युहन्‍ना 12:23 - पुर्वीय मगर

²³ येशूये होखुरीककी डेया, “अब भर्मीयो मीजौ महीमा छान्‍च बेला राम्‍हन ले।

युहन्‍ना 12:23 ပူးပေါင်းရင်းမြစ်များ

मत्ती 25:31

“जब भर्मीयो मीजा होसकुङ पट्‍ट न स्‍वर्गदूतखाटा लहो महीमाङ राल्‍हे, टब होसको लहो महीमामय सिंहासनाङ ङुले।

मत्ती 26:45

होटै होसको चेलाकोलेठाङ ल्‍हेस्‍न राहार होखुरीककी डेया, “नाखुरीक चाँहासम्‍म र मीस्‍न न ले? ङोस्‍नी, समय खेरेप राम्‍हभ्‍यामने। भर्मीयो मीजाकी पापी भर्मीकुङ मीहुटाङ जीम्‍मा याछ बेला छान्‍न भ्‍यामने।

मर्कूस 14:35

चेक पारी नुङार होसको झाङ घोप्‍टो छानार छान्‍की य्‍होक्‍ले डेनाङ होसे कष्‍टओ घडी ङा लकीङ हटडीस्‍ख्‍यौ डेयार प्रार्थना जाटा।

मर्कूस 14:41

येशू फेरी सोम खेपाङ रान्‍हाङ होखुरीककी डेया, “ही नाखुरीक अझै र मीमीक झ्‍युक्‍ङन ले? अब सोनी बेला राहा। ङोस्‍नी, भर्मीयो मीजाकी पापीकुङ मीहुटाङ घोवाक्‍ङ याछ बेला छान्‍न ने।

युहन्‍ना 12:16

होडीक बेला चहीँ येशूओ चेलाकै इसे घटनौ बारेयाङ माबुझडीसा। टर येशू सीचलकीङ जीवाम सोवार स्‍वर्गौ महीमाङ ल्‍हेस्‍न भ्‍यारखीङ मट्‍टै होखुरीकै इसे पट्‍ट न कुराको होसकुङ बारेयाङ रीक्‍ङन्‍या, र होसे भर्मीकै होसकुङ लागी इसे पट्‍ट न काम जाट्‍च लेसा डेयार बुझडीसा।

युहन्‍ना 12:27

“इडीक बेला ङौ प्राण ब्याकुल छान्‍नने, ङाकी ही डेइङ, ही डेइङ लेखा छान्‍नने! ‘ए बोइ, ङाकी इसे राम्‍हन लेच कष्‍टलकीङ जीवाक्‍नी’ डेकी? होइन, इसे डुख भोग्‍डीकी न ङा इसे संसाराङ राछ हो।

युहन्‍ना 13:1

अब यहूदीकुङ इसे छुटकारौ चाड अघी संसारलकीङ बिदा छानार बोइ लेठाङ नुङ्‍च बेला छान्‍नने डेच कुरा येशूकी थाहा लेया। होसकै संसाराङ लेच लहो चेलाकोलाक सढैँ माया जाट्‍नन्‍या, अनी होखुरीककी अन्‍टीम समय सम्‍म न माया जाटा।

युहन्‍ना 7:39

इसे कुरा चहीँ येशूये पवित्र आट्‍मौ बारेयाङ डेमन्‍या, होसको मीटाक विश्‍वास जाट्‍चकै जटी होसे पवित्र आत्‍मा डुप्‍की पामन्‍या। पवित्र आत्‍मा चाँहा सम्‍म माय्‍हामन्‍या, हीजैडेनाङ चाँहा सम्‍म येशू लहो महीमाङ स्‍वर्गाङ माल्‍हेस्‍नन्‍या।