युहन्‍ना 14:27 - पुर्वीय मगर

²⁷ “ङा नाखुरीकखाटा शान्‍ति डास्‍न डार नुङ्‍ले। ङा ङाल्‍हौ शान्‍ति नाखुरीककी याल्‍हे। संसारै याछ ल्‍याक्‍च शान्‍ति होइन। नाखुरीकुङ मीमन ब्‍याकुल छान्‍की माय्‍हानी र माबीर्‍हीनी।

युहन्‍ना 14:27 ပူးပေါင်းရင်းမြစ်များ

मत्ती 10:26

“होटबाटै भर्मीकोखाटा माबीर्‍हीनी, हीजैडेनाङ हुप्‍च कुरा कुडीकले, होसे पट्‍ट न डाङ्‍ले र आर्‌च्‍युक्‍च कुरा कुडीकले, होसे पट्‍टकी थाहा छान्‍ले।

लुका 1:79

छुम्‍ठाङ र मृत्‍युओ छायाङ ङुचकै ज्‍योति डुप्‍ले। होसे ज्‍योतिये न काल्‍हाकी शान्‍तियो लामाङ डोरीले।”

लुका 10:5

“नाखुरीक कुसे इमाङ पर्‌ले पहीला न डेनी, इसे इमाङ शान्‍ति छान्‍ख्‍यो।

लुका 12:4

येशूये डेया, “ए ङौ लाफाको, ङा नाखुरीककी डेले, नाखुरीककी साट्‍की पाच खाटा माबीर्‍हीनी। होखुरीकै च जीउकी मट्‍टै साट्‍ले टर अरु हीर जाट्‍की माय्‍होक्‍ले।

लुका 2:14

“सर्वोच्‍चोवाङ परमेश्‍वरकी महीमा, र पुथ्‍वीयाङ होसे भर्मीको खाटा मार्‍हाङ्‍नने होखुरीककी शान्‍ति।”

युहन्‍ना 14:1

येशूये फेरी चेलाकोलाक डेया, “नाखुरीकुङ मीमन ब्‍याकुल माछान्‍ख्‍यौ। नाखुरीकै लहो भरोसा परमेश्‍वर मीटाक डानी र ङामीटाक र डानी।

युहन्‍ना 16:33

“नाखुरीक ङाखाटा लेचबाटै शान्‍ति डुप्‍की य्‍होक्‍नी डेम न ङै नाखुरीककी इसे पट्‍ट न कुरा डेच हो। संसाराङ नाखुरीककी सङ्कष्‍ट छान्‍ले, टर साहस जाट्‍नी हीजैडेनाङ ङै संसारकी जुमने।”

युहन्‍ना 20:19

होसनीक हप्‍तौ पहीलो डीन आइतबार लेया। चेलाको होसे नाबीलाङ काठोव्‍हाङ जम्‍मा छानन्‍या। होखुरीक यहूदी अगुवाकोखाटा बीर्‍हीयार इम भीत्री गालामाङ आग्‍ला कार ङुमङुम्‍या। होडीक न बेला येशू मोसोमायाङ राहार होखुरीकुङ मीघ्‍याङ टोङ्‍हार डेया, “नाखुरीककी शान्‍ति!”

युहन्‍ना 20:21

येशूये फेरी होखुरीककी डेया, “नाखुरीककी शान्‍ति! कुटजाट्‍न ङाकी ङौ बोये बीर्‌न्‍हका, होटजाट्‍न न अब ङा र नाखुरीककी बीर्‌न्‍हकामन ले।”

युहन्‍ना 20:26

काट हप्‍ता न्‍हुइङ चेलाको फेरी काट इमाङ जम्‍मा छाना। इडीक बेला चहीँ थोमा र होखुरीक खाटा न लेया। पट्‍ट न गालामाङ आग्‍ला कामन्‍या टर येशू होखुरीकुङ मीघ्‍याङ राहार डेया, “नाखुरीककी शान्‍ति!”

प्रेरित 10:36

परमेश्‍वरै येशू ख्रीष्‍ट लकीङ इस्राएलीकोलाक बीर्‌न्‍हकाच शान्‍तियो सेछ समाचार नाखुरीककी थाहा न ले। होसको न पट्‍टकुङ प्रभु हो।

प्रेरित 18:9

कायाक नाबीक दर्शनाङ प्रभुये पावलकी डेया, “माबीर्‍हीयो, टर ङाक्‍चै नुङ्‍ना र माच्‍याक्‍ङ माङुना।

२ ठेसलोनीकी 1:2

नाखुरीककी परमेश्‍वर बोइ र प्रभु येशू ख्रीष्‍टै अनुग्रह र शान्‍ति याख्‍यौ।

२ ठेसलोनीकी 3:16

अब कानकी शान्‍ति याछ प्रभु लहे न सधैँ नाखुरीककी पट्‍ट न कीसीमै शान्‍ति याख्‍यौ। नाखुरीक पट्‍टको खाटा प्रभु ङुख्‍यौ।

२ टीमोठी 1:7

हीजैडेनाङ परमेश्‍वरै काल्‍हाकी बीर्‍हीछ आत्‍मा होइन टर शक्‍ति, प्रेम अनी लहे लाहाकी अनुसासनाङ डाकी य्‍होक्‍च आत्‍मा याम्‍हने।