युहन्‍ना 13:5 - पुर्वीय मगर

⁵ होस न्‍हुइङ होसकै आर्‍हीयाङ डी कार चेलाकुङ मीहील हुर्‌न याहा, र लहे कम्‍बराङ बेर्‍हडीच टौलीये होखुरीकुङ मीहील सीट्‍न याहा।

युहन्‍ना 13:5 ပူးပေါင်းရင်းမြစ်များ

लुका 7:38

होटै येशूओ न्‍हुङ्‌लाक मीखुट्‍या छीनी टोङ्‌हार, राप्‍चै होसकुङ मीखुट्‍या मीराप डीये छीम्‍हाक्‍की ठाला, र लहो मीछामै सीट्‍चै होसकुङ मीखुट्‍याकी चुम्‍हा र होसे अट्‌टर मोल्‍न्‍ह याहा।

लुका 7:44

होटै मास्‍टो पट्‌टी ल्‍हेसार येशूये सीमोनकी डेया, “इसे मास्‍टोकी ङोस्‍नी! ङा नाकुङ इमाङ राहा, टर नाकै ङाकी मीकु हुर्‌की डेम डी ढरी माय्‍हा। टर इचे च ङौ मीकुकी मीराप डीये छीम्‍हाक्‍ङ याहा र लहो मीछामै सीटा।

युहन्‍ना 13:10

येशूये होसकी डेया, “नहडीस्‍न भ्‍याच भर्मीकी मीहील बाहेक अरु हीर हुर्‌की मापर्‌ले, हीजैडेनाङ होसे शुद्ध छान्‍नने। अनी नाखुरीक चेलाको शुद्ध ले, टर पट्‍ट न चहीँ होइन।”

युहन्‍ना 13:6

जब येशू सीमोन पत्रुस लेठाङ राहा, अनी पत्रुसै डेया, “प्रभु, ही नाकै ङौ मीहील हुर्‌की पाच हो?”

युहन्‍ना 13:8

पत्रुसै डेया, “नाकै ङौ मीहील सेन्‍र हुर्‌की माछान्‍ले।” येशूये होसकी डेया, “इडीक ङै नाकुङ मीहील हुर्‌न माय्‍हा डेनाङ नुओ ङाखाटा हीर सम्‍बन्‍ध माछान्‍ले।”

युहन्‍ना 19:34

टर पनी सीपाहीको मढ्‍याङ काट जनै चहीँ येशूओ कोखाङ भालै रोप्‍डीया होटै तुरुन्‍तै य्‍हु र डी ख्‍योहा।

प्रेरित 22:16

होटबाटै अब हीजै लेन्‍की? सोनी र बप्‍तिस्‍मा लानी, अनी होसकुङ म्‍यार्‌मीन लार लहो पाप हुर्‌नी।’

१ टीमोठी 5:10

होखुरीकै सेछ काम जाटार म्‍यार्‌मीन क्‍योस्‍च छान्‍की पर्‌ले। लहो मीजाकोलाक सेम्‍ह होरोक्‍च, र पाहुनाकोलाक मान जाट्‍च, परमेश्‍वरौ पवित्र भर्मीकुङ मीकु हुरार सेवा जाट्‍च, डुखवाङ पर्‌चकोलाक सहायटा जाट्‍च र सेछ कामाङ लहो मीमन लैडीच छान्‍की पर्‌ले।

१ युहन्‍ना 1:7

टर कुटजाट्‍न परमेश्‍वर ज्‍योतियाङ ले, होटजाट्‍न न कान र ज्‍योतियाङ व्‍हाले डेनाङ कानुङ र अरु विश्‍वासीको खाटा सङ्‍गटी छान्‍ले। अनी होसकुङ मीजा येशूओ य्‍हुये कानुङ पट्‍ट न पापको लकीङ कानकी शुद्ध खास्‍ले।

१ युहन्‍ना 5:6

येशू ख्रीष्‍ट डीयाङ बप्‍तिस्‍मा लार अनी क्रुसाङ य्‍हु जोकाकार राहा, डी लकीङ मट्‍टै होइन, य्‍हु र डी लकीङ न राछ हो। इसे कुरा सत्‍य हो डेयार पवित्र आत्‍मै न साक्षी याल्‍हे हीजैडेनाङ पवित्र आत्‍मा सत्‍य ले।