युहन्‍ना 12:16 - पुर्वीय मगर

¹⁶ होडीक बेला चहीँ येशूओ चेलाकै इसे घटनौ बारेयाङ माबुझडीसा। टर येशू सीचलकीङ जीवाम सोवार स्‍वर्गौ महीमाङ ल्‍हेस्‍न भ्‍यारखीङ मट्‍टै होखुरीकै इसे पट्‍ट न कुराको होसकुङ बारेयाङ रीक्‍ङन्‍या, र होसे भर्मीकै होसकुङ लागी इसे पट्‍ट न काम जाट्‍च लेसा डेयार बुझडीसा।

युहन्‍ना 12:16 ပူးပေါင်းရင်းမြစ်များ

मर्कूस 16:19

टब प्रभु येशू चेलाकोखाटा ङाक्‍ङ भ्‍यारखीङ होसको स्‍वर्गाङ गाराङ्‍ङ आल्‍हा, अनी परमेश्‍वरौ डोर मीहुट पट्‍टी ङुवा।

मर्कूस 9:32

टर होसकै डेच इसे कुरा होखुरीकै माबुझडीसा र होसको खाटा गीन्‍की बीर्‍हीया।

लुका 18:34

टर चेलाकै इसे कुराको हीर माबुझडीसा। होखुरीकुङ लागी इसे कुरौ अर्थ आर्‌च्‍युक्‍न्‍या। होटबाटै इसे कुरा होखुरीकुङ मीमनै आर्‌मीट्‍की र माय्‍होका।

लुका 24:25

होटै येशूये होखुरीककी डेया, “ए मुर्‌ख भर्मीको, नाखुरीकुङ मीमन बोढो छान्‍नने। अगमवक्‍ताकै डेच कुराको र विश्‍वास माजाट्‍ले!

लुका 24:45

होटै होसकै होखुरीककी धर्मशास्‍त्राङ रीक्‍च कुराको वार्‌खी य्‍होक्‍च शक्‍ति याहा।

लुका 9:45

टर होखुरीकै इसे कुरा ही डेकी पाच डेयार माबुझडीसा। हीजैडेनाङ इसे कुरा माबुझडीस्‍ख्‍यौ डेम होखुरीक लकीङ आर्‌च्युक्‍नन्‍या। होटबाटै चेलाकै इसे कुरा होसको खाटा गीन्‍की बीर्‍हीम्‍या।

युहन्‍ना 12:23

येशूये होखुरीककी डेया, “अब भर्मीयो मीजौ महीमा छान्‍च बेला राम्‍हन ले।

युहन्‍ना 14:26

टर बोये ङौ म्‍यार्‌मीनाङ बीर्‌न्‍हकाच सल्‍हाकार पवित्र आत्‍मै नाखुरीककी पट्‍ट न कुरा पाहाक्‍ले र ङै नाखुरीककी डेच पट्‍ट न कुराको आर्‌मीटाक्‍ङ याल्‍हे।

युहन्‍ना 16:4

टर इसे कुराको ङै नाखुरीककी डेमने, जब होसे समय राल्‍हे, टब नाखुरीककी ङै ही डेमन्‍या होसे नाखुरीकै आर्‌मीट्‍ले। पहीला ङै नाखुरीककी इसे कुराको माडेया, हीजैडेनाङ ङा नाखुरीक खाटा न लेया।

युहन्‍ना 17:5

ए बोइ, संसार सृष्‍टि छान्‍की डेनाङ अघी नाकोखाटा लेनाङ ङौ कुसे महीमा लेया, अब होसे न महीमा नाकुङ म्‍याहासाङ डार ङाकी यान्‍ही।

युहन्‍ना 2:22

जब येशू सीच लकीङ जीवाम सोवा, टब होसकै डेच इसे कुरा चेलाकै आर्‌मीटा, र होखुरीकै धर्मशास्‍त्र मीटाक र येशूये ङाक्‍च बचन मीटाक विश्‍वास जाटा।

युहन्‍ना 7:39

इसे कुरा चहीँ येशूये पवित्र आट्‍मौ बारेयाङ डेमन्‍या, होसको मीटाक विश्‍वास जाट्‍चकै जटी होसे पवित्र आत्‍मा डुप्‍की पामन्‍या। पवित्र आत्‍मा चाँहा सम्‍म माय्‍हामन्‍या, हीजैडेनाङ चाँहा सम्‍म येशू लहो महीमाङ स्‍वर्गाङ माल्‍हेस्‍नन्‍या।

प्रेरित 2:33

परमेश्‍वर बोये येशूकी मान जाटार लहो डोर मीहुट पट्‍टी डा र लहे प्रतिज्ञा जाट्‍च अनुसार होसकोकी पवित्र आत्‍मा याहा। अनी होसे पवित्र आत्‍मा येशूये काल्‍हा मीटाक व्‍हाक्‍ङ याछ हो, होसे न कुराको नाखुरीकै चाहाँ डाङ्‍ङने र सेमने।

प्रेरित 2:36

“होटबाटै इस्राएलुङ पट्‍ट न भर्मीकै इसे कुरा पक्‍का जाट्‍न वार्‌खी पर्‌ले। नाखुरीकै क्रूसाङ टङ्‍गडीच येशूकी न परमेश्‍वरै प्रभु र मुक्‍ति याछ ख्रीष्‍ट खासा।”

प्रेरित 3:13

अब्राहाम, इसहाक र याकुबौ परमेश्‍वर, कानुङ पुर्खाकुङ परमेश्‍वरै लहो सेवक येशूकी महीमीत पार्‍या। नाखुरीकै चहीँ होसे न येशूकी घोवाका र पिलातसै होसकोकी डास्‍न याछ बीचार जाट्‍नाङ र नाखुरीक होसकुङ न म्‍याहासाङ मामन्‍डीया।