युहन्‍ना 11:4 - पुर्वीय मगर

⁴ येशूये इसे खबर सेयार डेया, “लाजरस छाकी च छामने, टर होसे मासीले। इसे परमेश्‍वरौ महीमौ लागी छान्‍च हो, र इसे लकीङ भर्मीकै परमेश्‍वरौ मीजौ महीमा जाट्‍ले।”

युहन्‍ना 11:4 ပူးပေါင်းရင်းမြစ်များ

युहन्‍ना 10:38

टर इडीक ङै जाट्‍च कामको ङौ बोयो हो डेनाङ, नाखुरीकै ङा मीटाक विश्‍वास माजाट्‍नाङ र ङै जाट्‍च कामको मीटाक चहीँ विश्‍वास जाट्‍नी, र बोइ ङा खाटा ले, अनी ङा बोइ खाटा ले डेयार नाखुरीकै बुझडीस्‍की य्‍होक्‍ले।”

युहन्‍ना 11:40

येशूये डेया, “ही ङै नाङ्‍की डेच होइन, इडीक नीये विश्‍वास जाटा डेनाङ परमेश्‍वरौ महीमा डाङ्‍ले?”

युहन्‍ना 12:28

ए बोइ, नाकुङ म्‍यार्‌मीनौ महीमा जाट्‍नी।” टब स्‍वर्ग लकीङ याङ्‍च सोर राहा, “ङै ङौ म्‍यार्‌मीनौ महीमा जाट्‍नने र फेरी र महीमा जाट्‍ले।”

युहन्‍ना 17:1

इसे कुरा डेम भ्‍याच पछी येशूये स्‍वर्गपट्‍टी ङोसार डेया, “ए बोइ, अब समय राम्‍ह भ्‍यामने। नाकुङ मीजै नाकुङ महीमा टान्‍हाक्‍की य्‍होक्‍ख्‍यौ डेयार होसकी महीमा यान्‍ही।

युहन्‍ना 17:10

ङाखाटा लेच पट्‍ट न भर्मीको नाकुङ हो, र नाकोखाटा लेच पट्‍ट न भर्मीको ङौ हो। अनी होखुरीकलकीङ ङौ महीमा डाङ्‍ङने।

युहन्‍ना 17:5

ए बोइ, संसार सृष्‍टि छान्‍की डेनाङ अघी नाकोखाटा लेनाङ ङौ कुसे महीमा लेया, अब होसे न महीमा नाकुङ म्‍याहासाङ डार ङाकी यान्‍ही।

युहन्‍ना 2:11

येशूये जाट्‍च अचम्‍मौ चीन्‍हको मढ्‍याङ इसे पहीलो चीन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महीमा टान्‍हाका, र होसकुङ चेलाकै होसको मीटाक विश्‍वास जाटा।

युहन्‍ना 5:23

होटबाटै पट्‍टये मीजौ आदर जाट्‍ख्‍यो, कुटजाट्‍न होखुरीकै परमेश्‍वर बोयो आदर जाट्‍ले। मीजाकी आदर माजाट्‍चये मीजाकी बीर्‌न्‍हकाच बोइकी र आदर माजाट्‍ले।

युहन्‍ना 8:54

येशूये डेया, “इडीक ङै ङाल्‍हौ न आदर जाटा डेनाङ ङौ आदर ब्‍यार्‌ठ छान्‍ने। ङाकी आदर जाट्‍की पाच ङौ बोइ ले, होसकोकी नाखुरीकै ‘होसको कानुङ परमेश्‍वर हो’ डेले।

युहन्‍ना 9:24

यहूदी अगुवाकै होसकी फेरी अर्‌को खेप र आर्‌घार डेया, “परमेश्‍वरौ अगाडी सत्‍य कुरा ङाक्‍ले डेयार प्रतिज्ञा जाटो। कानकी थाहा ले, होसे भर्मी चहीँ पक्‍कै पापी हो।”

युहन्‍ना 9:3

येशूये जवाफ याहा, “इच्‍यो लहो पापै र होइन, मेन मोइ-बोयो पापै र होइन, टर परमेश्‍वरौ शक्‍तियो काम इसे भर्मीयो जीवनाङ डाङ्‍ख्‍यो डेयार न इसे अन्‍धा छान्‍च हो।

१ पट्‍रुस 1:21

होसको लकीङ न नाखुरीकै परमेश्‍वर मीटाक विश्‍वास जाटा, सुये ख्रीष्‍टकी सीच लकीङ जीवाटाकार होसकोकी महीमीत पार्‌या। होटबाटै नाखुरीकुङ आशा र भरोसा परमेश्‍वर मीटाक ले।

१ पट्‍रुस 4:11

ङाक्‍च वरदान डुप्‍चये परमेश्‍वरौ बचन ङाक्‍ख्‍यौ, सेवा जाट्‍चये परमेश्‍वरौ शक्‍तिये सेवा जाट्‍ख्‍यौ। इटजाट्‍न येशू ख्रीष्‍ट लकीङ पट्‍ट न कुराकोवाङ परमेश्‍वरकी न महीमा छान्‍ख्‍यौ। सधैँभरी होसकुङ न महीमा र शक्‍ति छान्‍न ङुख्‍यौ! आमेन।

१ पट्‍रुस 4:14

इडीक ख्रीष्‍ट मीटाक विश्‍वास जाट्‍नाङ नाखुरीकुङ बेइज्‍जट छान्‍ले डेनाङ लाहाकी आसीस डुप्‍च आर्मीट्‍नी, हीजैडेनाङ परमेश्‍वरौ महीमीत आत्‍मा नाखुरीकखाटा बास ङुमने।