युहन्‍ना 10:38 - पुर्वीय मगर

³⁸ टर इडीक ङै जाट्‍च कामको ङौ बोयो हो डेनाङ, नाखुरीकै ङा मीटाक विश्‍वास माजाट्‍नाङ र ङै जाट्‍च कामको मीटाक चहीँ विश्‍वास जाट्‍नी, र बोइ ङा खाटा ले, अनी ङा बोइ खाटा ले डेयार नाखुरीकै बुझडीस्‍की य्‍होक्‍ले।”

युहन्‍ना 10:38 ပူးပေါင်းရင်းမြစ်များ

युहन्‍ना 10:25

येशूये होखुरीककी डेया, “ङै नाखुरीककी अघी न डेम भ्‍यामने, टर नाखुरीकै ङाकी विश्‍वास माजाट्‍ले। ङै बोयो अधिकार डुपार जाट्‍च कामकै न ङा सु हो डेच कुरा टान्‍हाक्‍ले।

युहन्‍ना 10:30

बोइ र ङा काट न हो।”

युहन्‍ना 11:4

येशूये इसे खबर सेयार डेया, “लाजरस छाकी च छामने, टर होसे मासीले। इसे परमेश्‍वरौ महीमौ लागी छान्‍च हो, र इसे लकीङ भर्मीकै परमेश्‍वरौ मीजौ महीमा जाट्‍ले।”

युहन्‍ना 14:20

अनी होसनीक नाखुरीकै बुझडीस्‍ले, ङा ङौ बोइखाटा ले, र नाखुरीक ङा खाटा ले, र ङा नाखुरीकखाटा ले।

युहन्‍ना 17:11

अब ङा नाकोलेठाङ राम्‍हन ले। ङा इसे संसाराङ माङुले, टर इखुरीक च इसे संसाराङ ङुले। ए पवित्र बोइ, होटबाटै नाको र ङा काट छान्‍नाङ लेखा न नाकै ङाकी याछको र काट छान्‍की य्‍होक्‍ख्‍यौ डेम कुसे म्‍यार्‌मीन नाकै ङाकी याम्‍हने, होसे म्‍यार्‌मीनौ शक्‍तिये होखुरीककी जोगडीम डानी।

युहन्‍ना 3:2

कायाक नाबीक होचे येशू लेठाङ राहार इट डेया, “ए गुरुज्‍यु, कान वार्‌ल्‍हे नाको परमेश्‍वरै बीर्‌न्‍हकाच शिक्षक हो। इडीक परमेश्‍वर नाकोखाटा माले डेनाङ च इसे नाकै जाट्‍च अचम्‍मौ चीन्‍हओ कामको सुयेर जाट्‍की माय्‍होक्‍ले।”

युहन्‍ना 5:36

“टर ङाखाटा लेच गबाही युहन्‍नै याछ गबाही डेनाङ बाड्‍को ले। हीजैडेनाङ कुसे कामको पुरा जाट्‍की परमेश्‍वर बोये ङाकी याम्‍हने, होसे काम ङा जाट्‍न न ले, अनी होसे कामै न ङौ बारेयाङ गबाही याम्‍हन ले, र परमेश्‍वर बोये ङाकी बीर्‌न्‍हकाच हो डेम टान्‍हाक्‍ले।

प्रेरित 2:22

“इस्राएलुङ भर्मीको, इसे कुरा सेनी नासरतुङ येशूकी परमेश्‍वरै बीर्‌न्‍हकाच हो डेम होसकै जाट्‍च शक्‍तिशाली कामको र अचम्‍मौ चीन्‍हको लकीङ नाखुरीकुङ म्‍याहासाङ प्रमाणित जाट्‍ने। नाखुरीककी थाहा न ले परमेश्‍वरै नाखुरीकुङ मीघ्‍याङ इसे कामको होसको लकीङ जाट्‍च हो।

१ युहन्‍ना 3:24

अनी परमेश्‍वरौ आज्ञाको मन्‍डीच भर्मी चहीँ परमेश्‍वर खाटा छान्‍ने, र परमेश्‍वर होसे खाटा छान्‍ने। इटजाट्‍न परमेश्‍वर कानखाटा छान्‍ने डेच कुरा होसकै याछ पवित्र आत्‍मा लकीङ न कानै वार्‌खी य्‍होक्‍ले।