युहन्‍ना 10:14 - पुर्वीय मगर

¹⁴ “ङा असल गोठ्‍ला हो। ङा ङाल्‍हौ भेडाकोलाक सेम्‍हजा चीन्‍डीले र ङौ भेडाकै ङाकी र सेम्‍हजा चीन्‍डीले।

युहन्‍ना 10:14 ပူးပေါင်းရင်းမြစ်များ

युहन्‍ना 10:11

“ङा असल गोठ्‍ला हो। असल गोठ्‍लै लहो भेडाकुङ लागी लहो प्राण न याल्‍हे।

युहन्‍ना 10:13

हीजैडेनाङ होसे पैसा याहार डाच भर्मी हो, होसकी भेडाकुङ हीर वास्‍टा माछान्‍ने, होटबाटै होसे भोग्‍डीस्‍ले।

युहन्‍ना 10:27

ङौ भेडाकै चहीँ ङौ सोर सेले, र होखुरीककी ङा चीन्‍डीले, अनी होखुरीकै ङाकी डुट्‍ले।

युहन्‍ना 17:3

अब सेन्‍र मासीच जीवन डेच इसे न हो, नाको काट मट्‍टै सत्‍य परमेश्‍वर हो डेम चीन्‍डीकी, र नाकै बीर्‌न्‍हकाच येशू ख्रीष्‍टकी र चीन्‍डीकी हो।

युहन्‍ना 17:8

हीजैडेनाङ कुसे बचन नाकै ङाकी याहा, होसे ङै होखुरीककी याम्‍हने, र होखुरीकै होसे ग्रहण जाट्‍नने। ङा नाकोलकीङ राछ हो डेच कुरा होखुरीकै साँच्‍ची न बुझडीस्‍नने। अनी नाकै ङाकी बीर्‌न्‍हकाच हो डेयार होखुरीकै विश्‍वास जाट्‍नने।

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

२ टीमोठी 2:19

टर परमेश्‍वर मेखोलै न काच जग सधैँ बलीयो छानार ङुमङुले। इला इट डेम रीक्‍ङने, “प्रभुये लहो भर्मीकोलाक चीन्‍डीले” अनी “प्रभुओ म्यार्‌मीन लाचको जटी पट्‍ट न खराब कामको लकीङ अलग ङुकी न पर्‌ले।”

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।