युहन्‍ना 13:31 - पुर्वीय मगर

³¹ जब यहूदास बाहीर ख्‍योव्‍हार नुङा टब येशूये लहो बारेयाङ डेया, “अब भर्मीयो मीजौ महीमा छान्‍नने, र परमेश्‍वर होसे खाटा महीमीट छान्‍नने।

युहन्‍ना 13:31 ပူးပေါင်းရင်းမြစ်များ

मत्ती 8:20

येशूये होसकी डेया, “सीलौ ओडार र ग्‍वाजाकुङ मीम छान्‍ले। टर भर्मीयो मीजौ लागी च मीटालु ठोन्‍होक्‍च ठाउँ र माले।”

लुका 12:50

काट बाड्‍को कष्‍टौ बप्‍तिस्‍मा ले होसे ङै लाकी न पर्‌ले। होसे पुरा माछान्‍ठर ङा सार्‍है ब्याकुल ले!

युहन्‍ना 11:4

येशूये इसे खबर सेयार डेया, “लाजरस छाकी च छामने, टर होसे मासीले। इसे परमेश्‍वरौ महीमौ लागी छान्‍च हो, र इसे लकीङ भर्मीकै परमेश्‍वरौ मीजौ महीमा जाट्‍ले।”

युहन्‍ना 12:23

येशूये होखुरीककी डेया, “अब भर्मीयो मीजौ महीमा छान्‍च बेला राम्‍हन ले।

युहन्‍ना 12:28

ए बोइ, नाकुङ म्‍यार्‌मीनौ महीमा जाट्‍नी।” टब स्‍वर्ग लकीङ याङ्‍च सोर राहा, “ङै ङौ म्‍यार्‌मीनौ महीमा जाट्‍नने र फेरी र महीमा जाट्‍ले।”

युहन्‍ना 14:13

नाखुरीकै ङौ म्‍यार्‌मीनाङ ही ङेन्‍हाङ र मीजा लकीङ बोयो महीमा छान्‍ख्‍यौ डेयार ङा होसे नाखुरीककी पुरा जाट्‍न याल्‍हे।

युहन्‍ना 16:14

होसकै ङौ महीमा जाट्‍ले, हीजैडेनाङ होसकै ङा लकीङ ही सेले होसे नाखुरीककी डेम याल्‍हे।

युहन्‍ना 7:39

इसे कुरा चहीँ येशूये पवित्र आट्‍मौ बारेयाङ डेमन्‍या, होसको मीटाक विश्‍वास जाट्‍चकै जटी होसे पवित्र आत्‍मा डुप्‍की पामन्‍या। पवित्र आत्‍मा चाँहा सम्‍म माय्‍हामन्‍या, हीजैडेनाङ चाँहा सम्‍म येशू लहो महीमाङ स्‍वर्गाङ माल्‍हेस्‍नन्‍या।

प्रेरित 2:36

“होटबाटै इस्राएलुङ पट्‍ट न भर्मीकै इसे कुरा पक्‍का जाट्‍न वार्‌खी पर्‌ले। नाखुरीकै क्रूसाङ टङ्‍गडीच येशूकी न परमेश्‍वरै प्रभु र मुक्‍ति याछ ख्रीष्‍ट खासा।”

प्रेरित 3:13

अब्राहाम, इसहाक र याकुबौ परमेश्‍वर, कानुङ पुर्खाकुङ परमेश्‍वरै लहो सेवक येशूकी महीमीत पार्‍या। नाखुरीकै चहीँ होसे न येशूकी घोवाका र पिलातसै होसकोकी डास्‍न याछ बीचार जाट्‍नाङ र नाखुरीक होसकुङ न म्‍याहासाङ मामन्‍डीया।

१ पट्‍रुस 1:21

होसको लकीङ न नाखुरीकै परमेश्‍वर मीटाक विश्‍वास जाटा, सुये ख्रीष्‍टकी सीच लकीङ जीवाटाकार होसकोकी महीमीत पार्‌या। होटबाटै नाखुरीकुङ आशा र भरोसा परमेश्‍वर मीटाक ले।

१ पट्‍रुस 2:12

ख्रीष्‍टकी विश्‍वास माजाट्‍च भर्मीकुङ मीघ्‍याङ नाखुरीकुङ चालचलन सेछ छान्‍की पर्‌ले। होखुरीकै नाखुरीककी मासेछ डेयार डोस लैडीनाङ नाखुरीकुङ सेछ कामको चीन्‍डीकी य्‍होक्‍ख्‍यौ र परमेश्‍वर न्‍याय जाट्‍की राछ डीनाङ होसकुङ महीमा जाट्‍ख्‍यौ।

१ पट्‍रुस 4:11

ङाक्‍च वरदान डुप्‍चये परमेश्‍वरौ बचन ङाक्‍ख्‍यौ, सेवा जाट्‍चये परमेश्‍वरौ शक्‍तिये सेवा जाट्‍ख्‍यौ। इटजाट्‍न येशू ख्रीष्‍ट लकीङ पट्‍ट न कुराकोवाङ परमेश्‍वरकी न महीमा छान्‍ख्‍यौ। सधैँभरी होसकुङ न महीमा र शक्‍ति छान्‍न ङुख्‍यौ! आमेन।