युहन्‍ना 10:15 - पुर्वीय मगर

¹⁵ कुटजाट्‍न बोये ङाकी सेम्‍हजा चीन्‍डीले ङा र बोइकी सेम्‍हजा चीन्‍डीले। अनी ङा भेडाकुङ लागी ङाल्‍हौ प्राण र याल्‍हे।

युहन्‍ना 10:15 ပူးပေါင်းရင်းမြစ်များ

मत्ती 11:27

“पट्‍ट न ठोक ङौ बोये ङाकी जीम्‍मा याम्‍हने, बोये बाहेक मीजाकी अरु सुयेर माचीन्‍डीले, र मीजै बाहेक बोइकी सुयेर माचीन्‍डीले। अनी सु लेठाङ मीजै बोइकी टान्‍हाक्‍च इच्‍छा जाट्‍ले होचे चहीँ चीन्‍डीले।

मत्ती 20:28

होटजाट्‍न न भर्मीयो मीजा र सेवा डुप्‍की होइन टर सेवा जाट्‍की र वास्‍टै जनौ छुट्कारौ लागी लहो जीवन याखी राछ हो।”

लुका 10:21

होटै होडीक न बेला येशू पवित्र आत्‍मा लकीङ न्‍हेपार मार्‍हाङ्‍चै डेया, “हे बोइ, स्‍वर्ग र पृथ्‍वीयो परमप्रभु, ङा नाकोकी धन्‍यवाद याल्‍हे, हीजैडेनाङ बुद्धि लेचको र वार्‌छको लकीङ आर्‌च्‍युकार डाच कुरा नाकै हीर माव्‍हार्‌च कोलाक बुझडीम याहा! हे बोइ, नाकोकी इट जाट्‍की न सेम्‍ह सेया।”

लुका 10:22

“ङौ बोये ङाकी पट्‍ट कुराको जीम्‍मा याम्‍हे। बोये बाहेक मीजाकी सुयेर माचीन्‍डीले। बोइ सु आले डेम मीजै बाहेक सुयेर माचीन्‍डीले र मीजै बोइकी सु सुकी चीन्‍डीयाक्‍ले होसे भर्मीकै बाहेक सुयेर चीन्‍डीकी माय्‍होक्‍ले।”

युहन्‍ना 1:18

परमेश्‍वरकी सुयेर सेन्‍र माडाङ्‍ने। टर काट मट्‍टै मीजा होसको परमेश्‍वर हो होसको बोयौ खेरेप ले र होसकै न कानकी परमेश्‍वर चीन्‍डीयाक्‍ने।

युहन्‍ना 10:11

“ङा असल गोठ्‍ला हो। असल गोठ्‍लै लहो भेडाकुङ लागी लहो प्राण न याल्‍हे।

युहन्‍ना 15:13

लाफौ लागी लहो प्राण याखी न पट्‍ट डेनाङ बाड्‍को माया हो, अनी इसे डेनाङ बाड्‍को अरु हीर माले।

युहन्‍ना 17:25

“ए धार्मिक बोइ, संसारुङ भर्मीकै नाकोकी माचीन्‍डीले, टर ङा नाकोकी चीन्‍डीले, अनी नाकै ङाकी बीर्‌न्‍हकाच हो डेयार ङाकी डुट्‍चकै वार्‌ल्‍हे।

युहन्‍ना 6:46

बोइकी कुसे भर्मीये र माडाङ्‍ने, सु चहीँ परमेश्‍वर लकीङ राछ हो, होचे मट्‍टै बोइकी डाङ्‍नने।

युहन्‍ना 8:55

नाखुरीकै होसकोकी माचीन्‍डीमने, टर ङा चहीँ होसकोकी चीन्‍डीले। इडीक ङै होसकोकी माचीन्‍डीले डेले डेनाङ ङा र नाखुरीक लेखा न झुटो ठहरीस्‍ले। टर ङा होसकोकी चीन्‍डीले, र होसकै डेच कुरा मन्‍डीले।

टीटस 2:14

येशू ख्रीष्‍टै लहो जीवन वलिदान याहार कानकी पट्‍ट न खाल्‍या पापलकीङ छुट्कारा याहा। अनी होसकै कानकी पवित्र खास्‍कीयो लागी लहो जाटी खासा र सेछ काम जाट्‌की जोसीलो पार्‌या।

१ पट्‍रुस 2:24

ख्रीष्‍टै काल्‍हौ पापको लहो शरीराङ बुवार सीङौ क्रूसाङ टङ्‍गडीसा, होटबाटै कान र पापौ लागी सीया अनी परमेश्‍वरकी जाक्‍ङ सेच सेछ कामौ लागी जीवाकी पर्‌ले। होसकुङ न चोटको लकीङ नाखुरीक गेपा।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।

१ युहन्‍ना 2:2

होसको कानुङ पाप मेट्‍डीकी डेम बलीडान छाना। कानुङ लागी मट्‍टै होइन, टर संसारुङ पट्‍ट न भर्मीकुङ पापौ लागी र हो।