युहन्‍ना 12:39 - पुर्वीय मगर

³⁹ होटबाटै होखुरीकै विश्‍वास जाट्‍की माय्‍होका, हीजैडेनाङ यशैया अगमवक्‍तै फेरी इट डेमने,

युहन्‍ना 12:39 ပူးပေါင်းရင်းမြစ်များ

युहन्‍ना 10:38

टर इडीक ङै जाट्‍च कामको ङौ बोयो हो डेनाङ, नाखुरीकै ङा मीटाक विश्‍वास माजाट्‍नाङ र ङै जाट्‍च कामको मीटाक चहीँ विश्‍वास जाट्‍नी, र बोइ ङा खाटा ले, अनी ङा बोइ खाटा ले डेयार नाखुरीकै बुझडीस्‍की य्‍होक्‍ले।”

युहन्‍ना 12:38

इटजाट्‍न यशैया अगमवक्‍तै डेच कुरा पुरा छान्‍न राहा, “ए प्रभु, कानै डेच कुरा सुये विश्‍वास जाटा? अनी प्रभुये जाट्‍च शक्‍तिशाली काम सुकी टान्‍हाका?”

युहन्‍ना 12:40

“परमेश्‍वरै होखुरीकुङ मीमीक माडाङ्‍च खास्‍न याम्‍हने र होखुरीकुङ मीमन कठोर खास्‍न याम्‍हने। होटबाटै होखुरीकुङ मीमीकै माडाङ्‍ले, मीमनै माबुझडीस्‍ले र ङा लेठाङ ल्‍हेस्‍न मार्‍हाले। नभा च होखुरीक ङा लेठाङ ल्‍हेस्‍च लेया र ङै होखुरीककी गेपाक्‍की पर्च लेया।”

युहन्‍ना 5:44

नाखुरीक लाहा-लहीङ प्रशंसा डुप्‍की मीमन जाट्‍ले, टर काट मट्‍टै परमेश्‍वर लकीङ डुप्‍च प्रशंसा चहीँ मापाले डेनाङ नाखुरीकै कुटजाट्‍न विश्‍वास जाट्‍की य्‍होक्‍ले र?

युहन्‍ना 6:44

ङाकी बीर्‌न्‍हकाच परमेश्‍वर बोये ङा लेठाङ राछ मीमन माय्‍हा डेनाङ सुर ङा लेठाङ राखी माय्‍होक्‍ले, ङा लेठाङ राछको जटीकी ङा अन्‍टीम डीनाङ सीच लकीङ जीवाटाक्‍ले।

२ पट्‍रुस 2:14

होखुरीकुङ मीमीक सधैँ व्‍यभिचारी मास्‍टोको मीटाक मट्‍टै पर्‌ले र कुडीक पाप जाट्‍नाङ र होखुरीकुङ इच्‍छा पुरा माछान्‍ले। होखुरीकै विश्‍वासाङ कमजोर भर्मीकोलाक फँसडीले। होखुरीकुङ मीमनै लोभ जाट्‍कीयाङ न बानी जाटाक्‍च छान्‍ले। होटबाटै परमेश्‍वरौ सराप होखुरीक मीटाक न पर्‌ले।