युहन्‍ना 14:19 - पुर्वीय मगर

¹⁹ अब कालाप न्‍हुइङ संसारै ङाकी सेन्‍र माडाङ्‍ले, टर नाखुरीकै चहीँ ङाकी डाङ्‍ले। ङा फेरी जीवाच बाटै नाखुरीक र जीवाम ङुले।

युहन्‍ना 14:19 ပူးပေါင်းရင်းမြစ်များ

युहन्‍ना 11:25

येशूये मार्‌ठाकी डेया, “सीच लकीङ जीवाक्‍च र जीवन याछ ङा न हो। ङाकी विश्‍वास जाट्‍चको सीनाङ र जीवाले।

युहन्‍ना 12:35

येशूये होखुरीककी डेया, “अझै कालाप बेर ज्‍योति नाखुरीक खाटा ङुले। ज्‍योति नाखुरीक खाटा लेठर लहो लामाङ व्‍हानी, नभा च छुम्‍छये नाखुरीककी हुप्‍ले। छुम्‍ठाङ व्‍हाचये लाहा कुलाक नुङ्‍ङन ले डेच थाहा माडीन्‍ल्‍हे।

युहन्‍ना 13:33

“ए ङौ मीजाको, ङा नाखुरीकखाटा कालाप बेर मट्‍टै ङुले। नाखुरीकै ङाकी पाले टर ङै यहूदी अगुवाकोलाक डेनाङ लेखा न नाखुरीककी र डेले, ‘ङा कुला नुङ्‍ङन ले, होला नाखुरीक राखी माय्‍होक्‍ले।’

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

युहन्‍ना 16:16

“कालप बेर न्‍हुइङ ङाकी फेरी नाखुरीकै माडाङ्‍ले, अनी कालप बेर न्‍हुइङ फेरी ङाकी डाङ्‍ले।”

युहन्‍ना 16:22

होटजाट्‍न न चाहाँ नाखुरीकै सोक जाट्‍ले, टर ङा फेरी नाखुरीककी डुप्‍की रान्‍हाङ ङाकी डाङार नाखुरीकुङ मीमन आनन्‍द ये न्‍हेप्‍ले। अनी इसे आनन्‍द चहीँ नाखुरीक लकीङ सुयेर स्‍याटार आल्‍खी माय्‍होक्‍ले।

युहन्‍ना 6:40

हीजैडेनाङ ङौ बोयो इच्‍छा इसे न हो, मीजाकी ङोस्‍च र होसे मीटाक विश्‍वास जाट्‍च पट्‍टकै सेन्‍र मासीच जीवन डुप्‍ख्‍यौ, र ङा होखुरीककी अन्‍टीम डीनाङ सीच लकीङ जीवाटाक्‍ले।”

युहन्‍ना 7:33

टर येशूये डेया, “ङा अझै र नाखुरीक खाटा काटछीन ङुले होटै न्‍हुइङ ङाकी बीर्‌न्‍हकाच लेठाङ ङा ल्‍हेसार नुङ्‍ले।

युहन्‍ना 8:21

येशूये फेरी होखुरीककी डेया, “ङा इटै नुङ्‍की क्‍योट्‍ले। अनी नाखुरीकै ङाकी पाले, टर नाखुरीक लहो न पापाङ सीले। हीजैडेनाङ ङा कुला नुङ्‍ले, नाखुरीक होला राखी माय्‍होक्‍ले।”

प्रेरित 10:41

पट्‍ट न भर्मीकोलाक चहीँ होइन, टर कानकी परमेश्‍वरै साक्षी खास्‍कीयो लागी अगाडी लकीङ न चुन्‍डीमन्‍या। अनी होसको सीच लकीङ जीवाच न्‍हुइङ कानखाटा डुपा र कान होखुरीक न हो सुये होसकोखाटा ज्‍याम-गाम जाटा।