युहन्‍ना 10:5 - पुर्वीय मगर

⁵ टर माचीन्‍डीच भर्मीकी भेडाकै माडुट्‍ले, बरु होसे लकीङ भोग्‍डीस्‍ले। हीजैडेनाङ माचीन्‍डीच गोठ्‍लौ सोर होखुरीकै माचीन्‍डीले।”

युहन्‍ना 10:5 ပူးပေါင်းရင်းမြစ်များ

मर्कूस 4:24

येशूये होखुरीककी फेरी डेया, “नाखुरीकै ही सेमन ले होसे कुराङ ढ्‍यान यान्‍ही। हीजैडेनाङ नाखुरीकै अरुकी कुसे मानै जापार याल्‍हे होसे न मानै नाखुरीककी र याल्‍हे अनी नाखुरीककी झन वास्‍टै याल्‍हे।

लुका 8:18

होटबाटै नाखुरीकै सेच कुरा मीमनाङ सेम्‍हजा डानी, हीजैडेनाङ सु खाटा ले होसकी झन फाट्‍न याल्‍हे, टर सु खाटा हीर माले, होचे लाहा खाटा हीले डेम आर्‌मीट्‍ले होसे र होस लकीङ स्‍याट्‍न याल्‍हे।”

युहन्‍ना 10:16

ङा खाटा अरु भेडाको र ले, होखुरीक इसे गोठुङ होइन, होखुरीककी र ङै राक्‍की पर्‌ने। होखुरीकै ङौ सोर सेले र होखुरीक पट्‍ट न काट न बगाल छान्‍ने, अनी होखुरीकुङ गोठ्‍ला काट न छान्‍ले।

युहन्‍ना 10:4

जब गोठ्‍लै पट्‍ट न लहो भेडाकोलाक बाहीर छ्‍युक्‍ङ भ्‍याच पछी मेल्‍हा चहीँ होखुरीकुङ अघी-अघी व्‍हाले र भेडाकै होसकी डुट्‍ले, हीजैडेनाङ भेडाकै लहो गोठ्‍लौ सोर चीन्‍डीले।

२ टीमोठी 4:3

हीजैडेनाङ याङ्‍च समय राम्‍हन ले, भर्मीकै साँचो शिक्षाकी सहडीकी माय्‍होक्‍ले। टर होखुरीक लहे जाक्‍ङ सेच कुराको मट्‍टै सेकी इच्‍छा जाट्‍ले होटबाटै लाहाकी मज्‍जा सेच कुराको सेटाक्‍च शिक्षकको भेला जाट्‍ले।

१ युहन्‍ना 2:19

होखुरीक कानुङ मालेया, होटबाटै कानकी डासार नुङा। इडीक कानुङ लेनाङ च कानखाटा न ङुच लेया। होखुरीकै कानकी डासार नुङा अनी होसेलकीङ न होखुरीक कानुङ होइन डेच कुरा टान्‍हाक्‍ले।

१ युहन्‍ना 2:21

नाखुरीकै सत्‍यकी माचीन्‍डीमे डेयार ङै रीक्‍च होइन, टर नाखुरीकै सत्‍यकी चीन्‍डीच बाटै न रीक्‍च हो। सत्‍यलकीङ हीर झुटो माख्‍योले डेच कुरा र नाखुरीककी थाहा ले।