युहन्‍ना 11:25 - पुर्वीय मगर

²⁵ येशूये मार्‌ठाकी डेया, “सीच लकीङ जीवाक्‍च र जीवन याछ ङा न हो। ङाकी विश्‍वास जाट्‍चको सीनाङ र जीवाले।

युहन्‍ना 11:25 ပူးပေါင်းရင်းမြစ်များ

लुका 23:43

होसकै डेया, “साँच्‍ची न ङा नाकोकी डेले, छीनी न नाको ङाखाटा स्‍वर्गाङ छान्‍ले।”

युहन्‍ना 1:4

होसकोखाटा जीवन लेया, र होसे जीवन न भर्मीकुङ लागी ज्‍योति लेया।

युहन्‍ना 14:19

अब कालाप न्‍हुइङ संसारै ङाकी सेन्‍र माडाङ्‍ले, टर नाखुरीकै चहीँ ङाकी डाङ्‍ले। ङा फेरी जीवाच बाटै नाखुरीक र जीवाम ङुले।

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

युहन्‍ना 3:16

हीजैडेनाङ परमेश्‍वरै संसारुङ भर्मीकोलाक याङ्‍च प्रेम जाटा, की होसकै लहो काटजा मीजाकी र याहा। होसकोकी विश्‍वास जाट्‍च सुर नास माछान्‍ले, टर होचे सेन्‍र मासीच जीवन डुप्‍ले।

युहन्‍ना 3:36

सु-सुये परमेश्‍वरौ मीजा मीटाक विश्‍वास जाट्‍ले होखुरीकै सेन्‍र मासीच जीवन डुप्‍ले। टर मीजौ आज्ञा मामन्‍डीचकै चहीँ होसे जीवन माडुप्‍ले, टर परमेश्‍वरौ मीरीस होखुरीक मीटाक ङुम न ङुले।

युहन्‍ना 5:21

परमेश्‍वर बोये सीच कोलाक जीवाटाकार सेन्‍र मासीच जीवन याछ लेखा न मीजै र लहे सुकी मीमन जाट्‍ले, होखुरीककी सेन्‍र मासीच जीवन याल्‍हे।

युहन्‍ना 5:26

परमेश्‍वर बोइ खाटा जीवन याछ शक्‍तिले, होसे न शक्‍ति होसकै लहो मीजाकी र याम्‍हने।

युहन्‍ना 6:35

येशूये भर्मीकोलाक डेया, “सेन्‍र मासीच जीवनौ रोटो ङा न हो। ङा लेठाङ राछ सेन्‍र मीटुक मारन्‍छीले र ङामीटाक विश्‍वास जाट्‍च सेन्‍र डी मासोन्‍ल्‍हे।

युहन्‍ना 6:44

ङाकी बीर्‌न्‍हकाच परमेश्‍वर बोये ङा लेठाङ राछ मीमन माय्‍हा डेनाङ सुर ङा लेठाङ राखी माय्‍होक्‍ले, ङा लेठाङ राछको जटीकी ङा अन्‍टीम डीनाङ सीच लकीङ जीवाटाक्‍ले।

प्रेरित 3:15

र जीवन याछकी चहीँ नाखुरीकै साटा। टर होसकोकी परमेश्‍वरै सीच लकीङ जीवाक्‍ङ ने र इसे कुरौ कान साक्षी ले।

१ ठेसलोनीकी 4:14

हीजैडेनाङ येशू सीयार जीवाम सोमने डेच कुराङ कान विश्‍वास जाट्‍ले। होटजाट्‍न न येशूवाङ विश्‍वास जाटार सीचकोलाक परमेश्‍वरै होखुरीककी सीच लकीङ जीवाटाक्‍ले टा की होखुरीक येशू खाटा छान्‍ख्‍यो।