युहन्‍ना 13:33 - पुर्वीय मगर

³³ “ए ङौ मीजाको, ङा नाखुरीकखाटा कालाप बेर मट्‍टै ङुले। नाखुरीकै ङाकी पाले टर ङै यहूदी अगुवाकोलाक डेनाङ लेखा न नाखुरीककी र डेले, ‘ङा कुला नुङ्‍ङन ले, होला नाखुरीक राखी माय्‍होक्‍ले।’

युहन्‍ना 13:33 ပူးပေါင်းရင်းမြစ်များ

युहन्‍ना 13:36

सीमोन पत्रुसै येशूकी गीना, “प्रभु, नाको कुला नुङ्‍ङन ले?” अनी येशूये डेया, “चाहाँ ङा नुङ्‍ङन लेच ठावाङ चहीँ नाको ङाकी डुटार राखी माय्‍होक्‍ले, टर पीहीन च ङाकी डुट्‍की य्‍होक्‍ले।”

युहन्‍ना 14:19

अब कालाप न्‍हुइङ संसारै ङाकी सेन्‍र माडाङ्‍ले, टर नाखुरीकै चहीँ ङाकी डाङ्‍ले। ङा फेरी जीवाच बाटै नाखुरीक र जीवाम ङुले।

युहन्‍ना 14:2

ङौ बोयो इमाङ वास्‍टै ङुच ठाउँको ले र ङा नाखुरीकुङ लागी ठाउँ टयार खास्‍की नुङ्‍ङन ले। होट होइन डेनाङ, ही ङा नाखुरीककी याङ्‍च कुरा डेच लेया र?

युहन्‍ना 7:36

‘नाखुरीकै ङाकी पाले टर माडुप्‍ले हीजैडेनाङ ङा नुङ्‍च ठावाङ नाखुरीक राखी माय्‍होक्‍ले’ येशूये डेले। इसे ही डेच हो, छेना?”

१ युहन्‍ना 2:1

ङौ मार्‌जा बालखको, नाखुरीकै पाप माजाट्‍नी डेयार ङा इसे कुराको नाखुरीककी रीक्‍ङन ले। टर इडीक सुयेर पाप जाट्‍की क्‍योटा डेनाङ र कानुङ पक्षाङ परमेश्‍वर बोइ खाटा बिन्‍ती जाट्‍न याछ काट जना धार्मिक येशू ख्रीष्‍ट कानखाटा ले।

१ युहन्‍ना 4:4

ए ङौ मार्‌जा बालखको, नाखुरीक च परमेश्‍वरौ सन्‍टानको हो र नाखुरीकै झुटो अगमवक्‍ताकोलाक जुमने हीजैडेनाङ नाखुरीकखाटा लेच पवित्र आत्‍मा चहीँ संसारुङ भर्मीकोखाटा लेच आत्‍मा डेनाङ शक्‍तिसाली ले।

१ युहन्‍ना 5:21

मार्‌जा बालखको, नाखुरीक लहे लाहाकी मूर्तिको लकीङ लोस ङुनी।