युहन्‍ना 1:50 - पुर्वीय मगर

⁵⁰ येशूये होसकी जवाफ याहा, “ङै नाङ्‍की अन्‍जीरौ म्‍यार्‌टुङ म्‍होकी डाङा डेयार डेनाङ न नाङ ङाकी विश्‍वास जाट्‍ले? नीये इसे डेनाङ र बाड्‍सो कुराको डाङ्‍ले।”

युहन्‍ना 1:50 ပူးပေါင်းရင်းမြစ်များ

मत्ती 13:12

हीजैडेनाङ सुखाटा ले, होसकी अझै याल्‍हे र होसखाटा वास्‍टै डेनाङ वास्‍टै छान्‍ले। टर सुखाटा माले, होसखाटा लेच चेक्‍जा र स्‍याट्‍न याल्‍हे।

मत्ती 21:19

लामौ छेवाङ काट अन्‍जीरौ म्‍यार्‌टुङ डाङार होसको मीस्‍या लेकी डेम नुङा। टर होला मील्‍हा बाहेक हीर मालेया। टब होसकै होसे म्‍यार्‌टुङकी डेया, “अब लकीङ आलाक नुओ मीस्‍या सेन्‍र मास्‍याख्‍यौ!” टब होसे म्‍यार्‌टुङ होडीक न बेला ओइलडीस्‍कीक्‍योटा।

मत्ती 25:29

हीजैडेनाङ सुखाटा ले होसकी अरु र फाट्‍न याल्‍हे, र होसेखाटा वास्‍टै डेनाङ वास्‍टै छान्‍ले। टर सुखाटा चेक्‍जा ले होच्‍यो चेक्‍जा लेच र होसेलकीङ स्‍याट्‍ले।

लुका 1:45

“परमप्रभुये नाकोकी डेच कुरा ओल्‍ल्‍हे डेम विश्‍वास जाट्‍च बाटै नाकै आसीस डुप्‍ने।”

लुका 7:9

कप्टानौ याङ्‍च कुरा सेयार येशू छक्‍क पर्‌या। होटै लहो न्‍हुङ-न्‍हुङ राछ भर्मीकुङ भीडकी ङोस्‍चै डेया, “ङै इस्राएलाङ र याङ्‍च विश्‍वास माडाङ्‍ङने।”

युहन्‍ना 1:49

नथानेलै डेया, “गुरु, नाको च परमेश्‍वरौ मीजा हो, नाको इस्राएलुङ राजा हो!”

युहन्‍ना 1:51

होसकै डेया, “ङा साँच्‍ची न नाखुरीककी डेले, नाखुरीकै स्‍वर्ग फोस्‍च र परमेश्‍वरौ स्‍वर्गदूतकोलाक भर्मीयो मीजा मीटाक झाल्‍चै र काल्‍छै जाट्‍च डाङ्‍ले।”

युहन्‍ना 11:40

येशूये डेया, “ही ङै नाङ्‍की डेच होइन, इडीक नीये विश्‍वास जाटा डेनाङ परमेश्‍वरौ महीमा डाङ्‍ले?”

युहन्‍ना 20:29

टब येशूये थोमाकी डेया, “नीये च ङाकी डाङ्‍च बाटै विश्‍वास जाट्‍च हो, टर होखुरीक कुडीक आसीस डुप्‍चकोले, ङाकी माडाङ्‍नाङ र होखुरीकै विश्‍वास जाट्‍ले।”