युहन्‍ना 11:41 - पुर्वीय मगर

⁴¹ होटै न्‍हुइङ होखुरीकै चीहानौ मेङेरुङ ल्‍हुङ हटडीम याहा, अनी येशूये ढेम्‍लाक ङोसार डेया, “ए परमेश्‍वर बोइ, ङा नाकोकी धन्‍यवाद याल्‍हे, हीजैडेनाङ नाकै ङौ बिन्‍ती सेम याहा।

युहन्‍ना 11:41 ပူးပေါင်းရင်းမြစ်များ

मत्ती 11:25

होडीक बेला येशूये डेया, “ए बोइ, स्‍वर्ग र पृथ्‍वीयुङ प्रभु, ङा नाकोकी धन्‍यवाद डेले, हीजैडेनाङ नाकै इसे कुराको बुद्धिमान र समझदारी लकीङ आर्‌च्‍युकार डा, टर मार्‌जा बालखको ल्‍याक्‍चकोलाक होसे टान्‍हाका।

मत्ती 11:26

हो बोइ, नाकै इसे जाटा हीजैडेनाङ नाकोकी इसे न असल सेया।

मत्ती 27:60

अनी होचे चट्‍टान खोप्‍डीयार लहो लागी खास्‍न डाच नयाँ चीहानाङ होसे लास डा, र चीहानौ मेङेराङ काट बाड्‍को ल्‍हुङ गुड्‍कडीम आल्‍हार ठुनार होटै होसे व्‍हा।

मर्कूस 15:46

योसेफै मजुङ सुटी बढीन लोम राका र येशूओ लासकी क्रूसीङ झालाका होटै होसे न बढीनै आर्‌फोका र ल्‍हुङ खोप्‍डीयार खास्‍न डाच चीहानाङ डा। होटै बाड्‍को ल्‍हुङ गुड्‍कडीयार चीहानौ मेङेर ठुन्‍न याहा।

लुका 10:21

होटै होडीक न बेला येशू पवित्र आत्‍मा लकीङ न्‍हेपार मार्‍हाङ्‍चै डेया, “हे बोइ, स्‍वर्ग र पृथ्‍वीयो परमप्रभु, ङा नाकोकी धन्‍यवाद याल्‍हे, हीजैडेनाङ बुद्धि लेचको र वार्‌छको लकीङ आर्‌च्‍युकार डाच कुरा नाकै हीर माव्‍हार्‌च कोलाक बुझडीम याहा! हे बोइ, नाकोकी इट जाट्‍की न सेम्‍ह सेया।”

लुका 18:13

टर कर सोट्‍च भर्मी चहीँ लोस न टोङ्‌हार स्‍वर्गलाक ङोस्‍की आट माजाट्‍न लहो छाटीयाङ हीड्‍कडीचै डेया, ‘हे परमेश्‍वर, ङा ल्याक्च पापी मीटाक दया जाट्‍न यान्‍ही!’”

लुका 24:2

होखुरीकै चीहानौ मेङेर हुप्‍च ल्‍हुङ्‍की सारीम डाच डुपा।

युहन्‍ना 11:22

टर ङा वार्‌ल्‍हे चाहाँ र नाकै परमेश्‍वर खाटा ही ङेल्‍हे, होसे परमेश्‍वरै नाकोकी याल्‍हे।”

युहन्‍ना 17:1

इसे कुरा डेम भ्‍याच पछी येशूये स्‍वर्गपट्‍टी ङोसार डेया, “ए बोइ, अब समय राम्‍ह भ्‍यामने। नाकुङ मीजै नाकुङ महीमा टान्‍हाक्‍की य्‍होक्‍ख्‍यौ डेयार होसकी महीमा यान्‍ही।

युहन्‍ना 20:1

हप्‍टौ पहीलो डीन आइतबार गोराक न झीसमीसाङ मरीयम मग्‍डलीनी येशूओ लास डाच चीहानाङ नुङा। होला टान्‍हाङ चीहानौ मेङेर हुप्‍च ल्‍हुङ चीहानीङ सारीम डाच डाङा।

प्रेरित 7:55

टर होसे चहीँ पवित्र आत्‍मै न्‍हेपार स्‍वर्ग पट्‍टी एकोहोरो छानार ङोसा। अनी होचे परमेश्‍वरौ महीमा र येशूकी परमेश्‍वरौ डोर पट्‍टी टोङ्‍ह ङुच डाङा।