युहन्‍ना 10:16 - पुर्वीय मगर

¹⁶ ङा खाटा अरु भेडाको र ले, होखुरीक इसे गोठुङ होइन, होखुरीककी र ङै राक्‍की पर्‌ने। होखुरीकै ङौ सोर सेले र होखुरीक पट्‍ट न काट न बगाल छान्‍ने, अनी होखुरीकुङ गोठ्‍ला काट न छान्‍ले।

युहन्‍ना 10:16 ပူးပေါင်းရင်းမြစ်များ

मत्ती 17:5

पत्रुसै ङाक्‍नाङ-ङाक्‍नाङ न फोक्‍सा बोच डेबु राहार होच्‍यो छायै होखुरीककी हुपा। डेबु भीत्रीलकीङ काट सोर राहा, “इसे ङौ जाक्‍च मीजा हो, इसे खाटा ङा सार्‍है मार्‍हाङ्‍ङने, इच्‍यो कुरा सेनी।”

लुका 15:8

होटै येशूये डेया, “काट जना मास्‍टो खाटा डस वटा चाँडीयो सीक्‍का लेया। होडीक मढ्‌याङ काट सीक्‍का चहीँ म्‍हाटा डेनाङ बट्‍टी ढाकार होचे होसे माडुप्‍ठर इम सीट्‍चै मापाले र?

युहन्‍ना 10:11

“ङा असल गोठ्‍ला हो। असल गोठ्‍लै लहो भेडाकुङ लागी लहो प्राण न याल्‍हे।

युहन्‍ना 10:2

टर गालामीङ गोठ भीत्री पर्च चहीँ भेडौ गोठ्‍ला हो।

युहन्‍ना 10:27

ङौ भेडाकै चहीँ ङौ सोर सेले, र होखुरीककी ङा चीन्‍डीले, अनी होखुरीकै ङाकी डुट्‍ले।

युहन्‍ना 10:3

जब गोठ्‍ला राल्‍हे टब गोठ रुङ्‍की ङुचये होच्‍यौ लागी गोठौ गालाम फोम याल्‍हे। गोठ्‍लै लोहो भेडाकुङ म्‍यार्‌मीन लार आर्‌घानाङ भेडाकै लोहो गोठ्‍लौ सोर चीन्‍डीले र होचे होखुरीककी डोरीचै बाहीर छ्‍युक्‍ले।

युहन्‍ना 10:4

जब गोठ्‍लै पट्‍ट न लहो भेडाकोलाक बाहीर छ्‍युक्‍ङ भ्‍याच पछी मेल्‍हा चहीँ होखुरीकुङ अघी-अघी व्‍हाले र भेडाकै होसकी डुट्‍ले, हीजैडेनाङ भेडाकै लहो गोठ्‍लौ सोर चीन्‍डीले।

युहन्‍ना 10:5

टर माचीन्‍डीच भर्मीकी भेडाकै माडुट्‍ले, बरु होसे लकीङ भोग्‍डीस्‍ले। हीजैडेनाङ माचीन्‍डीच गोठ्‍लौ सोर होखुरीकै माचीन्‍डीले।”

युहन्‍ना 11:52

यहूदीकुङ लागी मट्‍टै होइन, टर पट्‍ट न छरपस्‍ट छानार ङुच परमेश्‍वरौ सन्‍टानकोलाक काठोव्‍हाङ जम्‍मा जाट्‍कीयो लागी इसे कुरा डेमन्‍या।

युहन्‍ना 17:20

“ङा इखुरीकुङ लागी मट्‍टै प्रार्थना माजाट्‍ले, टर इखुरीकै सेटाक्‍च बचन लकीङ ङामीटाक विश्‍वास जाट्‍चकुङ लागी र ङा प्रार्थना जाट्‍न याल्‍हे।

युहन्‍ना 6:37

बोये ङाकी याछको पट्‍ट न ङा लेठाङ राल्‍हे, र ङा लेठाङ राछको चहीँ सुकीर ङा ल्‍हेट्‍न माकाले।

प्रेरित 15:14

परमेश्‍वरै लहो म्‍यार्‌मीनौ लागी अन्‍यजातिको लकीङ काट जाति भाक्‍च दया जाटा डेच कुरा सीमोनै डेम भ्‍यामने।

प्रेरित 18:10

हीजैडेनाङ ङा नाङखाटा न ले, सुयेर नाङ्‍की हानी जाट्‍की माय्‍होक्‍ले, हीजैडेनाङ इसे सहराङ ङौ भर्मीको वास्‍टै ले।”

प्रेरित 22:14

अनी होचे डेया, ‘कानुङ बोइ-बाज्‍युकुङ परमेश्‍वरै होसकुङ इच्‍छा नाकै वार्‌खी, र होसे धार्मिक भर्मी येशूकी डाङ्‍की, र होसकुङ मेङेरीङ ख्‍योछ बचन सेकी नाकोकी चुन्‍डीमनेसा।

२ ठेसलोनीकी 2:13

प्रभुये माया जाट्‍च डाजेभाइको र डै बहीनीको, नाखुरीकुङ लागी कानै सधैँ धन्‍यवाद याखी न पर्‌ले, हीजैडेनाङ सुरुलकीङ न पवित्र आत्‍मौ पवित्र खास्‍च काम लकीङ र सत्‍यतामीटाक विश्‍वासलकीङ जीवाकी परमेश्‍वरै नाखुरीककी चुन्‍डीया।

१ पट्‍रुस 2:10

पहीला च नाखुरीक परमेश्‍वरौ भर्मी मालेया, टर अब च नाखुरीक परमेश्‍वरौ भर्मी छान्‍नने। पहीला नाखुरीकै परमेश्‍वरौ कृपा माडुप्‍मन्‍या, टर अब च नाखुरीकै परमेश्‍वरौ कृपा डुप्‍मने।

१ पट्‍रुस 2:25

नाखुरीक बरालीस्‍न व्‍हाच भेडाको ल्‍याक्‍च न लेया, टर अब नाखुरीकुङ आत्‍मौ गोठ्‍ला र सुरक्षा जाट्‍च लेठाङ ल्‍हेस्‍न राम्‍हने।

१ पट्‍रुस 5:4

अनी जब मुख्‍य गोठ्‍ला राल्‍हे, टब नाखुरीकै सेन्‍र माओइलडीस्‍च सधैँभरी चम्‍कडीस्‍न ङुच महीमौ मुकुट डुप्‍ले।