युहन्‍ना 12:27 - पुर्वीय मगर

²⁷ “इडीक बेला ङौ प्राण ब्याकुल छान्‍नने, ङाकी ही डेइङ, ही डेइङ लेखा छान्‍नने! ‘ए बोइ, ङाकी इसे राम्‍हन लेच कष्‍टलकीङ जीवाक्‍नी’ डेकी? होइन, इसे डुख भोग्‍डीकी न ङा इसे संसाराङ राछ हो।

युहन्‍ना 12:27 ပူးပေါင်းရင်းမြစ်များ

मत्ती 11:25

होडीक बेला येशूये डेया, “ए बोइ, स्‍वर्ग र पृथ्‍वीयुङ प्रभु, ङा नाकोकी धन्‍यवाद डेले, हीजैडेनाङ नाकै इसे कुराको बुद्धिमान र समझदारी लकीङ आर्‌च्‍युकार डा, टर मार्‌जा बालखको ल्‍याक्‍चकोलाक होसे टान्‍हाका।

मत्ती 11:26

हो बोइ, नाकै इसे जाटा हीजैडेनाङ नाकोकी इसे न असल सेया।

मत्ती 26:42

फेरी नुङार येशूये प्रार्थना जाटा, “ए ङौ बोइ, इडीक ङै मागाम इसे डुखौ कचौरा हटडीकी सम्‍भव माले डेनाङ, नाकुङ न इच्‍छा पुरा छान्‍ख्‍यो।”

मत्ती 26:45

होटै होसको चेलाकोलेठाङ ल्‍हेस्‍न राहार होखुरीककी डेया, “नाखुरीक चाँहासम्‍म र मीस्‍न न ले? ङोस्‍नी, समय खेरेप राम्‍हभ्‍यामने। भर्मीयो मीजाकी पापी भर्मीकुङ मीहुटाङ जीम्‍मा याछ बेला छान्‍न भ्‍यामने।

लुका 22:44

होसकुङ मीमन सार्‍है कष्‍टआङ पर्‌नन्‍या। होसकै जोड खाटा बिन्‍ती जाट्‍चै प्रार्थना जाटा। होसकुङ नाम्‍चास हीओ ठोपा ल्‍याक्‍च न छानार झाङ जुर्‌न्ह न लेया।

लुका 22:53

ङा परमेश्‍वरौ मन्‍दिराङ डीनहुँ नाखुरीक खाटा लेया। होडीक बेला च नाखुरीकै ङाकी माघोवा। टर अब छुम्‍छौ शक्‍तिये शासन जाट्‍नाङ नाखुरीकुङ काम जाट्‍च समय हो।”

युहन्‍ना 11:41

होटै न्‍हुइङ होखुरीकै चीहानौ मेङेरुङ ल्‍हुङ हटडीम याहा, अनी येशूये ढेम्‍लाक ङोसार डेया, “ए परमेश्‍वर बोइ, ङा नाकोकी धन्‍यवाद याल्‍हे, हीजैडेनाङ नाकै ङौ बिन्‍ती सेम याहा।

युहन्‍ना 12:23

येशूये होखुरीककी डेया, “अब भर्मीयो मीजौ महीमा छान्‍च बेला राम्‍हन ले।

युहन्‍ना 13:21

इडीक कुरा डेम भ्‍याच न्‍हुइङ येशू मीमनाङ सार्‍है न ब्‍याकुल छाना, र चेलाकोलाक डेया, “साँच्‍ची न ङा नाखुरीककी डेले, नाखुरीकुङ मीघीङ न काट जनै ङाकी घोवाक्‍ङ याल्‍हे।”

युहन्‍ना 18:37

पिलातसै येशूकी डेया, “होट हो डेनाङ नाको राजा न हो ट?” येशूये डेया, “ङा राजा हो डेयार नाको लाहा न डेम न ले। ङा सत्‍यौ गबाही याखी जन्‍मडीस्‍च हो, र इच्यो लागी न संसाराङ राछ हो। सुये सत्‍य जाक्‍ले होखुरीकै ङौ कुरा सेले।”

१ टीमोठी 1:15

ख्रीष्‍ट येशू पापीकोलाक जीवाक्‍की संसाराङ राछ हो, इसे कुरा पट्‍टये मन्‍डीकी पर्च सत्‍य कुरा हो। अनी पापीको मढ्‍याङ ङा चहीँ पट्‍ट डेनाङ पापी हो।