युहन्‍ना 12:46 - पुर्वीय मगर

⁴⁶ ङा मीटाक विश्‍वास जाट्‍चको सुर छुम्‍ठाङ ङुकी मापर्‌ख्‍यौ डेयार ङा इसे संसाराङ ज्‍योति छानार राछ हो।

युहन्‍ना 12:46 ပူးပေါင်းရင်းမြစ်များ

मत्ती 4:16

छुम्‍ठाङ ङुच भर्मीकै काट बाड्‍को ज्‍योति डाङ्‍नने। मृत्‍युओ छाया म्‍होकी ङुचको मीटाक होसे बाड्‍को ज्‍योति चम्‍कडीस्‍नने।”

लुका 2:32

अन्‍यजाति भर्मीकोलाक प्रकाशौ लागी ज्‍योति र नाकुङ जाति इस्राएलीकोलाक महीमौ ज्‍योति।”

युहन्‍ना 1:9

पट्‍ट न भर्मीकोलाक ज्‍योति याछ होसे साँचो ज्‍योति संसाराङ राम्‍ह न लेया।

युहन्‍ना 3:19

होखुरीककी दोष लैडीच कारन चहीँ इसे हो: ज्‍योति संसाराङ राम्‍हने, टर भर्मीकै ट्‍याङ्‍छकी डेनाङ बरु छुम्‍छकी जाका, हीजैडेनाङ होखुरीकुङ कामको दुष्‍ट लेया।

युहन्‍ना 8:12

येशूये फेरी भर्मीकोलाक डेया, “संसारुङ ज्‍योति ङा न हो। ङाकी डुट्‍चये सेन्‍र छुम्‍ठाङ व्‍हाकी मापर्‌ले, टर होचे जीवन याछ ज्‍योति डुप्‍ले।”

युहन्‍ना 9:39

होटै येशूये डेया, “मीमीक माडाङ्‍च अन्‍धा भर्मीकै डाङ्‍की य्‍होक्‍ख्‍यौ र डाङ्‍की य्‍होक्‍ले डेचको अन्‍धा छान्‍ख्‍यौ डेम ङा इसे संसाराङ न्‍याय जाट्‍की राछ हो।”

युहन्‍ना 9:5

जब सम्‍म ङा संसाराङ छान्‍ले टब सम्‍म ङा संसारुङ ज्‍योति हो।”

प्रेरित 26:18

होखुरीकुङ मीमीक खोलीम याहार होखुरीककी छुम्‍छलकीङ ट्‌याङ्‌ठाङ र शैतानौ शक्‍तिलकीङ परमेश्‍वर पट्‍टी ल्‍हेसाक्‍की पर्‌ले। होखुरीकै ङा मीटाक विश्‍वास जाट्‍ले। होखुरीकुङ पाप मेटडीसार नुङ्‍ले र होखुरीकै परमेश्‍वरकी चीन्‍डीच भर्मीकुङ सङ्‍गटीयाङ ङुकी डुप्‍ले।’