युहन्‍ना 14:21 - पुर्वीय मगर

²¹ ङौ आज्ञाको मन्‍डीच न ङाकी माया जाट्‍च भर्मी हो। अनी ङाकी माया जाट्‍चकी ङौ बोये र माया जाट्‍ले। ङा होसकी माया जाट्‍ले, र होसे लेठाङ डाङ्‍ले।”

युहन्‍ना 14:21 ပူးပေါင်းရင်းမြစ်များ

लुका 11:28

टर येशूये डेया, “परमेश्‍वरौ बचन सेयार सुये मन्‍डीले होखुरीक टी आसीस डुप्‍चको हो!”

युहन्‍ना 14:15

“इडीक नाखुरीकै ङाकी माया जाट्‍ले डेनाङ ङै याछ आज्ञाको मन्‍डीले।

युहन्‍ना 14:18

ङा नाखुरीककी टुहुराकोलाक लेखा माडास्‍ले, ङा फेरी नाखुरीकलेठाङ राल्‍हे।

युहन्‍ना 15:14

इडीक नाखुरीकै ङै याछ आज्ञा मन्‍डीया डेनाङ नाखुरीक ङौ लाफाको हो।

युहन्‍ना 16:14

होसकै ङौ महीमा जाट्‍ले, हीजैडेनाङ होसकै ङा लकीङ ही सेले होसे नाखुरीककी डेम याल्‍हे।

युहन्‍ना 16:27

हीजैडेनाङ बोइ मेखोलै न नाखुरीककी माया जाट्‍ले, हीजैडेनाङ नाखुरीकै ङाकी माया जाट्‍नने, अनी ङा परमेश्‍वर लकीङ राछ हो डेम नाखुरीकै विश्‍वास जाट्‍नने।

युहन्‍ना 17:23

ङा होखुरीक खाटा र नाको ङाखाटा ले। होटजाट्‍न न होखुरीक र काट न छान्‍की य्‍होक्‍ख्‍यौ। टब नाकै ङाकी संसाराङ बीर्‌न्‍हकाच हो, र नाकै ङाकी माया जाट्‍नाङ लेखा न होखुरीककी र माया जाट्‍ले डेच कुरा संसारुङ भर्मीकै वार्‌ल्‍हे।

प्रेरित 22:18

होडीक बेला ङै प्रभुकी डाङा र होसकै ङाकी डेया, ‘छीटो जाटार यरूशलेमलकीङ नुङ्‍की क्‍योटो, हीजैडेनाङ ङौ बारेयाङ नीये याछ गबाही इलुङ भर्मीकै ग्रहण माजाट्‍ले।’

२ ठेसलोनीकी 2:16

कानुङ प्रभु येशू ख्रीष्‍ट र परमेश्‍वर बोये कानकी माया जाटा र होसकुङ अनुग्रहै सेन्‍र अन्‍त्‍य माछान्‍च उत्‍साह र सेछ आशा याहा।

२ टीमोठी 4:22

प्रभु नाकुङ आत्‍मा खाटा न लेख्‍यो। नाखुरीक पट्‍टखाटा परमेश्‍वरौ अनुग्रह ङुख्‍यो।

१ युहन्‍ना 2:5

टर सुये परमेश्‍वरौ बचन मन्‍डीले, होचे परमेश्‍वरकी पुरा माया जाट्‍च छान्‍ले। इटै न कान होसको खाटा ले डेच कुरा थाहा छान्‍ले।

१ युहन्‍ना 3:1

ङोस्‍नी, परमेश्‍वर बोये काल्‍हाकी कुडीक धेरै प्रेम जाट्‍नने! होसकुङ प्रेमौ कारनै न काल्‍हाको परमेश्‍वरौ मीजाको डेयार चीन्‍डीमने, अनी चीन्‍डीच मट्‍टै होइन साँच्‍ची न मीजाको हो। टर संसारुङ भर्मीकै काल्‍हाकी माचीन्‍डीले, हीजैडेनाङ होखुरीकै परमेश्‍वरकी माचीन्‍डीया।

१ युहन्‍ना 5:3

हीजैडेनाङ परमेश्‍वरौ आज्ञाको मन्‍डीकी न परमेश्‍वरकी प्रेम जाट्‍की हो। अनी होसकुङ आज्ञाको गार्‍हो माले।

२ युहन्‍ना 1:6

अनी प्रेम जाट्‍की न परमेश्‍वरौ आज्ञा मन्‍डीयार व्‍हाकी हो। नाखुरीक पट्‍टकै सेच सुरुलकीयुङ आज्ञा इसे न हो, की नाखुरीक पट्‍टकै काटै काट्‍की प्रेम जाट्‍की पर्‌ले।