युहन्‍ना 1:41 - पुर्वीय मगर

⁴¹ सुरुवाङ लहो डाजे सीमोन पत्रुसकी डुपार होचे डेया, “कानै मसीहकी डुपा।” (हिब्रु भासाङ मसीह डेच चहीँ मुक्‍ति याछ ख्रीष्‍ट हो।)

युहन्‍ना 1:41 ပူးပေါင်းရင်းမြစ်များ

मत्ती 1:23

“ङोस्‍नी, कन्‍या मास्‍टो जजा गर्भवती छान्‍ले र होचे काट लेन्‍जा मीजा जन्‍मडीले। होटै भर्मीकै होसकोकी इम्‍मानुएल डेले।” इम्‍मानुएलौ अर्थ चहीँ “परमेश्‍वर कानकोखाटा ले।”

लुका 2:17

जब होखुरीकै इसे डाङा टब इसे बालखौ बारेयाङ जुन कुरा होखुरीककी डेमन्‍या होसे होखुरीकै सेटाक्‍ङ याहा।

लुका 2:38

होसे न बेला हन्‍ना मरीयम र योसेफ छीनी राहार परमेश्‍वरकी धन्‍यवाद याहा। होटै यरूशलेमुङ छुटकारौ लाम ङोस्‍च कोलाक बालखौ बारेयाङ सेटाका।

युहन्‍ना 1:45

फीलीपै नथानेलकी डुपार डेया, “सुओ बारेयाङ मोशै व्‍यवस्‍थाङ र अगमवक्‍ताकै र रीक्‍ङन्‍या, होसकोकी कानै डुपा। होसको च नासरतुङ योसेफौ मीजा येशू टी लेसा ट।”

युहन्‍ना 4:25

होसे मास्‍टो भर्मीये येशूकी डेया, “ङाकी थाहा ले, मसीह राल्‍हे (होसकोकी मुक्‍ति याछ ख्रीष्‍ट डेले), जब होसको राल्‍हे, टब होसकै न कानकी पट्‍ट न कुरा डेम याल्‍हे।”

प्रेरित 10:38

नाखुरीककी थाहा न ले, परमेश्‍वरै नासरतुङ येशूकी पवित्र आत्‍मा र शक्‍तिये अभिषेक जाटा। अनी होसको सेछ काम जाट्‍चै र शैतानै सटडीच पट्‍ट कोलाक गेपाक्‍चै व्‍हा, हीजैडेनाङ परमेश्‍वर होसकोखाटा लेया।

प्रेरित 4:27

“साँच्‍ची न इसे कुरा पुरा छाना हीजैडेनाङ हेरोद र पन्‍तियस पिलातस नीस जना, अन्‍यजाति र इस्राएलीको यरूशलेम सहराङ, नाकै अभिषेक जाट्‍च, नाकुङ पवित्र सेवक येशूओ विरोधाङ भेला छानन्‍या।

१ युहन्‍ना 1:3

नाखुरीक र कान खाटा सङ्‍गटी जाट्‍नी डेयार कानै ही डाङने र सेमने, होसे नाखुरीककी सेटाक्‍ले। कानुङ सङ्‍गटी चहीँ परमेश्‍वर बोइ र होसकुङ मीजा येशू ख्रीष्‍ट खाटा ले।