युहन्‍ना 11:47 - पुर्वीय मगर

⁴⁷ टब मुख्‍य पुजाहारीको र अरु फरीसीकै महासभौ सदस्‍यकोलाक आर्‌घार सल्‍लाह जाटा, “अब कानै ही जाटीङ? हीजैडेनाङ इसे भर्मीये च वास्‍टै अचम्‍मौ कामको जाट्‍ननले।

युहन्‍ना 11:47 ပူးပေါင်းရင်းမြစ်များ

मत्ती 26:3

होडीक न बेला कैयाफा डेच परढान पुजाहारीयो डरबाराङ मुख्‍य पुजाहारीको र अगुवाको भेला छाना।

मत्ती 5:22

टर ङा नाखुरीककी डेले, सुर भर्मी अरुखाटा होटन मीरीस ख्‍योल्‍हे डेनाङ होचे दन्‍ड डुप्‍ले। सुये अरु भर्मीयो अपमान जाट्‍ले, होचे महासभाङ जवाफ याखी पर्‌ले। सुये अरु भर्मीकी ‘नाङ मुर्‌ख’ डेले, होसे नरकौ म्‍हेयाङ पर्‌ले।

मर्कूस 14:1

अब नीसयाक न्‍हुइङ छुट्कारौ चाड र अखमीरी रोटोओ चाड लेया। मुख्‍य पुजाहारीको र धर्मगुरुकै कुट जाट्‍न येशूकी सुटुक्‍कै घोवार साटीङ डेम डाउ ङोस्‍न न लेया।

लुका 22:2

येशूकी कुटजाट्‍न साटीङ डेम मुख्‍य पुजाहारीको र धर्मगुरुकै डाउ पामन लेया। टर भर्मीको खाटा होखुरीक बीर्‍हीम्‍या।

युहन्‍ना 11:57

मुख्‍य पुजाहारी र फरीसीकै येशूकी घोकी मीमन जाट्‍नन्‍या। होटबाटै होखुरीकै येशू कुला ले डेम सुयेर थाहा डीन्‍हा डेनाङ होखुरीककी खबर याखी डेच आज्ञा याम्‍हन्‍या।

युहन्‍ना 12:19

टब फरीसीकै मेखुरीक-मेखुरीक डेकी ठाला, “कानै हीर जाट्‍की माय्‍होका। ङोस्‍नी ट, संसारुङ पट्‍ट न भर्मीको होच्‍यो न्‍हुङ-न्‍हुङ व्‍हामभ्‍यामने!”

युहन्‍ना 2:11

येशूये जाट्‍च अचम्‍मौ चीन्‍हको मढ्‍याङ इसे पहीलो चीन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महीमा टान्‍हाका, र होसकुङ चेलाकै होसको मीटाक विश्‍वास जाटा।

युहन्‍ना 6:2

भर्मीकुङ काट बाड्‍को भीडै होसकोकी डुटा, हीजैडेनाङ होसकै छाचको अचम्‍म खाटा गेपाक्‍च होखुरीकै डाङ्‍ङन्‍या।

युहन्‍ना 7:32

येशूओ बारेयाङ भीडाङ लेच भर्मीकै खास्‍याक खुसुक ङाक्‍चै जाट्‍च फरीसीकै सेया। टब मुख्‍य पुजाहारीको र फरीसीको खाटार होसकोकी घोकी परमेश्‍वरौ मन्‍दिर रुङ्‍च सीपाहीकोलाक बीर्‌न्‍हका।

युहन्‍ना 7:45

येशूकी घोकी नुङ्‍च मन्‍दिरुङ सीपाहीको होट न ल्‍हेसार राहा। अनी फरीसी र मुख्‍य पुजाहारीकै होखुरीककी गीना, “खै, नाखुरीकै येशूकी हीजै माराक्‍च?”

प्रेरित 5:21

इसे कुरा सेरखीङ होखुरीक कागोराक न परमेश्‍वरौ मन्‍दिराङ नुङार भर्मीकोलाक शिक्षा याखी ठाला। प्रधान पुजाहारी र होसे खाटा लेचको राहा र इस्राएलीकुङ पट्‍ट न अगुवाकोलाक महासभाङ आर्‌घा होटै प्रेरितकोलाक झ्‍यालखानीङ राक्‍की डेयार भर्मीकोलाक बीर्‌न्‍हका।

प्रेरित 5:24

होटै परमेश्‍वरौ मन्‍दिरुङ सीपाहीकुङ कप्‍तान र मुख्‍य पुजाहारीकै इसे खबर सेया अनी इसे पट्‍ट अब ही छान्‍ले औँला डेम होखुरीक प्रेरितकुङ बारेयाङ अलमलाङ पर्‌या।