युहन्‍ना 14:23 - पुर्वीय मगर

²³ येशूये होसकी डेया, “ङाकी माया जाट्‍चकै ङौ शिक्षाकी मन्‍डीले। ङौ बोये होखुरीककी माया जाट्‍ले, अनी बोइ र ङा होखुरीक लेठाङ राहार होखुरीक खाटा ङुले।

युहन्‍ना 14:23 ပူးပေါင်းရင်းမြစ်များ

युहन्‍ना 10:30

बोइ र ङा काट न हो।”

युहन्‍ना 14:15

“इडीक नाखुरीकै ङाकी माया जाट्‍ले डेनाङ ङै याछ आज्ञाको मन्‍डीले।

युहन्‍ना 14:17

होसको सत्‍यौ आत्‍मा हो। टर संसारै होसकोकी स्‍वीकार माजाट्‍ले। हीजैडेनाङ संसारै होसकोकी न डाङ्‍ले न चीन्‍डीले। टर नाखुरीकै चहीँ होसकोकी चीन्‍डीले, हीजैडेनाङ होसको नाखुरीकखाटा ङुले, र नाखुरीक भीत्री बास जाट्‍ले।

युहन्‍ना 14:21

ङौ आज्ञाको मन्‍डीच न ङाकी माया जाट्‍च भर्मी हो। अनी ङाकी माया जाट्‍चकी ङौ बोये र माया जाट्‍ले। ङा होसकी माया जाट्‍ले, र होसे लेठाङ डाङ्‍ले।”

युहन्‍ना 14:24

टर ङाकी माया माजाट्‍चकै ङौ शिक्षाकी मामन्‍डीले। नाखुरीकै सेच इसे बचन ङा लकीङ राछ होइन, टर ङाकी बीर्‌न्‍हकाच बोइ लकीङ न राछ हो।

युहन्‍ना 15:10

ङा ङौ बोयो आज्ञाको मन्‍डीयार बोयो मायाङ ङुले। होटजाट्‍न न इडीक नाखुरीकै ङौ आज्ञाको मन्‍डीया डेनाङ नाखुरीक र ङौ मायाङ ङुले।

युहन्‍ना 16:27

हीजैडेनाङ बोइ मेखोलै न नाखुरीककी माया जाट्‍ले, हीजैडेनाङ नाखुरीकै ङाकी माया जाट्‍नने, अनी ङा परमेश्‍वर लकीङ राछ हो डेम नाखुरीकै विश्‍वास जाट्‍नने।

युहन्‍ना 6:56

सुये ङौ डेह ज्‍याले र ङौ य्‍हु गाले होसे चहीँ ङाखाटा ङुले र ङा होसेखाटा ङुले।

युहन्‍ना 8:51

ङा नाखुरीककी साँच्‍ची न डेले, ङौ शिक्षा मन्‍डीचको चहीँ सेन्‍र मासीले।”

युहन्‍ना 8:52

यहूदी अगुवाकै डेया, “अब कानकी पक्‍का थाहा छाना, नाङ्‍की भूत लक्‍डीस्‍च न हो। अब्राहाम सीया, अगमवक्‍ताको र सीया, टर नाङ डेले, ‘ङौ शिक्षा मन्‍डीचको सेन्‍र सीकी मापर्‌ले।’

१ युहन्‍ना 2:24

होटबाटै कुसे शिक्षा नाखुरीकै सुरुलकीङ न सेमने, होसे नाखुरीकुङ रीदयाङ डानी। इडीक नाखुरीकै सेच शिक्षा नाखुरीकुङ रीडयाङ ले डेनाङ नाखुरीक र परमेश्‍वर बोइ र होसकुङ मीजाखाटा ङुले।

१ युहन्‍ना 2:5

टर सुये परमेश्‍वरौ बचन मन्‍डीले, होचे परमेश्‍वरकी पुरा माया जाट्‍च छान्‍ले। इटै न कान होसको खाटा ले डेच कुरा थाहा छान्‍ले।

१ युहन्‍ना 4:4

ए ङौ मार्‌जा बालखको, नाखुरीक च परमेश्‍वरौ सन्‍टानको हो र नाखुरीकै झुटो अगमवक्‍ताकोलाक जुमने हीजैडेनाङ नाखुरीकखाटा लेच पवित्र आत्‍मा चहीँ संसारुङ भर्मीकोखाटा लेच आत्‍मा डेनाङ शक्‍तिसाली ले।

१ युहन्‍ना 5:3

हीजैडेनाङ परमेश्‍वरौ आज्ञाको मन्‍डीकी न परमेश्‍वरकी प्रेम जाट्‍की हो। अनी होसकुङ आज्ञाको गार्‍हो माले।

२ युहन्‍ना 1:6

अनी प्रेम जाट्‍की न परमेश्‍वरौ आज्ञा मन्‍डीयार व्‍हाकी हो। नाखुरीक पट्‍टकै सेच सुरुलकीयुङ आज्ञा इसे न हो, की नाखुरीक पट्‍टकै काटै काट्‍की प्रेम जाट्‍की पर्‌ले।