युहन्‍ना 12:40 - पुर्वीय मगर

⁴⁰ “परमेश्‍वरै होखुरीकुङ मीमीक माडाङ्‍च खास्‍न याम्‍हने र होखुरीकुङ मीमन कठोर खास्‍न याम्‍हने। होटबाटै होखुरीकुङ मीमीकै माडाङ्‍ले, मीमनै माबुझडीस्‍ले र ङा लेठाङ ल्‍हेस्‍न मार्‍हाले। नभा च होखुरीक ङा लेठाङ ल्‍हेस्‍च लेया र ङै होखुरीककी गेपाक्‍की पर्च लेया।”

युहन्‍ना 12:40 ပူးပေါင်းရင်းမြစ်များ

मत्ती 15:14

होखुरीककी डास्‍न यान्‍ही, होखुरीक मीमीक माडाङ्‍च अगुवाको ल्‍याक्‍च न हो। मीमीक माडाङ्‍चै मीमीक माडाङ्‍चकी न डोरीया डेनाङ, होखुरीक नीस न खाल्‍टाङ पर्‌ले।”

मर्कूस 4:12

अनी होखुरीकै ङोस्‍की च ङोस्‍ले टर माडाङ्‍ले, सेकी च सेले टर माबुझडीस्‍ले। नभा च होखुरीकै लहो पाप पश्‍चात्ताप जाट्‍च लेया र होखुरीकुङ पाप क्षमा छान्‍च लेया।”

मर्कूस 6:52

येशूये बाङा हजार जनाकी रोटो र डीस्‍या कास्‍च डाङ्‍नाङ र होखुरीकै होच्‍यौ पुरा अर्थ वार्‌खी माय्‍होक्‍नन्‍या हीजैडेनाङ होखुरीकुङ मीमन सार्‍है कठोर लेया।

लुका 4:18

“परमप्रभुओ आत्‍मा ङा मीटाक ले। हीजैडेनाङ गरीबकोलाक सेछ समाचार सेटाक्‍की डेम होसकै ङाकी अभिषेक जाट्‍नने। बन्‍धनाङ लेच कोलाक फोसाक्‍की र मीमीक माडाङ्‌च कोलाक डाङ्‌च खास्‍की, ठीचोमीचोवाङ पर्च कोलाक स्‍वतन्‍त्र जाट्‍कीयो लागी,

लुका 8:10

होटै येशूये डेया, “नाखुरीककी च परमेश्‍वरौ राज्‍यौ भीत्री कुरा वार्‌छ ज्ञान याम्‍हने, टर अरुखाटा चहीँ ङा उखानाङ ङाक्‍ले, हीजैडेनाङ ‘होखुरीकै ङोस्‍नाङ र माडाङ्‍ख्‍यो र सेम र माबुझडीस्‍ख्‍यो’।

युहन्‍ना 12:39

होटबाटै होखुरीकै विश्‍वास जाट्‍की माय्‍होका, हीजैडेनाङ यशैया अगमवक्‍तै फेरी इट डेमने,

युहन्‍ना 9:39

होटै येशूये डेया, “मीमीक माडाङ्‍च अन्‍धा भर्मीकै डाङ्‍की य्‍होक्‍ख्‍यौ र डाङ्‍की य्‍होक्‍ले डेचको अन्‍धा छान्‍ख्‍यौ डेम ङा इसे संसाराङ न्‍याय जाट्‍की राछ हो।”

प्रेरित 15:3

अनी मण्‍डलीयुङ सदस्‍यकै होखुरीककी होटै बिदा याहा। होखुरीक फोनीके र सामरीया छान्‍चै नुङ्‍नाङ अन्‍यजातिकै प्रभुकी ग्रहण जाट्‍च पट्‍ट न कुरा होखुरीककी सेटाका। इसे खबर सेरखीङ होलुङ पट्‍ट विश्‍वासीको एकदम आनन्‍दित छाना।

प्रेरित 28:26

‘इसे भर्मीको लेठाङ नुङार डेउ, सेकी च नाखुरीक सेले टर सेन्‍र माबुझडीस्‍ले, ङोस्‍की च ङोस्‍ले टर सेन्‍र माडाङ्‍ले।

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।