युहन्‍ना 12:31 - पुर्वीय मगर

³¹ अब इसे संसारकी न्‍याय जाट्‍च बेला छान्‍नने। अनी इसे संसारुङ सासक शैतानकी बाहीर लोल्‍हे।

युहन्‍ना 12:31 ပူးပေါင်းရင်းမြစ်များ

मत्ती 12:28

टर इडीक ङै परमेश्‍वरौ आत्‍मालकीङ भूतको छ्‍युक्‍ले डेनाङ, परमेश्‍वरौ राज्‍य नाखुरीक लेठाङ राम्‍ह भ्‍यामने।

युहन्‍ना 14:30

अब नाखुरीकखाटा ढेरै ङाक्‍च ङौ समय माले, हीजैडेनाङ इसे संसारौ शासक राम्‍हन ले। टर होच्‍यो ङामीटाक हीर शक्‍ति माले।

युहन्‍ना 3:19

होखुरीककी दोष लैडीच कारन चहीँ इसे हो: ज्‍योति संसाराङ राम्‍हने, टर भर्मीकै ट्‍याङ्‍छकी डेनाङ बरु छुम्‍छकी जाका, हीजैडेनाङ होखुरीकुङ कामको दुष्‍ट लेया।

युहन्‍ना 9:39

होटै येशूये डेया, “मीमीक माडाङ्‍च अन्‍धा भर्मीकै डाङ्‍की य्‍होक्‍ख्‍यौ र डाङ्‍की य्‍होक्‍ले डेचको अन्‍धा छान्‍ख्‍यौ डेम ङा इसे संसाराङ न्‍याय जाट्‍की राछ हो।”

प्रेरित 26:18

होखुरीकुङ मीमीक खोलीम याहार होखुरीककी छुम्‍छलकीङ ट्‌याङ्‌ठाङ र शैतानौ शक्‍तिलकीङ परमेश्‍वर पट्‍टी ल्‍हेसाक्‍की पर्‌ले। होखुरीकै ङा मीटाक विश्‍वास जाट्‍ले। होखुरीकुङ पाप मेटडीसार नुङ्‍ले र होखुरीकै परमेश्‍वरकी चीन्‍डीच भर्मीकुङ सङ्‍गटीयाङ ङुकी डुप्‍ले।’

१ युहन्‍ना 3:8

पाप जाट्‍न ङुच चहीँ शैतानौ भर्मी हो। शैतानै सुरुलकीङ न पाप जाट्‍न राम्‍हने। होटबाटै शैतानौ कामकी नास जाट्‍की डेम परमेश्‍वरौ मीजा संसाराङ राछ हो।

१ युहन्‍ना 4:4

ए ङौ मार्‌जा बालखको, नाखुरीक च परमेश्‍वरौ सन्‍टानको हो र नाखुरीकै झुटो अगमवक्‍ताकोलाक जुमने हीजैडेनाङ नाखुरीकखाटा लेच पवित्र आत्‍मा चहीँ संसारुङ भर्मीकोखाटा लेच आत्‍मा डेनाङ शक्‍तिसाली ले।

१ युहन्‍ना 5:19

संसार न शैतानौ अधिनाङ लेनाङ र कान चहीँ परमेश्‍वरौ सन्‍टान हो डेच कुरा कानकी थाहा ले।