युहन्‍ना 13:1 - पुर्वीय मगर

¹ अब यहूदीकुङ इसे छुटकारौ चाड अघी संसारलकीङ बिदा छानार बोइ लेठाङ नुङ्‍च बेला छान्‍नने डेच कुरा येशूकी थाहा लेया। होसकै संसाराङ लेच लहो चेलाकोलाक सढैँ माया जाट्‍नन्‍या, अनी होखुरीककी अन्‍टीम समय सम्‍म न माया जाटा।

युहन्‍ना 13:1 ပူးပေါင်းရင်းမြစ်များ

मत्ती 26:45

होटै होसको चेलाकोलेठाङ ल्‍हेस्‍न राहार होखुरीककी डेया, “नाखुरीक चाँहासम्‍म र मीस्‍न न ले? ङोस्‍नी, समय खेरेप राम्‍हभ्‍यामने। भर्मीयो मीजाकी पापी भर्मीकुङ मीहुटाङ जीम्‍मा याछ बेला छान्‍न भ्‍यामने।

मत्ती 28:20

ङै नाखुरीककी आज्ञा जाट्‍च पट्‍ट न कुरा पालना जाट्‍की होखुरीककी पाहाक्‍नी। सेनी, ङा संसारौ अन्‍टीम डीन सम्‍म न सढैँ नाखुरीक खाटा न ले।”

लुका 22:53

ङा परमेश्‍वरौ मन्‍दिराङ डीनहुँ नाखुरीक खाटा लेया। होडीक बेला च नाखुरीकै ङाकी माघोवा। टर अब छुम्‍छौ शक्‍तिये शासन जाट्‍नाङ नाखुरीकुङ काम जाट्‍च समय हो।”

लुका 9:51

येशूओ स्‍वर्ग नुङ्‍च बेला खेरेप छान्‍चै राछबाटै होसको यरूशलेमाङ मानुङ्‍ङ माडास्‍ले डेम मीमन जाटा।

युहन्‍ना 11:55

होडीक बेला यहूदीकुङ छुटकारौ चाड खेरेप राम्‍हन्‍या। होटबाटै लाङ्‍घा-लाङ्‍घा लकीङ वास्‍टै जना भर्मीको चाड राखी डेनाङ अगाडी न लाहा-लाहाकी शुद्ध पार्‌कीयो लागी यरूशलेमाङ राहा।

युहन्‍ना 12:23

येशूये होखुरीककी डेया, “अब भर्मीयो मीजौ महीमा छान्‍च बेला राम्‍हन ले।

युहन्‍ना 13:29

हीजैडेनाङ यहूदासै होखुरीकुङ पैसौ ठैली डामन्‍या होटबाटै होखुरीक कुडीक जनै चहीँ येशूये होसकी चाडौ लागी चहडीस्‍च सामानको लोकी बीर्‌न्‍हकाच औँला डेम आर्‌मीटा, र कुडीक जनै चहीँ गरीबकोलाक पैसा याखी बीर्‌न्‍हकाच औँला डेम आर्‌मीटा।

युहन्‍ना 13:3

बोये लाहाकी पट्‍ट ठोकौ अधिकार याम्‍हने डेच कुरा येशूकी थाहा लेया, र परमेश्‍वरलकीङ राछ हो र परमेश्‍वर लेठाङ न ल्‍हेस्‍न न ले डेच कुरा र होसकोकी थाहा लेया।

युहन्‍ना 13:34

होटबाटै अब ङा नाखुरीककी काट नयाँ आज्ञा याल्‍हे, नाखुरीक काटै अर्‌कोकी माया जाट्‍की। कुटजाट्‍न ङै नाखुरीककी माया जाट्‍नने, होटजाट्‍न न नाखुरीकै र काटै अर्‌कोकी माया जाट्‍की।

युहन्‍ना 14:28

ङै ‘ङा नुङ्‍ङन ले, अनी फेरी ङा नाखुरीक लेठाङ ल्‍हेसार राल्‍हे’ डेच कुरा नाखुरीकै सेया। इडीक नाखुरीकै ङाकी साँच्‍ची न माया जाट्‍च लेनाङ ङा बोइ लेठाङ नुङ्‍ङन ले डेच कुरा सेयार नाखुरीक मार्‍हाङ्‍छ लेया, हीजैडेनाङ बोइ ङा डेनाङ महान ले।

युहन्‍ना 14:31

टर संसारुङ पट्‍ट न भर्मीकै ङा बोइकी माया जाट्‍ले डेच कुरा वार्‌खी य्‍होक्‍ख्‍यौ डेयार ङा बोये याछ आज्ञाको मन्‍डीमन ले। सोनी, अब कान इटै नुइङ।”

युहन्‍ना 16:28

ङा परमेश्‍वर बोइलकीङ न संसाराङ राछ हो, अब ङा संसारकी डासार परमेश्‍वर बोइ लेठाङ न ल्‍हेस्‍न नुङ्‍ङन ले।”

युहन्‍ना 17:1

इसे कुरा डेम भ्‍याच पछी येशूये स्‍वर्गपट्‍टी ङोसार डेया, “ए बोइ, अब समय राम्‍ह भ्‍यामने। नाकुङ मीजै नाकुङ महीमा टान्‍हाक्‍की य्‍होक्‍ख्‍यौ डेयार होसकी महीमा यान्‍ही।

युहन्‍ना 17:16

कुटजाट्‍न ङा इसे संसारुङ होइन, होटजाट्‍न न इखुरीक र इसे संसारुङ होइन।

युहन्‍ना 17:26

नाकै ङाकी जाट्‍च माया होखुरीक खाटा र ङुख्‍यौ, अनी ङा होखुरीक खाटा ङुकी य्‍होकीङ डेयार होखुरीकुङ मीघ्‍याङ ङै नाकोकी चीन्‍डीयाका र चीन्‍डीयाक्‍ङ न ङुले।”

युहन्‍ना 17:5

ए बोइ, संसार सृष्‍टि छान्‍की डेनाङ अघी नाकोखाटा लेनाङ ङौ कुसे महीमा लेया, अब होसे न महीमा नाकुङ म्‍याहासाङ डार ङाकी यान्‍ही।

युहन्‍ना 18:4

येशूकी अब लाहा मीटाक आइपर्‌न राछ पट्‍ट न कुराको थाहा लेया। होटबाटै अगाडी नुङार होसकै होसे भर्मीकोलाक गीना, “नाखुरीकै सुकी पामनले?”

युहन्‍ना 19:28

अब होसकुङ पट्‍ट न काम भ्‍या डेच कुरा येशूये वार्‍हा अनी धर्मशास्‍त्राङ रीक्‍च काट-काट कुरा पुरा अटछानै डेयार होसकै डेया, “ङाकी डी सोन्‍हा!”

युहन्‍ना 2:13

यहूदीकुङ छुटकारौ चाड खेरेप राम्‍हन्‍या। अनी येशू यरूशलेमाङ नुङा।

युहन्‍ना 6:4

होडीक बेला यहूदीकुङ छुटकारौ चाड खेरेप राम्‍हन्‍या।

युहन्‍ना 7:30

येशूकी यहूदी अगुवाकै घोकी पा, टर सुयेर होसकोकी मीहुट काकी माय्‍होका, हीजैडेनाङ होसकुङ समय अझै मार्‍हामन्‍या।

युहन्‍ना 7:6

येशूये होखुरीककी डेया, “ङौ लागी ठीक समय अझै मार्‍हामने टर नाखुरीकुङ लागी च पट्‍ट न समय ठीक न ले।

युहन्‍ना 8:20

येशूये इसे कुराको परमेश्‍वरौ मन्‍दिराङ शिक्षा यान्‍हाङ भेटी काच बाकसौ छेवाङ डेच हो। टर सुयेर होसकोकी माघोवा, हीजैडेनाङ होसकुङ समय माटार्‍हामन्‍या।

१ पट्‍रुस 1:13

होटबाटै परमेश्‍वरौ काम जाट्‍कीयो लागी नाखुरीकुङ मीमन टयार खास्‍नी। होसीयार छान्‍नी र येशू ख्रीष्‍ट रान्‍हाङ नाखुरीकै डुप्‍च अनुग्रहाङ पुरा आशा डानी।

१ युहन्‍ना 4:19

काल्‍हाको परमेश्‍वरकी प्रेम जाट्‍ले, हीजैडेनाङ पहीला होसकै न कानकी प्रेम जाटा।