युहन्‍ना 1:13 - पुर्वीय मगर

¹³ होखुरीक भर्मीयो य्‍हुलकीङ परमेश्‍वरौ मीजाको छान्‍च अठबा भर्मीयो शरीरौ इच्‍छालकीङ जन्‍मडीस्‍च होइन टर परमेश्‍वरलकीङ जन्‍मडीस्‍च हो।

युहन्‍ना 1:13 ပူးပေါင်းရင်းမြစ်များ

मत्ती 3:9

‘कान अब्राहामौ सन्‍तान हो’ डेनाङ न नाखुरीक परमेश्‍वरलकीङ राछ दन्‍ड लकीङ भीस्‍की डीन्‍ल्‍हे डेम माआरमीट्‍नी। साँच्‍ची न ङा नाखुरीककी डेले, परमेश्‍वरै इसे ल्‍हुङ्‍को लकीङ र अब्राहामौ लागी सन्‍तान खास्‍की य्‍होक्‍ले।

युहन्‍ना 3:3

येशूये होसकी डेया, “साँच्‍ची न ङा नाङ्‍की डेले, सुर नयाँ जाट्‍न माजन्‍मडीसा डेनाङ होचे परमेश्‍वरौ राज्‍यकी डाङ्‍की माय्‍होक्‍ले।”

टीटस 3:5

होसकै कानकी जीवाटाका। कानै लहे न जाट्‍च सेछ कामै जाट्‍न होइन, टर होसकै कानकी जाट्‍च कृपौ कारनै जीवाटाक्‍च हो। होसकै पवित्र आत्‍मा लकीङ कानुङ पापकोलाक हुरार नयाँ जीवन याहा।

याकुब 1:18

कान सृष्‍टियो पहीला स्‍याच मीस्‍याको ल्‍याक्‍च छान्‍की य्‍होकीङ डेयार होसकै लहौ न इच्‍छै सत्‍य बचन लकीङ कानकी नयाँ जीवन याहा।

१ पट्‍रुस 1:23

परमेश्‍वरौ जीबीट बचन लकीङ नाखुरीकुङ नयाँ जन्‍म छान्‍नने, र होसे जीवन सधैँभरी ङुले। नाखुरीक नास छानार नुङ्‍च छोयौ सन्‍टानको होइन, टर सेन्‍र नास माछान्‍च परमेश्‍वरौ बचनौ छोयौ सन्‍टानको हो।

१ पट्‍रुस 1:3

कानुङ प्रभु येशू ख्रीष्‍टौ बोइ परमेश्‍वरकी प्रशंसा। येशू ख्रीष्‍टकी सीचलकीङ जीवाटाकार बाड्‍को कृपा जाटा, र होसकै कानकी नयाँ जन्‍म याहा। इटबाटै कान बाड्‍को आशा डुपार जीवामे।

१ पट्‍रुस 2:2

चाम-चाम डीन्‍छ बालखै डुढ सोन्‍न्‍हाङ लेखा न नाखुरीक र परमेश्‍वरौ सत्‍य बचन गाकी मीमन जाट्‍नी, अनी होसे लकीङ नाखुरीक ल्‍होङ्‍ले र जीवाले।

१ युहन्‍ना 3:9

परमेश्‍वरौ सन्‍टानकै पाप जाट्‍न माङुले हीजैडेनाङ होसेखाटा परमेश्‍वरौ स्‍वभाव छान्‍ने। होचे पाप जाट्‍न ङुकी माय्‍होक्‍ले हीजैडेनाङ होसे परमेश्‍वरौ मीजाको हो।

१ युहन्‍ना 4:7

ङौ जाक्‍च लाफाको, काल्‍हाको काटै काट्‍की प्रेम जाटीङ हीजैडेनाङ प्रेम चहीँ परमेश्‍वर लकीङ राछ हो। सुये प्रेम जाट्‍ले होसे परमेश्‍वर लकीङ जन्‍मडीस्‍च मीजाको हो र होचे परमेश्‍वरकी चीन्‍डीले।

१ युहन्‍ना 5:1

येशू न मुक्‍ति याछ ख्रीष्‍ट हो डेयार विश्‍वास जाट्‍चको पट्‍ट न परमेश्‍वरौ मीजाको हो। अनी बोइकी प्रेम जाट्‍चकै होसकुङ मीजाकी र प्रेम जाट्‍ले।

१ युहन्‍ना 5:18

परमेश्‍वरौ सन्‍टानको सुयेर पाप जाट्‍न माङुले हीजैडेनाङ परमेश्‍वरौ मीजै होसकी सधैँ जोगडीयार डाले, र शैतानै होसकी हानी जाट्‍की न माय्‍होक्‍ले। इसे कुरा कानकी थाहा ले।

१ युहन्‍ना 5:4

हीजैडेनाङ परमेश्‍वरौ सन्‍टानको काट-काट जनै दुष्‍ट संसारकी जुकी य्‍होक्‍ले। कानुङ विश्‍वासै न कान संसारकी जुले।