युहन्‍ना 1:45 - पुर्वीय मगर

⁴⁵ फीलीपै नथानेलकी डुपार डेया, “सुओ बारेयाङ मोशै व्‍यवस्‍थाङ र अगमवक्‍ताकै र रीक्‍ङन्‍या, होसकोकी कानै डुपा। होसको च नासरतुङ योसेफौ मीजा येशू टी लेसा ट।”

युहन्‍ना 1:45 ပူးပေါင်းရင်းမြစ်များ

मत्ती 10:3

फीलीप र बारथोलोमाइ, थोमा र कर सोट्‍च मत्ती, अल्‍फायासौ लेन्‍जा मीजा याकुब, थेदियस,

मत्ती 13:55

ही इसे सीकर्मी काम जाट्‍चौ मीजा होइन र? ही इच्यो मोयो म्‍यार्‌मीन मरीयम होइन, र इच्यो भाइको याकुब, योसेफ, सीमोन र यहूदा होइन र?

मत्ती 2:23

होसे नुङार नासरत डेच ठावाङ ङुवा। इटजाट्‍न अगमवक्‍ताकोलकीङ ङाक्‍च वचन पुरा छाना, “होसकोकी नासरी डेले।”

मत्ती 21:11

भीडुङ भर्मीकै डेया, “होसको च गालीलुङ नासरतुङ अगमवक्‍ता येशू हो।”

मर्कूस 14:67

होचे पत्रुसकी म्‍हे गुप्‍मङुच डाङार होसकी सेम्‍हजा ङोसार डेया, “नाको र नासरतुङ येशू खाटा न लेया।”

मर्कूस 6:3

ही इसे होसे सीकर्‌मी काम जाट्‍च न होइन र? ही इसे मरीयमौ मीजा याकुब, योसेफ, यहूदा र सीमोनौ डाजे होइन र? ही होच्‍यो बहीनीको काल्‍हा खाटा न माले र?” होखुरीकै येशूकी इन्‍कार जाटा।

लुका 18:37

भर्मीकै होसकी डेया, “नासरतुङ येशू इटै न नुङ्‍ङ न ले।”

लुका 2:4

होस बेला योसेफ म्‍यार्‌मीनौ भर्मी गालील डेच ठाँऔ नासरताङ ङुमन्‍या। होच्‍यौ बोइ बाज्‍युकुङ इम बेथलेहेमाङ लेचबाटै होसे र म्‍यार्‌मीन रीकाक्‍की डेम बेथलेहेमाङ नुङा।

लुका 2:48

होजाट्‌न मीजाकी होला डाङार होसकुङ मोइ-बोइ छक्‍क पर्‌या। होटै होसकुङ मोये डेया, “मीजा नाकै कानकी याङ्‍च ही जाट्‌च? नाकुङ बोइ र ङा आटडीस्‍चै नाकोकी पाम व्‍हा”

लुका 24:27

होटै येशूये मोशा लकीङ लार पट्‍ट अगमवक्‍ताकै धर्मशास्‍त्राङ लहो बारेयाङ रीक्‍च कुराको होखुरीककी बुझडीम याहा।

लुका 24:44

होसकै होखुरीककी डेया, “ङै नाखुरीक खाटा लेनाङ डेच कुराको इसे न हो। ‘ङौ बारेयाङ मोशौ व्‍यवस्‍था, अगमवक्‍ताकुङ कीताब र भजन सङ्‌गरहाङ रीक्‍च पट्‍ट कुराको ओल्‍खी न पर्‌ले’ डेम नाखुरीक खाटा ङै डेमन्‍या।”

लुका 3:23

इटजाट्‍न येशूये परमेश्‍वरौ काम जाट्की सुरु जाट्‍नाङ होसको टीस वर्ष टाम्‍हन्‍या। भर्मीकै योसेफकी न येशूओ बोइ डेम मन्डीमन्‍या। योसेफौ बोइ एली लेया,

लुका 4:22

पट्‍ट न भर्मीकै येशूओ प्रशंसा जाटा। होसकै डेच कुरा सेयार होखुरीक छक्‍क पर्‌चै मेखुरीक-मेखुरीक न कुरा जाट्‍चै इट डेया, “होसको च योसेफौ मीजा होइन र?”

युहन्‍ना 1:44

अन्‍द्रियास र पत्रुस लेखा न फीलीप र बेथसेदा सहरुङ भर्मी लेया।

युहन्‍ना 12:21

होखुरीकै गालीलुङ बेथसेदा लाङ्‍घीङ राछ फीलीप लेठाङ नुङार डेया, “ए हजुर, कानकी येशूकी डुप्‍च मीमन ले।”

युहन्‍ना 14:8

फीलीपै येशूकी डेया, “ए प्रभु, कानकी बोइ टान्‍हाक्‍ङ यान्‍ही, होडीक लेनाङ कान चीट्‍ट बुझडीले।”

युहन्‍ना 18:5

होखुरीकै डेया, “नासरतुङ येशूकी।” येशूये होखुरीककी डेया, “ङा होसे न हो।” येशूकी घोवाक्‍ङ याछ यहूदास र होखुरीक खाटा न टोङ्‍ह ङुमन्‍या।

युहन्‍ना 18:7

फेरी येशूये होखुरीककी गीना, “होइन, नाखुरीकै सुकी पाच?” होखुरीकै फेरी डेया, “नासरतुङ येशूकी।”

युहन्‍ना 19:19

पिलातसै “नासरतुङ येशू यहूदीकुङ राजा” डेच दोष पत्र रीकार क्रूसाङ टाराप लाक्‍ङ याहा।

युहन्‍ना 21:2

सीमोन पत्रुस, डीडुमस डेच थोमा, गालीलुङ काना नगरुङ नथानेल, जब्‍दियौ नीस लेन्‍जा मीजाको र होसकुङ चेलाको मढ्‍याङ अरु नीस जना चेलाको काठोव्‍हाङ भेला छानन्‍या।

युहन्‍ना 6:42

इट डेकी ठाला, “इसे च होसे योसेफौ मीजा येशू होइन र? इच्यो मोइ-बोइकी कान चीन्‍डीले। चाँहा इचे कुटजाट्‍न ‘ङा स्‍वर्ग लकीङ झाल्‍न राछ हो’ डेले?”

युहन्‍ना 6:5

येशूये ङोस्‍नाङ भर्मीकुङ बाड्‍को भीड लाहा पट्‍टी राम्‍हन लेच डाङार फीलीपकी डेया, “इसे भर्मीकोलाक कास्‍की कानै रोटो कुटै लोवार राक्‍की य्‍होक्‍ले?”

युहन्‍ना 6:7

फीलीपै डेया, “पट्‍टकी चेक्‍जा-चेक्‍जा मट्‍टै यान्‍हाङ र नीस सय चाँडीयो सीक्‍कै लोच रोटोये होखुरीककी माओल्‍ल्‍हे।”

प्रेरित 10:38

नाखुरीककी थाहा न ले, परमेश्‍वरै नासरतुङ येशूकी पवित्र आत्‍मा र शक्‍तिये अभिषेक जाटा। अनी होसको सेछ काम जाट्‍चै र शैतानै सटडीच पट्‍ट कोलाक गेपाक्‍चै व्‍हा, हीजैडेनाङ परमेश्‍वर होसकोखाटा लेया।

प्रेरित 2:22

“इस्राएलुङ भर्मीको, इसे कुरा सेनी नासरतुङ येशूकी परमेश्‍वरै बीर्‌न्‍हकाच हो डेम होसकै जाट्‍च शक्‍तिशाली कामको र अचम्‍मौ चीन्‍हको लकीङ नाखुरीकुङ म्‍याहासाङ प्रमाणित जाट्‍ने। नाखुरीककी थाहा न ले परमेश्‍वरै नाखुरीकुङ मीघ्‍याङ इसे कामको होसको लकीङ जाट्‍च हो।

प्रेरित 22:8

अनी ङै गीना, ‘ए प्रभु, नाको सु हो?’ होसकै ङाकी डेया, ‘नासरतुङ येशू ङा न हो, होसकी न नीये सटडीमन ले।’

प्रेरित 26:9

“ले की च ङै र य्‍होक्‍ठर नासरतुङ येशूकी विरोध जाट्‍की पर्‌ले डेम आर्‌मीट्‍नन्‍या।

प्रेरित 3:6

र पत्रुसै डेया, “ङा खाटा सुन-चाँडी माले टर ङाखाटा हीले, होसे न ङा नाङ्‍की याल्‍हे। नासरतुङ येशू ख्रीष्‍टौ म्‍यार्‌मीनाङ सोवार व्‍हाना!”