युहन्‍ना 10:36 - पुर्वीय मगर

³⁶ ङाकी परमेश्‍वर बोये लहो काम पुरा जाट्‍की डेम ङाकी चुन्‍डीयार संसाराङ बीर्‌न्‍हकाच हो। होटडेनाङ ङा परमेश्‍वरौ मीजा हो डेनाङ नाखुरीकै कुटजाट्‍न ङै परमेश्‍वरौ निन्‍दा जाटा डेकी य्‍होक्‍ले?

युहन्‍ना 10:36 ပူးပေါင်းရင်းမြစ်များ

मत्ती 27:43

इचे परमेश्‍वरकी विश्‍वास जाट्‍ले। परमेश्‍वरै मीमन जाटा डेनाङ होसकै इसकी चाहाँ न जीवाक्‍ख्‍यो, हीजैडेनाङ इचे ‘ङा परमेश्‍वरौ मीजा हो’ डेमन्‍या।”

मत्ती 27:54

जब कप्‍तान र होसेखाटा येशूकी रुङ्‍च सीपाहीकै भुइँचालो नुङ्‍च र होला छान्‍न ङुच अरु घटनाको डाङा, टब साप्‍फी बीर्‍हीयार होखुरीकै डेया, “साँच्‍ची न, इसको च परमेश्‍वरौ मीजा लेसा!”

लुका 1:35

स्‍वर्गदूतै डेया, “पवित्र आत्‍मा नाको लेठाङ राल्‍हे, होटै सर्वोच्‍चौ शक्‍तियो छाया नाको मीटाक पर्‌ले। होटबाटै नाकै डीन्‍छ बालख पवित्र छान्‍ले र होसकोकी न परमेश्‍वरौ मीजा डेले।

युहन्‍ना 10:35

होटबाटै परमेश्‍वरौ बचन सु लेठाङ राहा, होखुरीककी होसकै देवताको डेया, अनी धर्मशास्‍त्र सेन्‍र झुटो माछान्‍ले।

युहन्‍ना 17:18

नाकै ङाकी संसाराङ बीर्‌न्‍हकानाङ लेखा न, ङै र होखुरीककी संसाराङ बीर्‌न्‍हकामने।

युहन्‍ना 17:21

होखुरीक पट्‍ट न काट छान्‍ख्‍यौ। ए बोइ, कुटजाट्‍न नाको ङाखाटा ले, र ङा नाकोखाटा ले, होटजाट्‍न न होखुरीक र कानखाटा काट न छान्‍ख्‍यौ, होटबाटै नाकै ङाकी बीर्‌न्‍हकाच हो डेयार संसारुङ भर्मीकै विश्‍वास जाट्‍ले।

युहन्‍ना 17:8

हीजैडेनाङ कुसे बचन नाकै ङाकी याहा, होसे ङै होखुरीककी याम्‍हने, र होखुरीकै होसे ग्रहण जाट्‍नने। ङा नाकोलकीङ राछ हो डेच कुरा होखुरीकै साँच्‍ची न बुझडीस्‍नने। अनी नाकै ङाकी बीर्‌न्‍हकाच हो डेयार होखुरीकै विश्‍वास जाट्‍नने।

युहन्‍ना 19:7

यहूदी अगुवाकै डेया, “कानुङ व्‍यवस्‍था अनुसार होचे मृत्‍युदण्‍ड डुप्‍की न पर्‌ले हीजैडेनाङ होचे लाहाकी परमेश्‍वरौ मीजा हो डेम डाबी जाट्‍नने।”

युहन्‍ना 20:28

ठोमै येशूकी डेया, “ए ङौ प्रभु, र ङौ परमेश्‍वर!”

युहन्‍ना 20:31

टर इला इट डेयार रीक्‍ङने, होटबाटै येशू न मुक्‍ति याछ ख्रीष्‍ट, परमेश्‍वरौ मीजा हो डेम विश्‍वास जाट्‍ख्‍यौ। र होसकुङ म्‍यार्‌मीनाङ विश्‍वास जाटार सेन्‍र मासीच जीवन डुप्ख्‍यौ।

युहन्‍ना 3:17

परमेश्‍वरै संसारुङ भर्मीकोलाक दोषी ठहरीकी डेयार लहो मीजाकी बीर्‌न्‍हकाच होइन, टर होखुरीककी जीवाक्‍की डेम बीर्‌न्‍हकाच हो।

युहन्‍ना 3:34

सुकी परमेश्‍वरै बीर्‌न्‍हकामने होचे न परमेश्‍वरौ बचन ङाक्‍ले, हीजैडेनाङ परमेश्‍वरै होसकोकी लहो आत्‍मै न्‍हेपाक्‍ङने।

युहन्‍ना 5:30

“ङा ङाल्‍है न हीर जाट्‍की माय्‍होक्‍ले। परमेश्‍वरै ही डेले होसे अनुसार ङा न्‍याय जाट्‍ले, अनी ङै जाट्‍च न्‍याय ठीक छान्‍ले, हीजैडेनाङ ङा ङाल्‍हौ इच्‍छा मापाले, टर ङाकी बीर्‌न्‍हकाचौ इच्‍छा पाले।

युहन्‍ना 6:27

नास छानार नुङ्‍च ज्‍याच ठोकौ लागी काम माजाट्‍नी, टर सेन्‍र मासीच जीवन याछ ज्‍याच ठोकौ लागी काम जाट्‍नी। इसे सेन्‍र मासीच जीवन याछ ज्‍याच ठोक नाखुरीककी भर्मीयो मीजै याल्‍हे हीजैडेनाङ परमेश्‍वर बोये इसे कामौ लागी होसकोकी अधिकार याम्‍हने।”

युहन्‍ना 6:38

हीजैडेनाङ ङाल्‍हौ इच्‍छा पुरा जाट्‍की डेम ङा स्‍वर्ग लकीङ झाल्‍न राछ होइन, टर ङाकी बीर्‌न्‍हकाचौ इच्‍छा पुरा जाट्‍की डेम ङा राछ हो।

युहन्‍ना 6:57

जीबीट बोये ङाकी बीर्‌न्‍हका, र ङा बोयौ कारनै जीवाले। होटजाट्‍न न सुये ङाकी ज्‍याले होखुरीक ङौ कारनै जीवाले।

युहन्‍ना 6:69

नाको न परमेश्‍वरै बीर्‌न्‍हकाच पवित्र जन हो डेम वार्‍हार कानै विश्‍वास जाट्‍नने।”

युहन्‍ना 8:42

येशूये होखुरीककी डेया, “इडीक परमेश्‍वर नाखुरीकुङ बोइ हो डेनाङ च नाखुरीकै ङाकी माया जाट्‍च लेया, हीजैडेनाङ ङा परमेश्‍वर लकीङ राछ हो। ङाल्‍हौ इच्‍छाङ राछ होइन, होसकै न ङाकी बीर्‌न्‍हकाच हो।