युहन्‍ना 12:1 - पुर्वीय मगर

¹ छुटकारौ चाड राखी डेनाङ छ याक अघी येशू फेरी बेथानिया लाङ्‍घाङ राहा। होला लाजरस ङुमन्‍या। होसकी येशूये सीच लकीङ जीवाटाक्‍ङन्‍या।

युहन्‍ना 12:1 ပူးပေါင်းရင်းမြစ်များ

मत्ती 21:17

अनी होखुरीककी डासार होसको सहरीङ बाहीर ख्‍योहार बेथानियाङ नुङार होला बास ङुवा।

मर्कूस 11:11

येशू यरूशलेमाङ राहा र परमेश्‍वरौ मन्‍दिर भीत्री पर्‌या। अनी होसकै वार्‌लाक पार्‌लाकुङ पट्‍ट ठोककी ङोसा। टर अबेला छान्‍च बाटै लहो बार्‍ह जना चेलाकोलाक लार बेथानिया लाङ्‍घाङ नुङा।

लुका 24:50

होटै येशूये चेलाकोलाक बेथानिया सम्‍म आल्‍हार लहो मीहुट सोटार होखुरीककी आसीस याहा।

लुका 7:37

होसे सहराङ काट पापीनी मास्‍टो लेया। येशू फरीसी भर्मीयो इमाङ ज्‍यामा गामा जाट्‍की राम्‍हे टा डेम सेयार होचे सीङ्‍गमरमरौ सीसीयाङ अट्‌टर लार होसे इमाङ राहा।

युहन्‍ना 11:1

काट जना लाजरस म्‍यार्‌मीनौ भर्मी छामन्‍या। होसे मेन डैको मरीयम र मार्‌ठा खाटा ङुमन्‍या। होखुरीक बेथानिया लाङ्‍घुङ लेया।

युहन्‍ना 11:43

इसे कुरा डेमभ्‍याच पछी येशू बाड्‍को सोरै च्‍याकार डेया, “ए लाजरस, बाहीर रान्‍हा!”

युहन्‍ना 11:44

अनी होसे सीच लाजरस मीहुट र मीखुट्‍यासम्‍म काट्‍रोये बेर्‍हडीस्‍च र मीटाहा बढीनै हुप्‍च अवस्‍ठाङ न सोवार बाहीर ख्‍योम्‍ह राहा। येशूये होसे भर्मीकोलाक डेया, “होच्‍यो बन्‍धन पीसाक्‍ङ यान्‍ही, र होसकी नुङ्‍की यान्‍ही।”

युहन्‍ना 11:55

होडीक बेला यहूदीकुङ छुटकारौ चाड खेरेप राम्‍हन्‍या। होटबाटै लाङ्‍घा-लाङ्‍घा लकीङ वास्‍टै जना भर्मीको चाड राखी डेनाङ अगाडी न लाहा-लाहाकी शुद्ध पार्‌कीयो लागी यरूशलेमाङ राहा।

युहन्‍ना 12:12

पीउर्‍हाक लेखो छुटकारौ चाडाङ राछ वास्‍टै भर्मीकै येशू यरूशलेमाङ राम्‍हन ले डेच कुरा सेया।

युहन्‍ना 12:20

होडीक बेला ग्रीकको र कुडीक जना छुटकारौ चाडाङ आराधना जाट्‍की डेम यरूशलेमाङ राम्‍हन्‍या।

युहन्‍ना 12:9

येशू बेथानियाङ ले डेच कुरा सेयार वास्‍टै यहूदीको होला होसको लेठाङ राहा। होखुरीक येशूकी ङोस्‍की मट्‍टै होइन, टर होसकै सीच लकीङ जीवाटाक्‍च लाजरसकी र ङोस्‍की डेम राम्‍हन्‍या।