युहन्‍ना 11:48 - पुर्वीय मगर

⁴⁸ इडीक कानै इसकी याङ्‍च कामको जाट्‍की डास्‍न याहा डेनाङ पट्‍टकै इसे मीटाक विश्‍वास जाट्‍ले अनी रोमीकै राहार कानुङ मन्‍दिर र भट्‍कडीम याल्‍हे र काल्‍हा यहूदी जाटीकी र नास जाट्‍ले।”

युहन्‍ना 11:48 ပူးပေါင်းရင်းမြစ်များ

मत्ती 22:7

टब होसे राजा साप्फी मीरीस ख्‍योहा। अनी लहो सेनाकोलाक बीर्‌न्‍हकार होसे ज्‍यानमाराकोलाक साटा र होखुरीकुङ सहराङ म्‍हे लैडीम याहा।

मत्ती 22:9

होटबाटै नाखुरीक वास्‍टै भर्मीको लेच चोकाङ नुङार नाखुरीकै सु-सुकी डुप्‍ले, होखुरीककी ब्‍याहौ भोज ज्‍याकी आर्‌घार राक्‍नी।’

मत्ती 24:15

“नाखुरीकै दानिएल अगमवक्‍तै डेच ‘बीनास जाट्‍च झीर्‌न सेच ठोक’ पवित्र ठावाङ टोङ्‍छ डाङ्‍ले (इच्यो अर्थ परेस्‍चकै वार्‌ख्‍यो)।

मत्ती 27:25

अनी पट्‍टन भर्मीकै च्‍याक्‍चै डेया, “छान्‍ने-छान्‍ने, होच्‍यौ य्‍हुओ दोष कान र कानुङ मीजाको मीटाक न पर्‌ख्‍यो।”

लुका 11:52

“नाखुरीक व्‍यवस्‍थौ धर्मगुरु कोलाक ढीक्‍कार! हीजैडेनाङ नाखुरीकै ज्ञानौ साँचा च ला। टर नाखुरीक लाहा र भीत्री मापर्‌या र अरु पर्‌की पाच कोलाक र पर्‌की माय्‍हा।”

लुका 8:12

लामाङ पर्च छोयो चहीँ होखुरीक हो, परमेश्‍वरौ बचन सेकी च सेले, टर मीमनाङ डाकी माय्‍होक्‍ले, हीजैडेनाङ बचन सेयार विश्‍वास माजाट्‍ख्‍यो र माजीवाख्‍यो डेम शैतानै होखुरकुङ मीमन लकीङ बचन ढुमार आल्‍खी क्‍योट्‍ले।

युहन्‍ना 1:7

अनी आसको साक्षी छानार राहा। पट्‍ट न भर्मीकै ज्‍योतिकी चीन्‍डीयार विश्‍वास जाट्‍की य्‍होक्‍ख्‍यौ डेयार परमेश्‍वरै आसकोकी बीर्‌न्‍हकाच हो।

प्रेरित 5:28

“कानै नाखुरीककी इसे म्‍यार्‌मीनाङ हीर शिक्षा माय्‍हाखी डेम कडा आज्ञा याम्‍हन्‍या टर नाखुरीकै च लहो शिक्षाये पट्‍ट यरूशलेम न्‍हेपाक्‍ङ भ्‍या। अझै होसे येशूकी साट्‍च दोष कान मीटाक लैडीकी पाले।”