युहन्‍ना 1:29 - पुर्वीय मगर

²⁹ पीउर्‍हाक लेखो युहन्‍नै येशूकी लाहा पट्‍टी राछै जाट्‍च डाङार डेया, “ङोस्‍नी, संसारुङ भर्मीकोलाक पापलकीङ छुटकारा याछ परमेश्‍वरौ थुमा!

युहन्‍ना 1:29 ပူးပေါင်းရင်းမြစ်များ

मत्ती 1:21

होचे काट लेन्‍जा मीजा जन्‍मडीले, र नीये होसे बालखौ म्‍यार्‌मीन येशू डाकी। हीजैडेनाङ होसकै लहो भर्मीकोलाक होखुरीकुङ पापलकीङ छुटकारा याल्‍हे।”

मत्ती 20:28

होटजाट्‍न न भर्मीयो मीजा र सेवा डुप्‍की होइन टर सेवा जाट्‍की र वास्‍टै जनौ छुट्कारौ लागी लहो जीवन याखी राछ हो।”

युहन्‍ना 1:35

फेरी पीउर्‍हाक लेखो युहन्‍ना होसे न ठावाङ लहो चेलाको मढ्‍याङ नीस जना चेलाकोखाटा टोङ्‍ह ङुमन्‍या।

युहन्‍ना 1:36

अनी येशू नुङ्‍चै जाट्‍च डाङार युहन्‍नै डेया, “ङोस्‍नी, परमेश्‍वरौ थुमा!”

युहन्‍ना 1:43

पीउर्‍हाक लेखो येशूये गालीलाङ नुङ्‍च नीढो जाटार ख्‍योव्‍हा। होडीक न बेला होसकै फीलीपकी डुपार डेया, “ङाकी डुटो।”

युहन्‍ना 2:1

आपर्‍हीन लेखो गालीलुङ काना डेच सहराङ काट ब्‍याहा लेया। येशूओ मोइ होला लेया।

युहन्‍ना 3:16

हीजैडेनाङ परमेश्‍वरै संसारुङ भर्मीकोलाक याङ्‍च प्रेम जाटा, की होसकै लहो काटजा मीजाकी र याहा। होसकोकी विश्‍वास जाट्‍च सुर नास माछान्‍ले, टर होचे सेन्‍र मासीच जीवन डुप्‍ले।

युहन्‍ना 4:42

होखुरीकै होसे मास्‍टोकी डेया, “नाकै डेच कुरा सेयार मट्‍टै कानै विश्‍वास जाट्‍च होइन, टर अब च कान लहे न होसकुङ शिक्षा सेचबाटै विश्‍वास जाट्‍नने। होसको साँच्‍ची न संसारौ मुक्‍तिदाता हो डेच कुरा अब कानै वार्‌न्‍हने।”

युहन्‍ना 6:51

स्‍वर्ग लकीङ झाल्‍न राछ जीबीट रोटो ङा न हो। इसे रोटो सुये ज्‍याले होसे सढैँभरी जीवाम ङुले। ङै याछ होसे रोटो चहीँ ङौ डेह हो। संसारुङ भर्मीकै सेन्‍र मासीच जीवन डुप्‍ख्‍यौ डेयार ङा ङौ डेह याल्‍हे।”

प्रेरित 13:39

नाखुरीक विश्‍वास जाट्‍चको पट्‍टकै होसको लकीङ न पट्‍ट न पापलकीङ छुटकारा डुप्‍नने। होसे छुटकारा मोशौ व्‍यवस्‍थालकीङ नाखुरीकुङ लागी सम्‍भव मालेया।

प्रेरित 8:32

अनी होचे परेस्‍चै जाट्‍च धर्मशास्‍त्रओ खन्‍ड इसे लेया, “कुटजाट्‍न भेडाकी साट्‍की आल्‍न्‍हाङ लुरु-लुरु नुङ्‍ले, अठबा भेडा उन चेचओ अघी माच्‍याक्‍ङ ङुले होटजाट्‍न न होसकै र लहो मेङेर माखोलीया।

१ टीमोठी 2:6

पट्‍ट न भर्मीकुङ लागी छुटकारा याछ डामौ रुपाङ होसकै लाहाकी बली याहा। पट्‍ट न भर्मीको जीवाख्‍यौ डेच परमेश्‍वरौ मीमन हो, र इसे कुरौ प्रमाण ठीक समयाङ याहा।

टीटस 2:14

येशू ख्रीष्‍टै लहो जीवन वलिदान याहार कानकी पट्‍ट न खाल्‍या पापलकीङ छुट्कारा याहा। अनी होसकै कानकी पवित्र खास्‍कीयो लागी लहो जाटी खासा र सेछ काम जाट्‌की जोसीलो पार्‌या।

१ पट्‍रुस 1:19

टर नाखुरीककी ख्रीष्‍टौ बहुमुल्‍य य्‍हुये छुटकारा याहा। होसको हीर दोष मालेच र नीस्‍खोट भेडौ थुमा ल्‍याक्‍च न लेया।

१ पट्‍रुस 2:24

ख्रीष्‍टै काल्‍हौ पापको लहो शरीराङ बुवार सीङौ क्रूसाङ टङ्‍गडीसा, होटबाटै कान र पापौ लागी सीया अनी परमेश्‍वरकी जाक्‍ङ सेच सेछ कामौ लागी जीवाकी पर्‌ले। होसकुङ न चोटको लकीङ नाखुरीक गेपा।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।

१ युहन्‍ना 2:2

होसको कानुङ पाप मेट्‍डीकी डेम बलीडान छाना। कानुङ लागी मट्‍टै होइन, टर संसारुङ पट्‍ट न भर्मीकुङ पापौ लागी र हो।

१ युहन्‍ना 3:5

नाखुरीककी थाहा ले की कानुङ पाप मेट्‍डीकीयो लागी न ख्रीष्‍ट संसाराङ राहा। होसको खाटा पाप न माले।

१ युहन्‍ना 4:10

साँचो प्रेम इसेन हो: कानै परमेश्‍वरकी प्रेम जाट्‍च होइन, टर होसकै कानकी प्रेम जाटा र कानुङ पापौ बलीडान छान्‍कीयो लागी लहो मीजाकी संसाराङ बीर्‌न्‍हका।