युहन्‍ना 14:11 - पुर्वीय मगर

¹¹ ङा बोइखाटा ले र बोइ ङाखाटा ले डेच कुरा विश्‍वास जाट्‍नी। नभा ङै जाट्‍च अचम्‍मौ कामको ङोसार ङाकी विश्‍वास जाट्‍नी।

युहन्‍ना 14:11 ပူးပေါင်းရင်းမြစ်များ

युहन्‍ना 10:25

येशूये होखुरीककी डेया, “ङै नाखुरीककी अघी न डेम भ्‍यामने, टर नाखुरीकै ङाकी विश्‍वास माजाट्‍ले। ङै बोयो अधिकार डुपार जाट्‍च कामकै न ङा सु हो डेच कुरा टान्‍हाक्‍ले।

युहन्‍ना 10:32

टर येशूये होखुरीककी डेया, “बोये ङाकी जाट्‍की डेच वास्‍टै सेछ कामको ङै नाखुरीकुङ म्‍याहासाङ जाट्‍नने। होसे कामको मढ्‍याङ कुसे चहीँ कामौ लागी नाखुरीकै ङाकी ल्‍हुङै ङाप्‍की पाच हो?”

युहन्‍ना 10:38

टर इडीक ङै जाट्‍च कामको ङौ बोयो हो डेनाङ, नाखुरीकै ङा मीटाक विश्‍वास माजाट्‍नाङ र ङै जाट्‍च कामको मीटाक चहीँ विश्‍वास जाट्‍नी, र बोइ ङा खाटा ले, अनी ङा बोइ खाटा ले डेयार नाखुरीकै बुझडीस्‍की य्‍होक्‍ले।”

युहन्‍ना 14:10

ङा बोइखाटा ले, र बोइ ङाखाटा ले डेच कुरा ही नाको विश्‍वास माजाट्‍ले? ङै नाखुरीककी डेच बचन ङाल्‍है न ङाक्‍च होइन, टर ङाखाटा लेच बोये न लहो काम ङा लकीङ जाट्‍नन ले।

युहन्‍ना 14:20

अनी होसनीक नाखुरीकै बुझडीस्‍ले, ङा ङौ बोइखाटा ले, र नाखुरीक ङा खाटा ले, र ङा नाखुरीकखाटा ले।

युहन्‍ना 5:36

“टर ङाखाटा लेच गबाही युहन्‍नै याछ गबाही डेनाङ बाड्‍को ले। हीजैडेनाङ कुसे कामको पुरा जाट्‍की परमेश्‍वर बोये ङाकी याम्‍हने, होसे काम ङा जाट्‍न न ले, अनी होसे कामै न ङौ बारेयाङ गबाही याम्‍हन ले, र परमेश्‍वर बोये ङाकी बीर्‌न्‍हकाच हो डेम टान्‍हाक्‍ले।

प्रेरित 2:22

“इस्राएलुङ भर्मीको, इसे कुरा सेनी नासरतुङ येशूकी परमेश्‍वरै बीर्‌न्‍हकाच हो डेम होसकै जाट्‍च शक्‍तिशाली कामको र अचम्‍मौ चीन्‍हको लकीङ नाखुरीकुङ म्‍याहासाङ प्रमाणित जाट्‍ने। नाखुरीककी थाहा न ले परमेश्‍वरै नाखुरीकुङ मीघ्‍याङ इसे कामको होसको लकीङ जाट्‍च हो।