युहन्‍ना 1:38 - पुर्वीय मगर

³⁸ येशूये ल्‍हेसार ङोसा, होखुरीक लाहा न्‍हुङ-न्‍हुङ राछै जाट्‍च डाङार होखुरीककी गीना, “नाखुरीक ही पामन ले?” होखुरीकै होसकोकी डेया, “गुरु, नाको कुला ङुले?”

युहन्‍ना 1:38 ပူးပေါင်းရင်းမြစ်များ

लुका 10:39

मार्‌ठौ मरीयम डेच काट बहीनी र लेया। होसे चहीँ येशूओ मीकु छेवाङ ङुवार होसकुङ बचन सेम ङुमन्या।

लुका 14:25

कायाक भर्मीकुङ बाड्‍को हुड्‍डा येशू खाटा नुङ्‍ङ न लेया। होटै होसकै होखुरीक पट्‍टी ल्‍हेसार डेया,

लुका 15:20

होटै न्‍हुइङ होसे सोवार लहो बोइ लेठाङ ल्‍हेस्‍न नुङा। टर बोये होसकी लोसीङ न राछै जाट्‍च डाङार चीन्‍डीया। आसकुङ मीमन मायै न्‍हेपा र मीजाकी डुप्‍की डेम मार्‍हाङ्‍चै खेर्‌न नुङा होटै अङ्‍गालो कार मीगालाङ चुम्‍हा।”

लुका 19:5

होला टार्‍हाच न्‍हुइङ येशूये ढेम्‍लाक ङोस्‍चै जखायसकी डेया, “ए जखायस, छीटो म्‍हाका झाल्‍नी! छीनी ङा नाकुङ इमाङ बास ङुले।”

लुका 22:61

होटै प्रभुये ल्‍हेसार पत्रुसकी ङोसा, “छीनी भाल्‍यै राक्‍की डेनाङ अघी नाकै ङाकी सोम खेप माचीन्‍डीले डेम डेले” डेम प्रभुये डेच कुरा पत्रुसै आर्‌मीटा।

लुका 8:38

होडीक बेला दुष्‍ट आत्‍मा लक्‍डीसार गेप्‍च भर्मीये येशूकी बिन्‍ती जाटा, “हजुर, ङाकी र नाको खाटा आल्‍न्‍ही।” टर येशूये होसकी इट डेया,

युहन्‍ना 1:37

होचे डेच इसे कुरा सेयार होसे नीस जना चेलाकै येशूकी डुटा।

युहन्‍ना 1:39

होसकै होखुरीककी जवाफ याहा, “रान्‍ही र ङोस्‍नी।” होखुरीक नुङा र होसको ङुच ठाउँ डाङा। होडीक बेला नाबीलुङ बुली बजे छान्‍न भ्‍यामन्‍या र होखुरीक होसनीक होसकोखाटा न बास ङुवा।

युहन्‍ना 1:49

नथानेलै डेया, “गुरु, नाको च परमेश्‍वरौ मीजा हो, नाको इस्राएलुङ राजा हो!”

युहन्‍ना 12:21

होखुरीकै गालीलुङ बेथसेदा लाङ्‍घीङ राछ फीलीप लेठाङ नुङार डेया, “ए हजुर, कानकी येशूकी डुप्‍च मीमन ले।”

युहन्‍ना 18:4

येशूकी अब लाहा मीटाक आइपर्‌न राछ पट्‍ट न कुराको थाहा लेया। होटबाटै अगाडी नुङार होसकै होसे भर्मीकोलाक गीना, “नाखुरीकै सुकी पामनले?”

युहन्‍ना 18:7

फेरी येशूये होखुरीककी गीना, “होइन, नाखुरीकै सुकी पाच?” होखुरीकै फेरी डेया, “नासरतुङ येशूकी।”

युहन्‍ना 3:2

कायाक नाबीक होचे येशू लेठाङ राहार इट डेया, “ए गुरुज्‍यु, कान वार्‌ल्‍हे नाको परमेश्‍वरै बीर्‌न्‍हकाच शिक्षक हो। इडीक परमेश्‍वर नाकोखाटा माले डेनाङ च इसे नाकै जाट्‍च अचम्‍मौ चीन्‍हओ कामको सुयेर जाट्‍की माय्‍होक्‍ले।”

युहन्‍ना 3:26

होखुरीकै युहन्‍ना लेठाङ राहार डेया, “ए गुरुज्‍यु, यर्दन नदि पारी लेनाङ नाकोखाटा काट जना भर्मी लेया, होसकुङ बारेयाङ नाकै कानकी गबाही याम्‍हन्‍या, चाँहा होसकै न बप्‍तिस्‍मा याम्‍हन ले, र पट्‍ट न भर्मीको होसको लेठाङ टी नुङ्‍ङन ले।”

युहन्‍ना 4:31

होडीक न बेला चेलाकै येशूकी ज्‍याच ठोक याछै, “गुरुज्‍यु, अब हीर ज्‍याच कुरा ज्‍यानी” डेयार बिन्‍ती जाटा।

युहन्‍ना 6:25

भर्मीकै टालौ पारी येशूकी डुपार गीना, “ए गुरुज्‍यु, नाको इला सेन टाराहा?”

प्रेरित 10:21

होटै पत्रुस म्‍हाका झाला र होसे भर्मीको लेठाङ नुङार डेया, “नाखुरीकै पाच भर्मी ङा न हो, नाखुरीक इला ही कामै राछ औँला?”

प्रेरित 10:29

होटबाटै आर्‌घाच बीट्‍टीकै हीर अप्‍ठ्‍यारो मामन्‍डीम ङा नाखुरीक लेठाङ राहा। नाखुरीकै ङाकी हीजै आर्‌घाच औँला? अब डेनी।”