युहन्‍ना 12:49 - पुर्वीय मगर

⁴⁹ हीजैडेनाङ ङै ङाल्‍हौ बीचारै ङाक्‍च होइन, टर ङै ही डेकी पर्च हो र कुटजाट्‍न डेकी पर्च हो, होसे पट्‍ट न कुराको ङाकी बीर्‌न्‍हकाच बोये न ङाकी आज्ञा याछ हो।

युहन्‍ना 12:49 ပူးပေါင်းရင်းမြစ်များ

युहन्‍ना 14:10

ङा बोइखाटा ले, र बोइ ङाखाटा ले डेच कुरा ही नाको विश्‍वास माजाट्‍ले? ङै नाखुरीककी डेच बचन ङाल्‍है न ङाक्‍च होइन, टर ङाखाटा लेच बोये न लहो काम ङा लकीङ जाट्‍नन ले।

युहन्‍ना 14:24

टर ङाकी माया माजाट्‍चकै ङौ शिक्षाकी मामन्‍डीले। नाखुरीकै सेच इसे बचन ङा लकीङ राछ होइन, टर ङाकी बीर्‌न्‍हकाच बोइ लकीङ न राछ हो।

युहन्‍ना 14:31

टर संसारुङ पट्‍ट न भर्मीकै ङा बोइकी माया जाट्‍ले डेच कुरा वार्‌खी य्‍होक्‍ख्‍यौ डेयार ङा बोये याछ आज्ञाको मन्‍डीमन ले। सोनी, अब कान इटै नुइङ।”

युहन्‍ना 15:15

अब लकीङ ङा नाखुरीककी नोकर माडेले, हीजैडेनाङ नोकरकै मालीकै ही जाट्‍न न ले, होसे माव्‍हार्‌ले। ङै नाखुरीककी लाफा डेमने, हीजैडेनाङ ङौ बोइलकीङ सेच पट्‍ट न कुराको ङै नाखुरीककी डेम याम्‍हने।

युहन्‍ना 17:8

हीजैडेनाङ कुसे बचन नाकै ङाकी याहा, होसे ङै होखुरीककी याम्‍हने, र होखुरीकै होसे ग्रहण जाट्‍नने। ङा नाकोलकीङ राछ हो डेच कुरा होखुरीकै साँच्‍ची न बुझडीस्‍नने। अनी नाकै ङाकी बीर्‌न्‍हकाच हो डेयार होखुरीकै विश्‍वास जाट्‍नने।

युहन्‍ना 3:11

साँच्‍ची न ङा नाकोकी डेले, कानै ही वार्‌न्‍हने होसे डेले, अनी ही डाङ्‍ङ ने होसे न सेटाक्‍ले, टर नाखुरीक कानै याछ गबाही स्‍वीकार माजाट्‍ले।

युहन्‍ना 3:32

होसकै ही डाङ्‍ङने र सेमने, होच्‍यो न गबाही याल्‍हे, टर होसकुङ गबाही सुयेर विश्‍वास माजाट्‍ले।

युहन्‍ना 5:19

येशूये होखुरीककी डेया, “साँच्‍ची न ङा नाखुरीककी डेले, मीजा लहे न हीर जाट्‍की माय्‍होक्‍ले, टर परमेश्‍वर बोये ही जाट्‍च डाङ्‍ले, होचे होसे मट्‍टै जाट्‍ले। हीजैडेनाङ बोये ही जाट्‍ले, मीजै र होट न जाट्‍ले।

युहन्‍ना 5:30

“ङा ङाल्‍है न हीर जाट्‍की माय्‍होक्‍ले। परमेश्‍वरै ही डेले होसे अनुसार ङा न्‍याय जाट्‍ले, अनी ङै जाट्‍च न्‍याय ठीक छान्‍ले, हीजैडेनाङ ङा ङाल्‍हौ इच्‍छा मापाले, टर ङाकी बीर्‌न्‍हकाचौ इच्‍छा पाले।

युहन्‍ना 6:68

टब सीमोन पत्रुसै जबाफ याहा, “ए प्रभु, कान सु लेठाङ नुङ्‍की? सेन्‍र मासीच जीवनौ बचन च नाको खाटा न ले।

युहन्‍ना 7:16

येशूये होखुरीककी डेया, “ङै पाहाक्‍च शिक्षा ङौ होइन, टर ङाकी बीर्‌न्‍हकाच परमेश्‍वर लकीङ राछ हो।

युहन्‍ना 8:26

नाखुरीकुङ बारेयाङ ङै वास्‍टै कुराको डेकी ले र नाखुरीककी न्‍याय जाट्‍की ले। टर ङाकी बीर्‌न्‍हकाच सत्‍य ले, र होसको लकीङ ही सेया होसे कुरा मट्‍टै ङा संसारकी डेले।”

युहन्‍ना 8:28

होटबाटै येशूये डेया, “जब नाखुरीकै भर्मीयो मीजाकी ढेनाम क्रूसाङ टङ्‍गडीयार गाराङ्‌ले, टब ङा सु हो होसे न हो डेम नाखुरीकै थाहा डीन्‍ल्‍हे। ङा ङाल्‍हौ अधिकारै हीर काम माजाट्‍ले, टर बोये ङाकी पाहाक्‍च कुराको मट्‍टै जाट्‌ले डेच कुरा र नाखुरीकै वार्‌ल्‍हे।

युहन्‍ना 8:42

येशूये होखुरीककी डेया, “इडीक परमेश्‍वर नाखुरीकुङ बोइ हो डेनाङ च नाखुरीकै ङाकी माया जाट्‍च लेया, हीजैडेनाङ ङा परमेश्‍वर लकीङ राछ हो। ङाल्‍हौ इच्‍छाङ राछ होइन, होसकै न ङाकी बीर्‌न्‍हकाच हो।