युहन्‍ना 1:34 - पुर्वीय मगर

³⁴ ङै डाङा, र गबाही र याल्‍हे, होसको न परमेश्‍वरौ मीजा हो।”

युहन्‍ना 1:34 ပူးပေါင်းရင်းမြစ်များ

मत्ती 11:27

“पट्‍ट न ठोक ङौ बोये ङाकी जीम्‍मा याम्‍हने, बोये बाहेक मीजाकी अरु सुयेर माचीन्‍डीले, र मीजै बाहेक बोइकी सुयेर माचीन्‍डीले। अनी सु लेठाङ मीजै बोइकी टान्‍हाक्‍च इच्‍छा जाट्‍ले होचे चहीँ चीन्‍डीले।

मत्ती 16:16

सीमोन पत्रुसै डेया, “नाको जीवाच परमेश्‍वरौ मीजा मुक्‍ति याछ ख्रीष्‍ट हो।”

मत्ती 17:5

पत्रुसै ङाक्‍नाङ-ङाक्‍नाङ न फोक्‍सा बोच डेबु राहार होच्‍यो छायै होखुरीककी हुपा। डेबु भीत्रीलकीङ काट सोर राहा, “इसे ङौ जाक्‍च मीजा हो, इसे खाटा ङा सार्‍है मार्‍हाङ्‍ङने, इच्‍यो कुरा सेनी।”

मत्ती 26:63

टर येशू माच्‍याक्‍ङ न ङुवा। अनी प्रधान पुजाहारीये फेरी डेया, “जीउँडो परमेश्‍वरौ म्‍यर्‌मीनाङ शपथ ज्‍यार डेले, कानकी डेम योहो, ही नाङ परमेश्‍वरौ मीजा मुक्‍ति याछ ख्रीष्‍ट हो?”

मत्ती 27:40

र डेया, “ए नाङ, मन्‍दिर भट्‍कडीयार सोमयाकाङ खास्‍की य्‍होक्‍ले डेच, इडीक नाङ परमेश्‍वरौ मीजा हो डेनाङ नाङ्‍ल्‍हाकी जीवाको र क्रूसीङ झालार म्‍हाका रान्‍हा।”

मत्ती 27:43

इचे परमेश्‍वरकी विश्‍वास जाट्‍ले। परमेश्‍वरै मीमन जाटा डेनाङ होसकै इसकी चाहाँ न जीवाक्‍ख्‍यो, हीजैडेनाङ इचे ‘ङा परमेश्‍वरौ मीजा हो’ डेमन्‍या।”

मत्ती 27:54

जब कप्‍तान र होसेखाटा येशूकी रुङ्‍च सीपाहीकै भुइँचालो नुङ्‍च र होला छान्‍न ङुच अरु घटनाको डाङा, टब साप्‍फी बीर्‍हीयार होखुरीकै डेया, “साँच्‍ची न, इसको च परमेश्‍वरौ मीजा लेसा!”

मत्ती 3:17

अनी होडीक न बेला स्‍वर्ग लकीङ याङ्‍च आवाज सेया, “इसे ङौ जाक्‍ङ सेच मीजा हो, ङा इसे खाटा साफ्‍फी मार्‍हाङ्‍ने।”

मत्ती 4:3

टब होडीक बेला येशू लेठाङ शैतान राहार डेया, “इडीक नाको परमेश्‍वरौ मीजा हो डेनाङ इसे ल्‍हुङकोलाक रोटो छान्‍ख्‍यो डेम आज्ञा जाट्‍नी।”

मत्ती 4:6

र डेया, “इडीक नाको साँच्‍ची न परमेश्‍वरौ मीजा हो डेनाङ इटै म्‍हाका फाल ङाप्‍नी, हीजैडेनाङ धर्मशास्‍त्राङ याङ्‍च रीक्‍ङने, ‘परमेश्‍वरै लहो स्‍वर्गदूतकुङ जीम्‍माङ नाकोकी याल्‍हे, र होखुरीकै नाकोकी लहो मीहुट मीहुटाङ न ढान्‍ले, होटबाटै नाकुङ मीखुट्‍या ल्‍हुङाङ माठोक्‍ले।’ ”

मत्ती 8:29

होखुरीकै च्‍याक्‍चै इट डेया, “ए परमेश्‍वरौ मीजा, नाकुङ कानखाटा ही काम ले? ही नाको टोक्‍डीच समय डेनाङ अगाडी न कानकी डुख याखी राछ हो?”

मर्कूस 1:1

परमेश्‍वरौ मीजा येशू ख्रीष्‍टौ सेछ समचार इटजाट्‍न सुरु छाना।

मर्कूस 1:11

होटै स्‍वर्ग लकीङ याङ्‍च आवाज राहा, “नाको ङौ जाक्‍ङ सेच मीजा हो, नाको खाटा ङा साप्फी मार्‍हाङने।”

लुका 1:35

स्‍वर्गदूतै डेया, “पवित्र आत्‍मा नाको लेठाङ राल्‍हे, होटै सर्वोच्‍चौ शक्‍तियो छाया नाको मीटाक पर्‌ले। होटबाटै नाकै डीन्‍छ बालख पवित्र छान्‍ले र होसकोकी न परमेश्‍वरौ मीजा डेले।

लुका 3:22

होटै पवित्र आत्‍मा ढुकुर लेखा होसको मीटाक बाम्‍ह राहा। होटै स्‍वर्ग लकीङ याङ्‌च आवाज राहा, “नाको ङौ प्‍यारो मीजा हो, नाको खाटा ङा सार्‍है मार्‍हाङ्‌ने।”

युहन्‍ना 1:18

परमेश्‍वरकी सुयेर सेन्‍र माडाङ्‍ने। टर काट मट्‍टै मीजा होसको परमेश्‍वर हो होसको बोयौ खेरेप ले र होसकै न कानकी परमेश्‍वर चीन्‍डीयाक्‍ने।

युहन्‍ना 1:49

नथानेलै डेया, “गुरु, नाको च परमेश्‍वरौ मीजा हो, नाको इस्राएलुङ राजा हो!”

युहन्‍ना 10:30

बोइ र ङा काट न हो।”

युहन्‍ना 10:36

ङाकी परमेश्‍वर बोये लहो काम पुरा जाट्‍की डेम ङाकी चुन्‍डीयार संसाराङ बीर्‌न्‍हकाच हो। होटडेनाङ ङा परमेश्‍वरौ मीजा हो डेनाङ नाखुरीकै कुटजाट्‍न ङै परमेश्‍वरौ निन्‍दा जाटा डेकी य्‍होक्‍ले?

युहन्‍ना 11:27

मार्‌ठै येशूकी डेया, “ज्‍यु प्रभु, ङा विश्‍वास जाट्‍ले की नाको न संसाराङ राछ परमेश्‍वरौ मीजा मुक्‍ति याछ ख्रीष्‍ट हो।”

युहन्‍ना 19:7

यहूदी अगुवाकै डेया, “कानुङ व्‍यवस्‍था अनुसार होचे मृत्‍युदण्‍ड डुप्‍की न पर्‌ले हीजैडेनाङ होचे लाहाकी परमेश्‍वरौ मीजा हो डेम डाबी जाट्‍नने।”

युहन्‍ना 20:28

ठोमै येशूकी डेया, “ए ङौ प्रभु, र ङौ परमेश्‍वर!”

युहन्‍ना 20:31

टर इला इट डेयार रीक्‍ङने, होटबाटै येशू न मुक्‍ति याछ ख्रीष्‍ट, परमेश्‍वरौ मीजा हो डेम विश्‍वास जाट्‍ख्‍यौ। र होसकुङ म्‍यार्‌मीनाङ विश्‍वास जाटार सेन्‍र मासीच जीवन डुप्ख्‍यौ।

युहन्‍ना 6:69

नाको न परमेश्‍वरै बीर्‌न्‍हकाच पवित्र जन हो डेम वार्‍हार कानै विश्‍वास जाट्‍नने।”

१ युहन्‍ना 2:23

मीजाकी इन्‍कार जाट्‍च कुसेर भर्मी खाटा परमेश्‍वर बोइ माङुले। सुये मीजाकी सुइकार जाट्‍ले, होसे खाटा परमेश्‍वर बोइ र ङुले।

१ युहन्‍ना 3:8

पाप जाट्‍न ङुच चहीँ शैतानौ भर्मी हो। शैतानै सुरुलकीङ न पाप जाट्‍न राम्‍हने। होटबाटै शैतानौ कामकी नास जाट्‍की डेम परमेश्‍वरौ मीजा संसाराङ राछ हो।

१ युहन्‍ना 4:9

परमेश्‍वरै काल्‍हाकी लहो प्रेम इटजाट्‍न टान्‍हाका, की होसकुङ मीजा लकीङ कानै सेन्‍र मासीच जीवन डुप्‍ख्‍यौ डेयार होसकै लहो काट्‍जा मीजाकी र संसाराङ बीर्‌न्‍हका।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।

२ युहन्‍ना 1:9

ख्रीष्‍टौ शिक्षाकी डासार बाहीरुङ अरु कुरा पट्‍टी लक्‍डीस्‍च भर्मीखाटा परमेश्‍वर माङुले। टर होसकुङ शिक्षा माडास्‍न ङुच खाटा चहीँ बोइ र मीजा नीस न ङुले।