍ले डेनाङ, इसे डुखौ कचौरा ङा लकीङ हटडीस्‍ख्‍यो। टर ङै मीमन जाट्‍च अनुसार चहीँ होइन, टर नाकै जाट्‍च मीमन अनुसार छान्‍ख्‍यो।”

मत्ती 26:46

अब सोनी, नुइङ। ङोस्‍नी, ङाकी घोवाक्‍च भर्मी खेरेप राम्‍हभ्‍यामने।”

लुका 12:50

काट बाड्‍को कष्‍टौ बप्‍तिस्‍मा ले होसे ङै लाकी न पर्‌ले। होसे पुरा माछान्‍ठर ङा सार्‍है ब्याकुल ले!

युहन्‍ना 10:18

सुयेर ङौ प्राण ङा लकीङ लाकी माय्‍होक्‍ले, टर ङाल्‍हौ न खुसीये इसे याल्‍हे। ङाकी लहो प्राण याछ अधिकार ले, अनी फेरी होसे प्राण ल्‍हेट्‍च अधिकार र ङा खाटा ले। इसे आज्ञा ङै ङौ बोइ लकीङ डुप्‍मने।”

युहन्‍ना 12:27

“इडीक बेला ङौ प्राण ब्याकुल छान्‍नने, ङाकी ही डेइङ, ही डेइङ लेखा छान्‍नने! ‘ए बोइ, ङाकी इसे राम्‍हन लेच कष्‍टलकीङ जीवाक्‍नी’ डेकी? होइन, इसे डुख भोग्‍डीकी न ङा इसे संसाराङ राछ हो।

युहन्‍ना 12:49

हीजैडेनाङ ङै ङाल्‍हौ बीचारै ङाक्‍च होइन, टर ङै ही डेकी पर्च हो र कुटजाट्‍न डेकी पर्च हो, होसे पट्‍ट न कुराको ङाकी बीर्‌न्‍हकाच बोये न ङाकी आज्ञा याछ हो।

युहन्‍ना 13:1

अब यहूदीकुङ इसे छुटकारौ चाड अघी संसारलकीङ बिदा छानार बोइ लेठाङ नुङ्‍च बेला छान्‍नने डेच कुरा येशूकी थाहा लेया। होसकै संसाराङ लेच लहो चेलाकोलाक सढैँ माया जाट्‍नन्‍या, अनी होखुरीककी अन्‍टीम समय सम्‍म न माया जाटा।

युहन्‍ना 15:9

“बोये ङाकी कुटजाट्‍न माया जाट्‍नने, ङै र होटजाट्‍न न नाखुरीककी माया जाट्‍नने। अब नाखुरीक ङौ मायाङ ङुनी।

युहन्‍ना 18:11

टर येशूये पत्रुसकी डेया, “नाकुङ तरवार डापाङ कानी! ही परमेश्‍वर बोये ङाकी याछ डुखौ कचौरा लकीङ ङै मागाकी र?”

युहन्‍ना 4:34

येशूये होखुरीककी डेया, “ङौ ज्‍याच कुरा चहीँ ङाकी बीर्‌न्‍हकाचौ इच्‍छा अनुसार होसकुङ काम पुरा जाट्‍की हो।