याकुब 5:7 - पुर्वीय मगर

⁷ होटबाटै ङौ विश्‍वासी डाजेभाइको र डै बहीनीको, प्रभु मार्‍हाठर धैर्य जाटार लेन्‍नी। ङोस्‍नी, य्‍हाङ काम जाट्‍च कीसानै अन्‍न स्‍याटाक्‍कीयो लागी बाड्‍को आसा डार होचे वर्षा र हीउँडौ नामास मार्‍हाठर कुडीक धैर्य जाटार लेन्‍ले।

याकुब 5:7 ပူးပေါင်းရင်းမြစ်များ

मत्ती 16:27

हीजैडेनाङ भर्मीयो मीजा लहो बोयो महीमाङ लहो स्‍वर्गदूतको खाटा राल्‍हे, अनी होडीक बेला होसकै काट-काट भर्मीकी होचे जाट्‍च काम अनुसार जाट्‍ले।

मत्ती 16:28

साँच्‍ची न, ङा नाखुरीककी डेले, इला टोङ्‍छको मध्‍याङ कुडीक जनै भर्मीयो मीजाकी लहो राज्‍याङ राम्‍हन लेच माडाङ्‍ठर मासीले।”

मत्ती 24:27

हीजैडेनाङ कुटजाट्‍न भर्मीकै सर्‌घाङ बीजुली पीझ्‍यानाङ पूर्वलकीङ पस्‍चीमसम्‍म ट्‍याङ्‍छ डाङ्‍ले, होटजाट्‍न न भर्मीयो मीजा रान्‍हाङ भर्मीकै होसकोकी डाङ्‍ले।

मत्ती 24:44

होटबाटै नाखुरीक र होसीयार छानार ङुनी, हीजैडेनाङ भर्मीयो मीजा नाखुरीकै माचीटडीच बेलाङ राल्‍हे।

लुका 18:8

ङा नाखुरीककी डेले, होसकै छीटो न होखुरीककी न्‍याय जाट्‍न याल्‍हे। टर भर्मीयो मीजा रान्‍हाङ ही होचे पृथ्‍वीयाङ विश्‍वास डुप्‍ले र?”

लुका 21:27

होटै भर्मीयो मीजाकी बाड्‍को शक्‍ति र महीमा खाटा डेबुवाङ राछै जाट्‍च होखुरीकै डाङ्‍ले।

लुका 8:15

टर असल झाङ पर्च छोयो चहीँ होकुरीक हो, बचन सेयार सेछ र भलो रीदयाङ जोगडीम डाले, होटै लेन्‍न र मीस्‍या स्‍याटाक्‍ले।

युहन्‍ना 21:22

येशूये पत्रुसकी डेया, “इडीक ङा मार्‍हाठर होसे जीवाम ङुख्‍यो डेच ङै मीमन जाट्‍नाङ र नाङ्‌की ही ट? नाङ चहीँ ङाकी डुटो।”

युहन्‍ना 21:23

होटबाटै होसे चेला मासीले डेच कुरा येशूओ अरु चेलाको लेठाङ फैलडीसा। खासाङ येशूये होसे मासीले चहीँ माडेमन्‍या। टर “इडीक ङा मार्‍हाठर होसे जीवाम ङुख्‍यो डेच ङै मीमन जाट्‍नाङ र नाङ्‌की ही ट?” डेयार डेमन्‍या।

१ ठेसलोनीकी 1:3

कानुङ परमेश्‍वर बोयो म्‍याहासाङ नाखुरीकुङ विश्‍वासलकीङ जाट्‍च काम, प्रेमै जाट्‍च मेहनट र कानुङ प्रभु येशू ख्रीष्‍टाङ डाच आशौ सहनसीलटा कान आर्‌मीट्‍न न ङुले।

१ ठेसलोनीकी 2:19

काल्‍हौ प्रभु येशू रान्‍हाङ होसकुङ म्‍याहासाङ आशा, आनन्‍द र गर्वौ मुकुट ही डेनाङ र नाखुरीक न हो, होइन र?

१ ठेसलोनीकी 3:13

कानुङ प्रभु येशू लहो पवित्र भर्मीको खाटा रान्‍हाङ कानुङ परमेश्‍वर बोयो म्‍याहासाङ नाखुरीकुङ रीदयकी पवित्र र निर्दोष खासार बलीयो खास्‍न याख्‍यौ।

याकुब 4:11

ङौ विश्‍वासी डाजेभाइको र डै बहीनीको, सुओर विरुधाङ मासेम्‍ह माडेकी। लहो विश्‍वासी डाजेभाइकुङ विरुधाङ मासेम्‍ह डेच र डोस लैडीच भर्मी व्‍यवस्‍थौ विरुधाङ ङाक्‍ले र होचे व्‍यवस्‍थाकी डोस याल्‍हे। टर इडीक नीये व्‍यवस्‍थाकी डोस याल्‍हे डेनाङ च नाङ व्‍यवस्‍थाकी मन्‍डीच होइन, टर होच्‍यौ न्‍याय जाट्‍च टी छाना।

याकुब 5:10

ङौ विश्‍वासी डाजेभाइको र डै बहीनीको, कष्‍टौ बेलाङ धैर्य जाट्‍च उडाहरन कुङ्‍च छान्‍की पर्च हो, होसे कुरा प्रभुओ म्‍यार्‌मीनाङ ङाक्‍च अगमवक्‍ताकोलाक ङोस्‍नी।

याकुब 5:3

इसे अन्‍टीम डीनकोवाङ नाखुरीकै धन सम्‍पत्ति ठुपारीमने। नाखुरीकुङ सुन चाँडीयाङ कस बाम्‍हने। होसे न कस नाखुरीकुङ विरुद्धाङ साक्षी छान्‍ले र म्‍हे लेखा न होचे नाखुरीकुङ शरीरकी सीकाकार नास जाट्‍ले।

२ पट्‍रुस 3:4

अनी डेले, “ख्रीष्‍टै राल्‍हे डेयार प्रतिज्ञा जाट्‍च होइन? खोइ कुला नुङा? कानुङ खायाकुङ ख्रीष्‍टीयन अगुवाको सीयार नुङा, टर संसारौ सृष्‍टि छान्‍च लकीङ छान्‍न राछ कुराको चाहाँसम्‍म र लेमैले।”