युहन्‍ना 14:30 - पुर्वीय मगर

³⁰ अब नाखुरीकखाटा ढेरै ङाक्‍च ङौ समय माले, हीजैडेनाङ इसे संसारौ शासक राम्‍हन ले। टर होच्‍यो ङामीटाक हीर शक्‍ति माले।

युहन्‍ना 14:30 ပူးပေါင်းရင်းမြစ်များ

लुका 1:35

स्‍वर्गदूतै डेया, “पवित्र आत्‍मा नाको लेठाङ राल्‍हे, होटै सर्वोच्‍चौ शक्‍तियो छाया नाको मीटाक पर्‌ले। होटबाटै नाकै डीन्‍छ बालख पवित्र छान्‍ले र होसकोकी न परमेश्‍वरौ मीजा डेले।

लुका 22:53

ङा परमेश्‍वरौ मन्‍दिराङ डीनहुँ नाखुरीक खाटा लेया। होडीक बेला च नाखुरीकै ङाकी माघोवा। टर अब छुम्‍छौ शक्‍तिये शासन जाट्‍नाङ नाखुरीकुङ काम जाट्‍च समय हो।”

युहन्‍ना 12:31

अब इसे संसारकी न्‍याय जाट्‍च बेला छान्‍नने। अनी इसे संसारुङ सासक शैतानकी बाहीर लोल्‍हे।

प्रेरित 1:3

लहो डुख भोग्‍डीम भ्‍यारखीङ वास्‍टै सत्‍य प्रमाणको लकीङ येशूये लाहाकी जीउँडै ले डेम टान्‍हाका। चालीस डीनसम्‍म होसको घरी-घरी होखुरीकुङ म्‍याहासाङ डाङा र परमेश्‍वरौ राज्‍यौ बारेयाङ होखुरीककी सेटाका।

१ पट्‍रुस 1:19

टर नाखुरीककी ख्रीष्‍टौ बहुमुल्‍य य्‍हुये छुटकारा याहा। होसको हीर दोष मालेच र नीस्‍खोट भेडौ थुमा ल्‍याक्‍च न लेया।

१ पट्‍रुस 2:22

होसकै हीर पाप माजाटा, र होसकुङ मेङेरीङ काट र झुटो कुरा ङाक्‍च मासेया।

१ युहन्‍ना 4:4

ए ङौ मार्‌जा बालखको, नाखुरीक च परमेश्‍वरौ सन्‍टानको हो र नाखुरीकै झुटो अगमवक्‍ताकोलाक जुमने हीजैडेनाङ नाखुरीकखाटा लेच पवित्र आत्‍मा चहीँ संसारुङ भर्मीकोखाटा लेच आत्‍मा डेनाङ शक्‍तिसाली ले।

१ युहन्‍ना 5:18

परमेश्‍वरौ सन्‍टानको सुयेर पाप जाट्‍न माङुले हीजैडेनाङ परमेश्‍वरौ मीजै होसकी सधैँ जोगडीयार डाले, र शैतानै होसकी हानी जाट्‍की न माय्‍होक्‍ले। इसे कुरा कानकी थाहा ले।

१ युहन्‍ना 5:19

संसार न शैतानौ अधिनाङ लेनाङ र कान चहीँ परमेश्‍वरौ सन्‍टान हो डेच कुरा कानकी थाहा ले।