युहन्‍ना 14:12 - पुर्वीय मगर

¹² “साँच्‍ची न, ङा नाखुरीककी डेले, सुये ङाकी विश्‍वास जाट्‍ले, होचे ङै जाट्‍च काम र जाट्‍ले, र होसे डेनाङ बा-बाड्‍सो काम जाट्‍ले, हीजैडेनाङ ङा बोइलेठाङ नुङ्‍ङन ले।

युहन्‍ना 14:12 ပူးပေါင်းရင်းမြစ်များ

मत्ती 21:21

अनी येशूये होखुरीककी जवाफ याहा, “ङा नाखुरीककी साँच्‍ची न डेले, नाखुरीक खाटा विश्‍वास ले र सेन्‍र सङ्‍खा माजाटा डेनाङ, ङै इसे अन्‍जीरौ म्‍यार्‌टुङकी ही जाटा होडीक मट्‍टै होइन, टर नाखुरीकै इसे डाँडाकी ‘इटै नुङार समुन्‍द्राङ झालो’ डेया डेनाङ होसे छान्‍ले।

मर्कूस 11:13

येशूये चेक पारी काट झ्‍याम्‍म पर्च अन्‍जीरौ म्‍यार्‌टुङ डाङा। मीस्‍या स्‍यामे की डेयार ङोस्‍की नुङा टर होसे म्‍यार्‌टुङाङ मील्‍हा मट्‍टै डाङा हीजैडेनाङ होडीक बेला अन्‍जीरौ मीस्‍या स्‍याच बेला माछान्‍नन्‍या।

मर्कूस 16:17

अनी विश्‍वास जाट्‍चको खाटा इसे चीन्‍हको छान्‍ले: ङौ म्‍यार्‌मीनाङ होखुरीकै भूत्‍को खेट्‍डीले र नयाँ भासाको ङाक्‍ले।

युहन्‍ना 14:28

ङै ‘ङा नुङ्‍ङन ले, अनी फेरी ङा नाखुरीक लेठाङ ल्‍हेसार राल्‍हे’ डेच कुरा नाखुरीकै सेया। इडीक नाखुरीकै ङाकी साँच्‍ची न माया जाट्‍च लेनाङ ङा बोइ लेठाङ नुङ्‍ङन ले डेच कुरा सेयार नाखुरीक मार्‍हाङ्‍छ लेया, हीजैडेनाङ बोइ ङा डेनाङ महान ले।

युहन्‍ना 16:7

टर ङा नाखुरीककी सत्‍य कुरा डेले, ङा नुङ्‍की न नाखुरीकुङ लागी सेम्‍ह छान्‍ले, हीजैडेनाङ ङा मानुङा डेनाङ सल्‍लाहकार पवित्र आत्‍मा नाखुरीक लेठाङ मार्‍हाले। टर ङा नुङा डेनाङ होसकोकी नाखुरीक लेठाङ बीर्‌न्‍हकाले।

युहन्‍ना 4:37

इला ‘काट जनै भेरेट्‍ले र अर्‌कोये बाली चेले’ डेच सत्‍य हो।

युहन्‍ना 5:20

हीजैडेनाङ परमेश्‍वर बोये लहो मीजाकी माया जाट्‍ले, र होसको लहे जाट्‍च पट्‍ट न कामको मीजाकी टान्‍हाक्‍ङ याल्‍हे। इसे डेनाङ बा-बाड्‍सो कामको बोये मीजाकी टान्‍हाक्‍ले, र नाखुरीक पट्‍ट न छक्‍क पर्‌ले।

युहन्‍ना 7:33

टर येशूये डेया, “ङा अझै र नाखुरीक खाटा काटछीन ङुले होटै न्‍हुइङ ङाकी बीर्‌न्‍हकाच लेठाङ ङा ल्‍हेसार नुङ्‍ले।

युहन्‍ना 7:39

इसे कुरा चहीँ येशूये पवित्र आट्‍मौ बारेयाङ डेमन्‍या, होसको मीटाक विश्‍वास जाट्‍चकै जटी होसे पवित्र आत्‍मा डुप्‍की पामन्‍या। पवित्र आत्‍मा चाँहा सम्‍म माय्‍हामन्‍या, हीजैडेनाङ चाँहा सम्‍म येशू लहो महीमाङ स्‍वर्गाङ माल्‍हेस्‍नन्‍या।

प्रेरित 10:46

हीजैडेनाङ अन्‍य भासाकोवाङ ङाकार होखुरीकै परमेश्‍वरौ प्रशंसा जाट्‍च होखुरीकै सेया। अनी पत्रुसै डेया,

प्रेरित 16:18

होचे वास्‍टै डीन सम्‍म होट न जाट्‍न ङुवा। टब पावलै झर्‌को मन्‍डीयार होसे मास्‍टो जजा पट्‍टी खार्‌लाप ल्‍हेसार होसे दुष्‍ट आत्‍माकी डेया, “येशू ख्रीष्‍टौ म्‍यार्‌मीनाङ ङा नाङ्‍की आज्ञा जाट्‍ले होसे लकीङ ख्‍योन्‍हा।” अनी होसे दुष्‍ट आत्‍मा होडीक न बेला ख्‍योखी क्‍योटा।

प्रेरित 19:12

इला सम्‍म छाना की भर्मीकै पावलौ जीवाङ रुमाल र मीज्‍याट्‍रो छुवाकार बीरामीको लेठाङ आल्‍न्‍हन्‍या। इटजाट्‍न होखुरीकुङ जीउलकीङ रोग गेप्‍न्‍या र दुष्‍टआत्‍मा र ख्‍योम्‍हन्‍या।

प्रेरित 2:33

परमेश्‍वर बोये येशूकी मान जाटार लहो डोर मीहुट पट्‍टी डा र लहे प्रतिज्ञा जाट्‍च अनुसार होसकोकी पवित्र आत्‍मा याहा। अनी होसे पवित्र आत्‍मा येशूये काल्‍हा मीटाक व्‍हाक्‍ङ याछ हो, होसे न कुराको नाखुरीकै चाहाँ डाङ्‍ङने र सेमने।

प्रेरित 2:41

होटै सु-सुये पत्रुसौ शिक्षा विश्‍वास जाटा होखुरीकै चहीँ बप्‍तिस्‍मा ला र होस्‍नीक लगभग सोम हजार भर्मीको विश्‍वासीकुङ सङ्‍ख्‍याङ ठप्‍डीसा।

प्रेरित 4:16

“अब इसे भर्मीकोलाक कानै ही जाटीङ? हीजैडेनाङ साँच्‍ची न इखुरीक लकीङ काट अचम्मौ काम छान्‍न ने डेम यरूशलेमुङ पट्‍ट न भर्मीकोलाक थाहा छान्‍न भ्‍यामने र इसे कुराकी कानै होइन डेकी र माय्‍होक्‍ले।

प्रेरित 4:33

होसे प्रेरितकै बाड्‍को शक्‍तियाङ प्रभु येशू सीच लकीङ जीवाम सोचओ बारेयाङ गबाही याम्‍हन्‍या र होखुरीक पट्‍टको मीटाक बाड्‍को अनुग्रह लेया।

प्रेरित 4:4

टर बचन सेचको मढ्‍याङ वास्‍टै जनै विश्‍वास जाटा र विश्‍वास जाट्‍च लेन्‍जा भर्मीकुङ सङ्‍ख्‍या बाङा हजार टडीक लेया।

प्रेरित 5:15

अगाडी ही-ही घटना छाना होच्‍यौ कारनै भर्मीकै लामाङ छाचकोलाक राकार डामन्‍या। हीजैडेनाङ पत्रुस रान्‍हाङ होच्‍यौ छाया मट्‍टै लेनाङ र छाचको मीटाक पर्‌ख्‍यौ डेम ओछ्‍यानको खाटा न होखुरीककी मीसाक्‍ङ डामन्‍या।

प्रेरित 6:7

होटै परमेश्‍वरौ बचन फैलडीस्‍चै नुङा र विश्‍वासीकुङ सङ्‌ख्‍या यरूशलेमाङ साफ्‍फी बट्‍डीसा। अनी वास्‍टै पुजाहारीकै र येशूकी विश्‍वास जाटा।

प्रेरित 8:7

हीजैडेनाङ वास्‍टै भर्मीको लकीङ दुष्‍ट आत्‍माको बाड्‍को सोरै च्‍याक्‍चै ख्‍योव्‍हा अनी वास्‍टै जना पक्षाघात छानार छाचको र लुला-लङ्‍गडाकोलाक गेपाका।

प्रेरित 9:34

पत्रुसै होसकी डेया, “ए एनीयास, येशू ख्रीष्‍टै नाङ्‍की चाहाँ न गेपाक्‍ले। सोना र नुओ ओछ्‍यान खाटाको।” होटै होसे तुरुन्‍तै सोकी क्‍योटा।

प्रेरित 9:40

टर पत्रुसै होखुरीक पट्‍टकी कोठालकीङ बाहीर बीर्‌न्‍हका र घुँडा टुसार प्रार्थना जाटा। होटै होचे लास पट्‍टी ल्‍हेसार डेया, “टबीटा, सोना!” होचे मीमीक फोवा र पत्रुसकी ङोसा र होसे सोवार ङुवा।