युहन्‍ना 10:27 - पुर्वीय मगर

²⁷ ङौ भेडाकै चहीँ ङौ सोर सेले, र होखुरीककी ङा चीन्‍डीले, अनी होखुरीकै ङाकी डुट्‍ले।

युहन्‍ना 10:27 ပူးပေါင်းရင်းမြစ်များ

मत्ती 16:24

होटै न्‍हुइङ येशूये लहो चेलाकोलाक डेया, “इडीक सुर ङाकी डुट्‍च मीमन जाट्‍ले डेनाङ, होचे लाहाकी इन्‍कार जाट्‍ख्‍यौ र लोहो क्रूस सोटार ङाकी डुट्‍ख्‍यौ।

मत्ती 17:5

पत्रुसै ङाक्‍नाङ-ङाक्‍नाङ न फोक्‍सा बोच डेबु राहार होच्‍यो छायै होखुरीककी हुपा। डेबु भीत्रीलकीङ काट सोर राहा, “इसे ङौ जाक्‍च मीजा हो, इसे खाटा ङा सार्‍है मार्‍हाङ्‍ङने, इच्‍यो कुरा सेनी।”

मत्ती 25:12

टर होचे भीत्री लकीङ जवाफ याहा, ‘साँच्‍ची न, ङा नाखुरीककी माचीन्‍डीले।’”

मत्ती 7:23

अनी होडीक बेला ङा होखुरीककी डेले, ‘ए दुष्‍ट काम जाट्‍चको, ङा नाखुरीककी माव्‍हार्‌ले, ङा लकीङ लोस नुङ्‍नी!’

मर्कूस 10:21

येशूये होसकी ङोसा र माया जाटार डेया, “नाकै अझै काट कुरा जाट्‍की बाँकी ले। नुङ्‍नी र नाकोखाटा ही-ही ले होसे पट्‍ट न आर्‌लानी र गरीब कोलाक यान्‍ही। अनी नाकै स्‍वर्गाङ सम्‍पत्ति डुप्‍ले। होस न्‍हुइङ रान्‍ही र ङाकी डुट्‍नी।”

मर्कूस 8:34

येशूये लहो चेलाकोलाक र होला लेच भर्मीकुङ भीडकी लाहा लेठाङ आर्‌घार डेया, “सुर भर्मी ङा न्‍हुङ-न्‍हुङ व्‍हाकी मीमन जाट्‍ले डेनाङ होचे लाहाकी इन्‍कार जाट्‍ख्‍यौ र लहो क्रूस बुवार ङाकी डुट्‍ख्‍यौ।

लुका 13:27

टर होचे डेले, ‘ङा नाखुरीककी डेले, नाखुरीक सु आले र कुटै राछ, ङा माव्‍हार्‌ले। ए दुष्‍ट काम जाट्‍चको ङा लकीङ लोस नुङ्‍नी।’

लुका 9:23

होटै होसकै पट्‍टकी डेया, “सुर ङौ न्‍हुङ-न्‍हुङ राछ मीमन जाट्‍ले डेनाङ होचे लहो मीमन अनुसार जीवाच इच्‍छाकी डास्‍की पर्‌ले। होटै डीन-डीनै लहो क्रूस बुवार ङाकी डुट्‍की पर्‌ले।

युहन्‍ना 10:14

“ङा असल गोठ्‍ला हो। ङा ङाल्‍हौ भेडाकोलाक सेम्‍हजा चीन्‍डीले र ङौ भेडाकै ङाकी र सेम्‍हजा चीन्‍डीले।

युहन्‍ना 10:16

ङा खाटा अरु भेडाको र ले, होखुरीक इसे गोठुङ होइन, होखुरीककी र ङै राक्‍की पर्‌ने। होखुरीकै ङौ सोर सेले र होखुरीक पट्‍ट न काट न बगाल छान्‍ने, अनी होखुरीकुङ गोठ्‍ला काट न छान्‍ले।

युहन्‍ना 10:8

ङा डेनाङ अघी राछ पट्‍ट न चोर र डाकाको लेया, टर भेडाकै होखुरीकुङ कुरा मासेया।

युहन्‍ना 12:26

सुये ङौ सेवा जाट्‍च मीमन जाट्‍ले होचे ङाकी डुट्‍की पर्‌ले, अनी ङा कुला छान्‍ले, ङौ सेवा जाट्‍च र होला न छान्‍ले। ङौ सेवा जाट्‍चकी ङौ बोये आदर जाट्‍ले।

युहन्‍ना 21:22

येशूये पत्रुसकी डेया, “इडीक ङा मार्‍हाठर होसे जीवाम ङुख्‍यो डेच ङै मीमन जाट्‍नाङ र नाङ्‌की ही ट? नाङ चहीँ ङाकी डुटो।”

युहन्‍ना 5:25

साँच्‍ची न ङा नाखुरीककी डेले, काट समय राम्‍हन ले, बास्‍टबाङ होसे समय चाँहा न राम्‍हभ्‍यामने जब सीम भ्‍याचकै परमेश्‍वरौ मीजौ सोर सेले, र सुये होसे सेले होखुरीकै चहीँ सेन्‍र मासीच जीवन डुप्‍ले।

युहन्‍ना 8:12

येशूये फेरी भर्मीकोलाक डेया, “संसारुङ ज्‍योति ङा न हो। ङाकी डुट्‍चये सेन्‍र छुम्‍ठाङ व्‍हाकी मापर्‌ले, टर होचे जीवन याछ ज्‍योति डुप्‍ले।”

युहन्‍ना 8:43

ङै ङाक्‍च कुरा नाखुरीकै हीजै माबुझडीस्‍ले? हीजैडेनाङ नाखुरीकै ङौ बचन सेकी मीमन माजाट्‍ले।

प्रेरित 3:23

टर होसे अगमवक्‍तौ कुरा मासेच भर्मीको चहीँ परमेश्‍वरौ जनको लकीङ भाक्‍ले र नास छान्‍ले।’

२ टीमोठी 2:19

टर परमेश्‍वर मेखोलै न काच जग सधैँ बलीयो छानार ङुमङुले। इला इट डेम रीक्‍ङने, “प्रभुये लहो भर्मीकोलाक चीन्‍डीले” अनी “प्रभुओ म्यार्‌मीन लाचको जटी पट्‍ट न खराब कामको लकीङ अलग ङुकी न पर्‌ले।”