युहन्‍ना 1:18 - पुर्वीय मगर

¹⁸ परमेश्‍वरकी सुयेर सेन्‍र माडाङ्‍ने। टर काट मट्‍टै मीजा होसको परमेश्‍वर हो होसको बोयौ खेरेप ले र होसकै न कानकी परमेश्‍वर चीन्‍डीयाक्‍ने।

युहन्‍ना 1:18 ပူးပေါင်းရင်းမြစ်များ

मत्ती 11:27

“पट्‍ट न ठोक ङौ बोये ङाकी जीम्‍मा याम्‍हने, बोये बाहेक मीजाकी अरु सुयेर माचीन्‍डीले, र मीजै बाहेक बोइकी सुयेर माचीन्‍डीले। अनी सु लेठाङ मीजै बोइकी टान्‍हाक्‍च इच्‍छा जाट्‍ले होचे चहीँ चीन्‍डीले।

लुका 10:22

“ङौ बोये ङाकी पट्‍ट कुराको जीम्‍मा याम्‍हे। बोये बाहेक मीजाकी सुयेर माचीन्‍डीले। बोइ सु आले डेम मीजै बाहेक सुयेर माचीन्‍डीले र मीजै बोइकी सु सुकी चीन्‍डीयाक्‍ले होसे भर्मीकै बाहेक सुयेर चीन्‍डीकी माय्‍होक्‍ले।”

युहन्‍ना 1:14

अनी बचन भर्मी छानार काल्‍हौ मीघ्‍याङ बास जाटा। होसको अनुग्रह र सत्‍यै न्‍हेप्‍च लेया। कानै होसकुङ बाड्‍को महीमा डाङा, होसे महीमा बोइलकीङ राछ काट मट्‍टै लेन्‍जा मीजौ लेया।

युहन्‍ना 12:41

इसे कुरा चहीँ यशैया अगमवक्‍तै येशूओ बाड्‍को महीमा डाङार होसकुङ न बारेयाङ डेमन्‍या।

युहन्‍ना 13:23

अनी येशूये माया जाट्‍च चेला चहीँ येशूखाटा ठोन्‍न्‍ह ङुमन्‍या।

युहन्‍ना 14:9

येशूये डेया, “फीलीप! इडीक लोट्‍च समयसम्‍म ङा नाखुरीक खाटा न ले, र पनी नाकै ङाकी माचीन्‍डीले? ङाकी डाङ्‍चये बोइकी डाङ्‍ङ भ्‍यामने। ङाकी डाङ्‍ङ र नाको हीजै ङाकी, ‘बोइ टान्‍हाक्‍ङ यान्‍ही’ डेले?

युहन्‍ना 17:26

नाकै ङाकी जाट्‍च माया होखुरीक खाटा र ङुख्‍यौ, अनी ङा होखुरीक खाटा ङुकी य्‍होकीङ डेयार होखुरीकुङ मीघ्‍याङ ङै नाकोकी चीन्‍डीयाका र चीन्‍डीयाक्‍ङ न ङुले।”

युहन्‍ना 17:6

“संसारलकीङ नाकै ङाकी याछ भर्मीकोलाक ङै नाकोकी चीन्‍डीयाक्‍ङ याम्‍हने। होखुरीक नाकुङ न लेया, अनी नाकै होखुरीक ङाकी याहा, र होखुरीकै नाकुङ बचन मन्‍डीमने।

युहन्‍ना 3:11

साँच्‍ची न ङा नाकोकी डेले, कानै ही वार्‌न्‍हने होसे डेले, अनी ही डाङ्‍ङ ने होसे न सेटाक्‍ले, टर नाखुरीक कानै याछ गबाही स्‍वीकार माजाट्‍ले।

युहन्‍ना 6:46

बोइकी कुसे भर्मीये र माडाङ्‍ने, सु चहीँ परमेश्‍वर लकीङ राछ हो, होचे मट्‍टै बोइकी डाङ्‍नने।

१ टीमोठी 1:17

अब सधैँभरीयुङ राजा, सधैँभरी जीवाम ङुच अनी जुन की कानै डाङ्‍की माय्‍होक्‍ले होसकोकी न आदर र महीमा सधैँभरी छान्‍ख्‍यो। होसको काट मट्‍टै परमेश्‍वर हो! आमेन।

१ टीमोठी 6:16

होसको खाटा मट्‍टै सधैँभरी जीवाम ङुच जीवन ले, र होसको ज्‍योतियाङ ङुले अनी होला सुर खेरेप नुङ्‍की माय्‍होक्‍ले। होसकोकी चाहाँ सम्‍म सुयेर माडाङ्‌ने र डाङ्‍की र माय्‍होक्‍ले। सधैँभरी ङुच शक्‍ति र आदर होसकोखाटा न ङुख्‍यौ। आमेन।

१ युहन्‍ना 4:12

सुयेर सेन्‍र परमेश्‍वरकी माडाङ्‍ङने। टर इडीक कानै काटै काट्‍की प्रेम जाटा डेनाङ परमेश्‍वर कान भीत्री ङुले र होसकुङ प्रेम कानखाटा पुरा छान्‍ले।

१ युहन्‍ना 4:20

इडीक सुयेर “ङा परमेश्‍वरकी प्रेम जाट्‍ले” डेले, टर लहो डाजेभाइको र डै बहीनीकोलाक हेला जाट्‍ले डेनाङ होसे झुटो हो। हीजैडेनाङ लहे डाङ्‍च लहौ डाजेभाइको र डै बहीनीकोलाक न प्रेम माजाट्‍चये झन माडाङ्‍च परमेश्‍वरकी कुटजाट्‍न प्रेम जाट्‍की य्‍होक्‍ले?

१ युहन्‍ना 4:9

परमेश्‍वरै काल्‍हाकी लहो प्रेम इटजाट्‍न टान्‍हाका, की होसकुङ मीजा लकीङ कानै सेन्‍र मासीच जीवन डुप्‍ख्‍यौ डेयार होसकै लहो काट्‍जा मीजाकी र संसाराङ बीर्‌न्‍हका।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।